PROVERBIOS 1:28 - Biblia Guarani Tumpa Iñee

²⁸ Jókuae ara chereenɨita, ërei ngaraa aendu peve; chereeka tëita, ërei ngaraa cheväe chupe;

PROVERBIOS 1:28 ပူးပေါင်းရင်းမြစ်များ

GÉNESIS 6:3

Jare yandeYa jei: “Mbaetɨta amaeño kuimbae oikove jekuae avei, echa jae ko sooño; jáeramo jaeño oikoveta ciento veinte año.”

JOB 27:9

¿Oenduta ra isapúkai Tumpa chupe, ou jese tembiporara guasu yave?

JOB 35:12

Jáeramo osapúkai reta yave, Tumpa mbaetɨ omboyevɨ chupe reta, echa jae reta ko kuimbae jeko pochɨ jare iyemboete iyé vae.

SALMOS 18:41

Osapúkai reta tëi, ërei mbaetɨ kia oepɨ; yandeYa ave oenɨi reta tëi, ërei mbaetɨ oendu chupe reta.

SALMOS 18:42

¡Amongúiasɨ reta ɨvɨkúi ɨvɨtu opa güɨroveve vae rami! ¡Apɨ̈ro jese reta, tape rupi tuyuapo re oñepɨ̈ro rami!

SALMOS 66:18

Chepɨa pe anoi yemongeta ikavimbae vae yave, mbaetɨta tëi ko Tumpa oyeapɨsaka cheré.

PROVERBIOS 15:29

YandeYa, mombɨrɨ oï iyoa vae reta güi, ërei oendu, jupi vae reta iyerure.

PROVERBIOS 8:17

Che aɨu cheraɨu vae reta, jare chereeka voi vae reta cheväe.

CANTARES 5:6

Aipea öke, aaɨu vae pe, ërei jae mbaetɨ ma yepe oï joko pe; jare aë jaɨkue, aeka tëi, ërei mbaetɨ aväe, asapúkai tëi chupe, ërei mbaetɨ omboyevɨ cheve.

ISAÍAS 1:15

Pepo peupi peyerure yave, ngaraa amae peré; yepe tëi jeta peyerure, che ngaraa aendu. Pepo reta tugüɨ yepeai penoi.

JEREMÍAS 11:11

Jáeramo aruta chupe reta susere mbaetɨta ipuere otekuarai chugüi vae. Yepe tëi täta jäse reve oeka cheve yemborɨ, ngaraa aendu chupe reta. Che ndeYa jae kuae.

JEREMÍAS 14:12

Yepe tëi oyekuaku reta tembíu güi, che ngaraa aendu chupe reta iyerure; yepe tëi omee reta mɨmba oyeyukagüe opaetei oyeapɨ vae ani mbota reta, ngaraa amboresive chugüi reta, jaeño amokañɨtei retata ñeraro rupi, karuai jare mbaerasɨ ovakatu vae rupi.”

EZEQUIEL 8:18

Ërei che ayapota vi mbae chupe reta chearasɨ reve. Mbaetɨta cheɨ̈ro chupe reta, ngaraa aiparareko reta. Yepe tëi täta osapúkai reve chereenɨi retata, ërei che ngaraa aendu chupe reta.”

OSEAS 5:15

Aja yeta aïa pe, jae reta oikuaa regua iyoa ko vae, yogüeru regua chereeka. ¡Oiporara reta ñogüɨnoi yave, chereekata!”

OSEAS 5:6

Ivecha reta reve jare iguaka reta reve yogüɨrajata oeka yandeYa, ërei ngaraa oväe reta chupe, echa jae osɨrɨ chugüi reta.

AMÓS 8:12

Matɨ rupi ko oeka reta tëita yandeYa iñee; ɨvɨtuguasu güive kuaraɨ oëa kotɨ; ërei mbaetɨta oväe chupe.

MIQUEAS 3:4

Metei ara peenɨita yandeYa, ërei jae ngaraa oendu peve; oñomita jova pegüi jókuae ara rupi, teko kavimbae yae peyapo jeko pegua.

ZACARÍAS 7:13

Jare jei: “Che aenɨi reta tëi yave mbaetɨ oyeapɨsaka cheré, jökoraiño vi osapúkai reta chekotɨ yave; che mbaetɨta aendu chupe reta.

DEUTERONOMIO 1:45

Jare peyerova peyaeo reve yandeYa jóvai, ërei yandeYa mbaetɨ oendu peñee, mbaetɨ vi oyeapɨsaka peré.

Santiago 4:3

Peyerure tëi, ërei mbaetɨ pemboresive, echa peyerure kaviä. Echa peyerure mbaembae re peiporu vaerä pepɨa jei vae reño.

1 SAMUEL 8:18

Jare metei ara jókuae peruvicha guasu peiparavogüe jeko peroäse ma yave, yandeYa mbaetɨta oyeapɨsaka peré.