OSEAS 9:2 - Biblia Guarani Tumpa Iñee

² Israel pegua reta mbaetɨta güɨnoi trigo jare vino; uva tɨɨgüe ipɨau mbaetɨta oupitɨ chupe reta.

OSEAS 9:2 ပူးပေါင်းရင်းမြစ်များ

GÉNESIS 50:10

Jare yogüɨraja oväe reta Atad pe, Jordán jovaicho pe oï vae pe yave, ipɨatɨtɨ yae reve oyaeo reta. Jare José ipɨatɨtɨ chiu ara rupi tu re.

OSEAS 2:11

Amboapɨta iyerovia katu, iarete reta, yasɨ pɨau pegua arete reta, ara mbutuu pegua reta jare opaete apirai iara reta.

OSEAS 2:12

Amboaita iuvarupa jare iɨvarupa, echa kuae re jei: ‘Cheparavɨkɨ jepɨ ko, cheaguasa reta omee cheve vae ko.’ Aipoepɨta ñana tëɨ vae pe, jare mɨmba ñana rupigua jouta.

OSEAS 2:9

Jáeramo apɨ̈rota chembae trigo jare vino mbaagüɨye iara pe, apɨ̈rota chembae vecharaagüe jare lino amee chupe reta jemimonderä vae.

AMÓS 5:11

Peyuvanga paravete vae re jare pekovara chupe trigo güɨnoi vae re, peyapo perorä ita oñeopagüe katuai vae jeko pegua, mbaetɨta peiko pɨpe; peuvarupa kavi peñotɨ vae güi mbaetɨta peu vino.

HAGEO 1:9

Peeka tëi jeta, ërei mbovɨ yae peväe; pemboɨru pero pe vae, che opata amboai pegüi cheɨvɨtu pe. ¿Peikuaa pa maera? Jei yandeYa Imbaepuere yae ete vae. Chero oyemboai oï jeko pegua; echa metei ñavo peyemoambeko pero ae re.

HAGEO 2:16

¿mbae pa peasa? Pekɨ̈reɨ tëi pemboɨru veinte jɨru temitɨ, ërei payandepoño pemboɨru; pekɨ̈reɨ tëi peyapo cincuenta jɨru vino, ërei veinteño peyapo.