OSEAS 9:4 - Biblia Guarani Tumpa Iñee

⁴ mbaetɨta yandeYa pe pemee mbota vino oyepɨyere vae, mbaetɨta vi pemee mɨmba oyeyukagüe. Mbɨyape peu vae, manoa pe ramita, jókuae mbɨyape jou vae, ikɨata Tumpa jesa róvai. Jókuae mbɨyape peveguaräño, jókuae nunga mbɨyape mbaetɨta oyereroike tupao pe.

OSEAS 9:4 ပူးပေါင်းရင်းမြစ်များ

ÉXODO 29:40

Tenondegua vecha kuimbae taɨrusu vae, emee mókoi kilo trigokúi ipɨuasɨ kavi yae vae asaite olivo ia oyeapasogüe ndive oyemómbɨu vae, jare metei litro vino mbota oyepɨyere vae.

ÉXODO 40:23

kuae mesa pe oñono kavi mbɨyape reta yandeYa jóvai, yandeYa oyókuai Moisés vae rami.

ISAÍAS 57:6

Israel, ɨvɨtɨ päu ipe kavía pegua ita iïchɨi vae reta oimea pe, ikavi ndeve rembaemboete vaerä, jae ko remboete, chupe reta remee vino mbota oyepɨyere vae, jare temitɨ jäɨgüe. Opaete kuae peyapogüe reta ¿chemboyeroviata yera?

ISAÍAS 66:3

Toro oyuka omee cheve vae, kuimbae oyuka ramiño ko; vecha oyuka omee cheve vae, yaɨmba oñaseokɨ̈ti vae ramiño ko; mbota temitɨ jäɨgüe omee cheve vae, kuchi jugüɨgüe omee vae ramiño ko; mbota mbae ikäti kavi vae incienso omee cheve vae, tumpa-raanga reta omboete vae ramiño ko. Echa kuae mbaembae iyapoa reta, jae reta aeño, oiparavo yogüɨreko vaerä ikavimbae rupi, ipɨa oaɨu yae kuae mbaembae ikavimbae vae.

JEREMÍAS 16:7

Manoa pe tembíu kavi oyeapo vae ave mbaetɨta ombopɨakatu vaerä omano vae jëtara reta, yepe tëi omano tu ani ichɨ.

JEREMÍAS 6:20

Judá, ¿maera pa reru cheve ikäti kavi vae incienso Sabá pegua, jare mbae ikäti kavi yae vae matɨ güi? Mbaetɨ ikavi ndeve mɨmba oyeyukagüe opaetei oyeapɨ vae, ani ïru mɨmba oyeyukagüe reta ave mbaetɨ ndembopɨakatu.”

EZEQUIEL 24:17

Eiporara ndepɨa peño, agüɨye eyemonde temimonde mbɨatɨtɨ pegua pe. Agüɨye neäka-güɨrai eiko, ani ndepɨgüɨrai eguata; agüɨye nderova eñova nekañɨmaa vaerä mbɨatɨtɨ pe, agüɨye vi jeu tembíu jókuae peguarä oyeapo vae.”

EZEQUIEL 24:22

Ere chupe reta: Che ayapo rami etei peasata: Ngaraa peñova perova pekañɨmaa vaerä mbɨatɨtɨ pe, ani peu tembíu jókuae peguarä oyeapo vae.

DANIEL 1:8

Ërei Daniel oñono ipɨa pe agüɨye vaerä oyemongɨa Tumpa jóvai jókuae tembíu mburuvicha guasu jembíu güi oyeekɨ vae pe jare vino jae jou vae pe; jáeramo oiporu eunuco reta juvicha pe agüɨye vaerä omoñera etei jou vaerä.

OSEAS 3:4

Echa ɨma rupi Israel iñemuña reta yogüɨrekota juvicha guasumbae, itenondeguambae ngaraa ma omee mɨmba oyeyukagüe, ngaraa ma oime mbae iä, ngaraa ma sacerdote reta omonde temimonde sacerdote pegua, ngaraa ma oime o rupigua tumpa-raanga reta.

OSEAS 7:16

Mbaetɨ oyerova reta Tuichagüe yae ete vae kotɨ; metei güɨrapa oyepoka vae mbaetɨ uvɨ omondo kavi rami. Ipɨapochɨ reta jeko pegua juvicha reta opata okañɨtei ñeraro pe, jare Egipto pe oyóyai retata.

OSEAS 8:13

Jae reta omomora yae omee mɨmba oyeyukagüe, omee reta, jare jou reta isoogüe; ërei cheve mbaetɨ ikavi jókuae, chemaenduata ikavimbae oyapo reta vae re, aiporaraukata chupe reta iyoa re, amboyerova yeta Egipto kotɨ.

