PROVERBIOS 1:32 - Biblia Guarani Tumpa Iñee

³² Mbaetɨ arakuaa güɨnoi vae reta omanota opia jeko pegua, yarakuaambae reta oñemokañɨteiukata imbaeyekou pe;

PROVERBIOS 1:32 ပူးပေါင်းရင်းမြစ်များ

SALMOS 69:22

Iarete pegua tembíu kavi reta toï chupe reta ñuai rami, ikavi vaerä tëi vae, yemboavairä.

PROVERBIOS 1:22

“Pe, yarakuaambae reta, peporoyóyai yóyai vae reta, ¿kërai yave regua pa peröɨrota arakuaa katu? ¿Kërai yave regua pa peporoyóyai yoyaita?

PROVERBIOS 10:21

Jupi vae reta iñee rupi omborɨ jeta vae, ërei iyarakuaambae reta omano, mbaetɨ iyarakuaa jeko pegua.

PROVERBIOS 14:16

Yarakuaa katu vae, oipoɨu ikavimbae güi jare oyembosɨrɨ chugüi, ërei yarakuaambae, mbaetɨ etei mbae güi oipoɨu.

PROVERBIOS 2:18

Kuae jeko pegua iñemuña reta ñogüɨnoi mano peguarä, jape ojo omano vae reta kotɨ.

PROVERBIOS 5:22

Iyoa vae oyepokoita jeko pe aeño; jare oñeapɨtiukata iyoa pe aeño.

PROVERBIOS 8:36

ërei chekotɨ iyoa vae, jae aeño ko oñererokomegua, ¡opaete chereröɨro vae reta, mano ko oaɨu!”

PROVERBIOS 8:5

pe, yarakuaambae reta, peyemboe peyeandu katu vaerä jare pepoki vaerä.

PROVERBIOS 9:18

Ërei jae reta mbaetɨ oikuaa, ñogüɨnoi ma ko omanogüe reta ñogüɨnoia pe, jókuae oyeparea chupe vae reta.

ISAÍAS 66:4

Jayave, che aiparavota vi tembiporara chupe reta, aruta chupe reta, jae reta okɨɨye yae chugüi vae. Echa aporoenɨi tëi yave mbaetɨ kia omboyevɨ cheve, cheñee amoë tëi yave, mbaetɨ kia oendu cheve; ikavimbae oyapo reta cheróvai, oiparavo reta iyeupe, mbaetɨ etei ipöra cheve vae.”

JEREMÍAS 2:19

Ikavimbae reyapo vae oiporaraukata ndeve, jupimbae reyapo vae nejäata. Eyemongeta jare reikuaata, ikavimbae yae ko reyapo chereeya jare mbaetɨ chemboete vae jeko pegua, che ndeYa Imbaepuere yae ete vae jae.

AMÓS 6:1

¡Paravete, Sión pe yogüɨreko pɨagüive vae reta! ¡Jare tëta Samaria ɨvɨtɨ re oï vae pe yogüɨreko pɨagüive vae reta, tenondegua reta, iyemboetea yae tëtaguasu pe vae reta, kuae reta re ko oyemboya Israel iñemuña reta!

San Juan 3:36

Tumpa Taɨ re güɨrovia vae güɨnoi ma tekove opambae vae, ërei Tumpa Taɨ re mbaetɨ güɨrovia vae ngaraa güɨnoi tekove. Tumpa iyarasɨ oata jese.

DEUTERONOMIO 28:17

Yepopeyu toa pekanata ipo re jare mbɨyape oyemómbɨu pɨpe vae re.

Hebreos 12:25

Jáeramo peyeandu, agüɨye peäteɨ peyeapɨsaka imiari yandeve vae re, echa mbaetɨ ojoyepe jókuae ñäteɨ oyeapɨsaka kuae ɨvɨ pe omboarakuaa tëi vae reta, vɨtei pa yande ñaneäteɨ yayeapɨsaka yave ara güi yandemboarakuaa vae re.

Hebreos 12:8

Echa mbaetɨ yave pembosɨmbi, opaete taɨ reta oyapo rami, mbaragüe ko pe, taɨä ko jayave.

Santiago 5:5

Kuae ɨvɨ pe peiko ramboeve, peiko kavi yae ko jare peyapo pepuere rupi pepɨa jemimbota reta. Peyemongɨra ko, mɨmba oyemongɨra oyeyukata vae rami.