PROVERBIOS 1:22 - Biblia Guarani Tumpa Iñee

²² “Pe, yarakuaambae reta, peporoyóyai yóyai vae reta, ¿kërai yave regua pa peröɨrota arakuaa katu? ¿Kërai yave regua pa peporoyóyai yoyaita?

PROVERBIOS 1:22 ပူးပေါင်းရင်းမြစ်များ

JOB 34:7

¡Mbaetɨ kia Job rami vae! Yavaiä etei oyóyai yóyai Tumpa, kia ɨ jou ramiño.

SALMOS 1:1

Oyerovia ko kuimbae, mbaetɨ oiko jeko kavimbae reta iporomboarakuaa rupi vae, mbaetɨ oiko iyoa vae reta jeko rupi vae, mbaetɨ oguapɨ Tumpa kotɨ mbae jei reve oyóyai vae reta ndive vae,

SALMOS 94:8

¡Pe mbaetɨ pearakuaa vae reta, pearakuaa mo peyeupe! Pe mbaetɨ pearakuaa vae reta, ¿kërai yave pa pearakuaata ma peyeupe?

ÉXODO 10:3

Jayave Moisés jare Aarón yogüɨraja Faraón pɨri, jare jei reta chupe: —OreYa, hebreo reta iTumpa jei körai: “¿Kërai yave regua pa mbaetɨta reñemomichi cheróvai? Emaeño toyogüɨraja tëta chembae, chemboete vaerä;

ÉXODO 16:28

Jayave yandeYa jei Moisés pe: —¿Kërai yave regua pa mbaetɨta perovia cheporookuai reta?

PROVERBIOS 1:21

Osapúkai jeta vae oyemboatɨa rupi, tëta guasu jöke reta rupi, jei:

PROVERBIOS 1:29

echa arakuaa peröɨro, jare mbaetɨ peipota peipoɨu che peYa güi.

PROVERBIOS 1:32

Mbaetɨ arakuaa güɨnoi vae reta omanota opia jeko pegua, yarakuaambae reta oñemokañɨteiukata imbaeyekou pe;

PROVERBIOS 1:4

Yemboarakuaa mbaetɨ arakuaa güɨnoi vae pe, taɨrusu vae reta pe oñemee vaerä arakuaa katu jare yemongeta kavi.

PROVERBIOS 1:7

Arakuaa katu jae ko yandeYa güi yaipoɨu vae; iyarakuaambae reta güɨröɨro arakuaa katu jare mboromboe.

PROVERBIOS 14:6

Oporoyóyai yóyai vae, oeka arakuaa katu, ërei mbaetɨ ipuere oväe; ërei yarakuaa katu vae pe, mbaetɨ etei yavai.

PROVERBIOS 15:12

Iporoyóyai yoyaise vae, mbaetɨ oaɨu omboeta chupe vae, mbaetɨ vi oñemoïru, yarakuaa katu vae reta ndive.

PROVERBIOS 19:29

Tembiporara, oäro oï oporoyóyai yóyai vae reta; jare chikote ko, iyarakuaambae reta peguarä.

PROVERBIOS 21:11

Oporoyóyai yóyai vae iñenupa rupi, yarakuaambae iyarakuaa; ërei yarakuaa katu vae pe oyemboeta yave, yarakuaa katu voi.

PROVERBIOS 21:24

Oporoyóyai yóyai vae jae ko, ipɨapochɨ vae jare oyembotuicha yae vae, oyembotuicha yae reve mbae oyapo vae.

PROVERBIOS 22:3

Oyeandu katu reve oiko vae oecha ikavimbae yave, oñemi chugüi; ërei yarakua ambae oasaño ojo jare oiporara.

PROVERBIOS 3:34

Añetete jae oyóyai yoyaita oporoyóyai yóyai vae reta, ërei ipɨakavi oñemomichi vae reta pe.

PROVERBIOS 5:12

Jare rere: “¡Maera pa ko aröɨro yemboarakuaa! ¡Maera pa ko aröɨro yembosɨmbi!

PROVERBIOS 6:9

Iyakɨ vae, ¡agüɨye mo eke mbatee! ¡Agüɨye mo eyapakua reteiño!

PROVERBIOS 7:7

aecha kunumi reta mbaetɨ yarakuaa vae, aecha chugüi reta metei mbaetɨ oyeandu katu reve oiko vae.

PROVERBIOS 8:5

pe, yarakuaambae reta, peyemboe peyeandu katu vaerä jare pepoki vaerä.

JEREMÍAS 13:27

Aecha ko ndepɨa mbokere, aguasa reyapogüe, ndereko mbokere reyeapo vae, ɨvɨtɨ jare kaa rupi pɨ̈chɨi yae reyapogüe. ¡Ndeparavete, Jerusalén! ¿Kërai yave pa reyetɨota cheróvai? ¿Kërai yave regua ra ndekɨata reiko?”

JEREMÍAS 4:14

Jerusalén, ndepɨa eitɨo ikavimbae güi reasayepe vaerä, ¿kërai yave regua pa remaeñota oiko, yemongeta ikavimbae ndepɨa pe?

NÚMEROS 14:27

—¿Kërai yave regua pa aenduta kuae tëta ipɨapochɨ jare iñeenguru chekotɨ vae, Israel iñemuña reta chemboeko vae?

San Mateo 17:17

Jayave Jesús jei: —Oporogüɨroviambae jare ipɨapochɨ vae reta. ¿Kërai regua pa aikota pe reta ndive? ¿Kërai regua pa pogüɨropɨata? Peru cheve kuae pe.

San Mateo 23:37

¡Jerusalén! ¡Jerusalén!, reyuka ñeemombeúa reta. Reyapi reyuka ita pe Tumpa ombou ndekotɨ vae reta. Jeta vese chekɨ̈reɨ tëi amboatɨ ndeipo reta, uru omboatɨ imembɨ reta ipepo igüɨ pe rami, ërei nde mbaetɨ reipota.

San Mateo 9:13

Pekua peyemboe kavi mbae ra oipota jei kuae: “Aipota vae jae ko peporoparareko avei, mbaetɨ aipota mɨmba oyeyukagüe opaetei oyeapɨ vaeño.” Echa mbaetɨ ko ayu aeka jupi vae reta. Ayu ko aeka iyoa vae reta, oeya vaerä jeko ikavimbae.

San Lucas 19:42

jei reve: “¡Reikuaa yave mona ndeyeupe kuae ara ko jae renoita tëi vi mbɨakatu vae! Ërei añave oñeomi oï ndegüi.

San Juan 3:20

Oipotagüe ikavimbae vae oyapo vae omotareɨ tembipe. Mbaetɨ ou tembipe pe, agüɨye vaerä ïru vae reta oikuaa chugüi jembiapo reta ikavimbae.

2 Pedro 3:3

Aipota peikuaa kuae räri: Ara taɨkuegua reta pe oimeta oporoyóyai yóyai vae reta, isoo jemimbota ikavimbae reño yogüɨreko vae reta,

Apocalipsis 22:17

Espíritu Santo jare Vecha kuimbae taɨrusu vae imenda ïru jei: “¡Eyu!” Jare oendu vae, tei: “¡Eyu!” Jare iɨuve vae tou toɨu; ikɨ̈reɨ vae tou ɨ tekove pegua güi jepɨmbae.