JOEL 1:13

Sacerdote reta, peyemonde temimonde mbɨatɨtɨ pegua pe, peyaeo, tupao pe peyeokuai vae reta; Tumpa jembiokuai reta, agüɨye pemboi temimonde mbɨatɨtɨ pegua, echa tupao pe mbaetɨ ma temitɨ jäɨgüe jare mbota vino oyepɨyere vae, Tumpa pe mbota oñemee vaerä.

JOEL 1:9

jökorai oyaeo sacerdote yandeYa jembiokuai reta, echa tupao pe mbaeti ma temiti jäigüe jare mbota vino oyepiyere vae, Tumpa pe mbota oñemee vaerä.

JOEL 2:14

Mbaetɨ yaikuaa oipoepɨta ra iyemongeta agüɨye vaerä oiporarauka peve, jare ombou mborerekua peve, oime vaerä temitɨ jäɨgüe jare mbota vino oyepɨyere vae, yandeYa Tumpa pe mbota oñemee vaerä.

LEVÍTICO 17:11

Echa opaete oikove vae, tugüɨ re ko güɨnoi tekove, jare jókuae tugüɨ che amee peve, cheɨ̈ro vaerä peyoa re, mɨmba oyeyuka oyeapɨ jese vae re, echa tugüɨ etei ko omboai mbaeyoa.

LEVÍTICO 21:17

“Ere Aarón pe metei ave taɨ reta ani taɨ iñemuña reta jete oikomegua reve, agüɨye togüɨroike mbɨyape Tumpa pe.

LEVÍTICO 21:21

Metei ave kuimbae sacerdote Aarón iñemuña reta güi jete oikomegua vae, agüɨye tomee mbota reta oyeapɨ vae cheve. Echa oikomegua ko, agüɨye tou tomee mbota mbɨyape Tumpa pe.

LEVÍTICO 21:6

iyoambae toyogüɨreko Tumpa pe, agüɨye tomongɨa reta Tumpa jee, echa mbota oyeapɨ oñemee cheve vae jare mbɨyape Tumpa pegua jae reta ko omee, jáeramo iyoambae toyogüɨreko.

LEVÍTICO 21:8

Eñono tee reta opaete mbaembae güi, echa jae reta ko omee mbɨyape neTumpa pe. Jare iyoambae toyogüɨreko ndeveguarä, echa che peYa iyoambae ko añono tee reta.

AMÓS 5:22

Mbaetɨ aipota mɨmba oyeyukagüe opaetei oyeapɨ vae pemee tëi cheve vae, jare mbota reta temitɨ jäɨgüe; ngaraa aipɨɨ pegüi perɨmba pemongɨragüe ave mbota yembopɨakatu peguarä pemee tëi yave.

MALAQUÍAS 2:13

Jare jekuae peñova yeta tesaɨ pe mɨmba oyeyuka oyeapɨ jese vae yandeYa imbae, yaeo pe, täse reta pe; jayave ngaraa ye ma amae mbota re aipɨɨ vaerä chepɨakatu reve pepo güi.

NÚMEROS 19:11

Kia nunga vae oyavɨkɨ yave oipotagüe kia jëogüe, tikɨa topɨta Tumpa jóvai chiu ara.

NÚMEROS 28:2

“Eyókuai Israel iñemuña reta, agüɨye tiñakañɨ reta tomee cheve mbota reta, mbɨyape jare mbota reta oyeapɨ vae, echa jókuae ko jae mbota ipiche katu cheve vae.

NÚMEROS 4:7

Jare mesa mbaemboete pegua iárambo toñono reta temimonderä vae vecharaagüe pegua jovɨü vae, jare iárambo toñono ñae reta, kuchara reta, kopa reta, tasa guasu reta vino mbota oyepɨyere pɨpe vae, jare mbɨyape toï avei iárambo.

San Juan 6:51

Che ko jae mbɨyape oikove vae ara güi ogüeyɨ vae. Kia nunga jou kuae mbɨyape vae oikoveta jekuae avei pegua. Jare jókuae mbɨyape ameeta vae cherete ko, jae ameeta ɨvɨ pegua reta jekove re vae.

DEUTERONOMIO 26:14

Jókuae güi, mbaetɨ etei jau aï yave mbɨatɨtɨ pe, ani nderóvai chekɨa aï reve, jare mbaetɨ arökuavee tumpa-raanga reta pe yepe. Ayapo neñee, ayapo opaete nde cheokuai rami.