PROVERBIOS 1:5 - Biblia Guarani Tumpa Iñee

⁵ Yarakuaa katu vae oenduta, jare oñemoïru yé chupe iyarakuaa katu, yarakuaa katu vae omoïru iyarakuaa katu.

PROVERBIOS 1:5 ပူးပေါင်းရင်းမြစ်များ

2 CRÓNICAS 25:16

Ërei ñeemombeúa jei oï kuaekuae yave, mburuvicha guasu jei chupe: —¿Ndeparavo reta pa mburuvicha guasu remboarakuaa vaerä? ¡Agüɨye jökorai! ¿Ani reipota pa ndeyuka reta? Kuae ñee opa jei yave, ñeemombeúa jei: —Che aikuaa Tumpa oñono ma ndemboai vaerä kuae reyapo jeko pegua, mbaetɨ ramo reipota reendu cheporomboarakuaa.

JOB 34:10

Jáeramo, pe yarakuaa katu vae reta, peyeapɨsaka cheré, ¡agüɨye peyemongeta Tumpa Imbaepuere yae ete vae kotɨ, oyapota ikavimbae vae ani jupimbae vae!

JOB 34:16

Nde ndearakuaa katu yave, eyeapɨsaka; eyeapɨsaka kavi cheñee reta re.

JOB 34:2

Peyeapɨsaka cheñee re yarakuaa katu vae reta, jare pe peyemboe vae reta peyeapɨsaka kavi cheré.

JOB 34:34

Kuimbae yarakuaa vae reta oyeapɨsaka cheré, yarakuaa katu vae reta jeita cheve:

PROVERBIOS 12:1

Mboromboe oaɨu vae, arakuaa ko oaɨu; ërei yemboeta güɨröɨro vae, yarakuaambae ko.

PROVERBIOS 14:6

Oporoyóyai yóyai vae, oeka arakuaa katu, ërei mbaetɨ ipuere oväe; ërei yarakuaa katu vae pe, mbaetɨ etei yavai.

PROVERBIOS 18:15

Yarakuaa vae, oväe arakuaa katu, yarakuaa vae, oeka arakuaa.

PROVERBIOS 19:25

Oporoyóyai yóyai vae iñenupa rupi, yarakuaambae yarakuaa; ërei yarakuaa katu vae pe oye mboeta yave, yarakuaa katu voi.

PROVERBIOS 21:11

Oporoyóyai yóyai vae iñenupa rupi, yarakuaambae iyarakuaa; ërei yarakuaa katu vae pe oyemboeta yave, yarakuaa katu voi.

PROVERBIOS 8:33

Peyeapɨsaka yemboarakuaa re, pearakuaa peyeupe; agüɨye peröɨro.

PROVERBIOS 9:8

Agüɨye emboeta oporoyóyai yóyai vae pe, agüɨye vaerä nemotareɨ; emboarakuaa iyarakuaa katu vae, jare jae nderaɨuta.

PROVERBIOS 9:9

Emee arakuaa iyarakuaa vae pe, jare iyarakuaa yae eteta; emboe jupi vae, jare oñemoïruta chupe iyarakuaa.

ECLESIASTÉS 9:11

Kuae ɨvɨ pe jekuae aecha ye vae jae ko: Mbaetɨ iñäkua yae vae retaño oporomoamɨri, mbaetɨ jëia yae vae retaño oporomoamɨri; mbaetɨ yarakuaa vae retaño güɨnoi tembíu, mbaetɨ yarakuaa katu vae retaño oikokatu, mbaetɨ jeta oyemboe vae retaño imboetea yae; echa opaete kuae reta pe oväe väei ko iara.

1 Corintios 10:15

Kuae jae peve, pe iyarakuaa vae reta pe. Pe reta etei peecha añete ra kuae che jae peve vae.

DEUTERONOMIO 4:6

Peñovatu jare peyapo mborookuai jei rami, echa jayave pearakuaa katuta jare pereechata opaete tëta reta, jare oendu reta yave mborookuai, jei retata: ‘¡Añetete kuae tëtaguasu yarakuaa katu, jare oikuaa katu yae!’