PROVERBIOS 1:23 - Biblia Guarani Tumpa Iñee

²³ Peyeapɨsaka cheporombosɨmbi re, jare che ameeta peve chearakuaa katu, jare aikuaaukata peve cheñee reta.

PROVERBIOS 1:23 ပူးပေါင်းရင်းမြစ်များ

SALMOS 145:1

Torombotuicha cheTumpa, cheruvicha guasu, amboeteta nderee jekuae avei rupi.

PROVERBIOS 1:25

Peröɨroño opaete cheporomboarakuaa; mbaetɨ peipota cheporombosɨmbi ave.

PROVERBIOS 1:30

Mbaetɨ peipota peendu cheporomboarakuaa; peröɨro cheporombosɨmbi.

PROVERBIOS 10:17

Yemboarakuaa oendu vae oepeña ko tekove; ërei yembosɨmbi mbaetɨ oipota oendu vae, oyavɨ ko iyeupe.

PROVERBIOS 12:1

Mboromboe oaɨu vae, arakuaa ko oaɨu; ërei yemboeta güɨröɨro vae, yarakuaambae ko.

PROVERBIOS 29:1

Oyemboeta chupe vae oyembopɨa täta yave, güɨramoiño okañɨteita, mbaetɨta kia oepɨ vae.

PROVERBIOS 6:23

Echa mborookuai reta jare mboromboe reta tembipe rami ko, yemboarakuaa reta tape tekove pegua ko.

ISAÍAS 32:15

Ërei yandeYa iEspíritu outa yanderé ɨvate güi, jayave ɨvɨ ipombae, ikavi yeta oñemaetɨ pɨpe vaerä, jare ɨvɨ kavi jeiete yaeta ikavi.

ISAÍAS 45:8

“Che ambouta ɨvate güi mbae jupi vae, ambouta ama rami, ani ɨsápɨi rami. Jare ɨvɨ omboresiveta, yereroasayepe oñemuñata, temitɨ ia oñemuña rami, jare mbae jupi vae, ipotɨta vi temitɨ rami.” Che ndeYa ko ayapo opaete kuaekuae.

JEREMÍAS 3:14

YandeYa jei: “Ipɨapochɨ vae reta, peyerova ye, che ko peYa. Perëta guasu ñavo güi aipɨɨta metei jare tëtara ñavo güi mókoi, jare pogüɨrajata Sión pe.

EZEQUIEL 33:11

Ere chupe reta: YandeYa Tumpa jei iyé aeño: Mbaetɨ aipota iyoa vae omano, aipota vae ko jae oyepoepɨ vaerä jeko güi oikove vaerä. Israel, eeya ndereko ikavimbae vae, ¿maera pa remanota?’

OSEAS 14:1

¡Israel, eyerova ye ndeYa Tumpa kotɨ, echa ndeyoa jeko pegua regüɨapi ma!

JOEL 2:27

jökorai peikuaata oime ko tëta Israel ipɨte pe che aï vae, jare che ko, jae peYa Tumpa jare mbaetɨ ye ko ïru; ¡jare chembae vae reta ngaraa ye ma oñemomaraiuka!

JOEL 2:28

“Kuae jaɨkue rupi ambouta cheEspíritu opaete vae reta re; jare peraɨ reta jare perayɨ reta oñemoñeeta cheregua; jare ndechi reta opaɨuta jare taɨrusu reta oechata Tumpa oechauka vae.

JOEL 3:1

Jókuae ara rupi, aru yeta tembipɨɨ güi Judá jare Jerusalén,

ZACARÍAS 12:10

Jare che apɨyereta David iñemuña reta re jare Jerusalén pegua reta re mbɨakavi jare kɨ̈reɨ yerure pegua. Jayave omae retata cheré, jae reta oikutu vae re, jare oyaeo retata, kia nunga oyaeo membɨ jae vaeño re rami, ipɨatɨtɨ reve jese, kia nunga vae ipɨatɨtɨ membɨrɨpɨ re rami.

San Lucas 11:13

Yepe tëi pe reta perekopochɨ, ërei pemee mbaembae ikavi vae pemichia reta pe. Vɨtei pa peRu ara pe oï vae omeeta Espíritu Santo, oyerure chupe jese vae reta pe.

San Juan 7:39

Jökorai imiari Jesús Espíritu omeeta güɨrovia jese vae reta pe vae re. Echa ndei ou Espíritu Santo, ndei Jesús oyemboeteuka ramo.

Hechos 26:20

jaeño amboɨpɨ amoërakua Damasco pegua reta pe, jare Jerusalén pegua reta pe, opaete Judea pegua reta pe jare judiombae vae reta pe. Amombeu chupe reta oeya vaerä jeko ikavimbae vae jare oyepoepɨ vaerä Tumpa kotɨ, oechauka reve jeko rupi oyepoepɨ reta ko vae.

Hechos 3:19

Jayave peeya peyemongeta ikavimbae vae pepɨa pe penoi vae jare peyerova Tumpa kotɨ, peyoa reta oyemboai vaerä, jare ou vaerä yandeYa güi ara mbɨakatu pegua,