OSEAS 9:11 - Biblia Guarani Tumpa Iñee

¹¹ Efraín iyemboetea ojota chugüi, güɨra oveve ojo rami. Mbaetɨta ma michia raɨ reta oa chupe, mbaetɨta ma kuña reta ipurúa, mbaetɨ yeta ma imichia reta.

OSEAS 9:11 ပူးပေါင်းရင်းမြစ်များ

GÉNESIS 41:52

Taɨ taɨkuegua ombojee Efraín, echa jei iyeupe: “Tumpa chemborɨ jare chemboyekou kuae ɨvɨ aiporaraa pe.”

GÉNESIS 49:22

Temitɨ ia yae vae ko José, ɨesaɨ jembeɨ pegua temitɨ rami, jäka jokɨ pɨau vae oyeupi ovapetea re.

2 SAMUEL 6:23

Jare Mical, Saúl tayɨ mbaetɨi imembɨ omano regua.

JOB 18:5

Añete, iyoa vae reta iara opata, tata opa ogüe vae ramita ko.

SALMOS 58:8

toasa reta yatɨta okañɨ rami, jare ¡michia omano oa vae, mbaetɨ tembipe oecha vae rami!

ECLESIASTÉS 6:3

Yepe mona metei kuimbae güɨnoi cien taɨ, jare oiko ɨma año; ërei ɨma año oiko reve, mbaetɨ yave oyekou opaete mbaembae re ani mbaetɨ oñeotɨ kavi, che jae jókuae nunga pe, michia raɨ okuagüe jërakua kavi yeño jókuae kuimbae güi.

ISAÍAS 17:3

Efraín mbaetɨta ma güɨnoi tëta guasu oñekëse kavi vae, jökorai vi Damasco; Siria pegua jembɨregüe reta, Israel pegua reta ramiñota vi. Jökorai jei yandeYa Imbaepuere yae ete vae.

OSEAS 10:5

Guaka taɨrusu vae iä Bet-avén pegua oyemboai jeko pegua okɨɨyeta Samaria pegua reta. Jae reta jare isacerdote reta jäse retata toro taɨrusu vae iä oyemboai vae re, echa iyemboetea oyekou jese vae opata okañɨtei.

OSEAS 4:7

Jeta yae peñemuña, jökorai vi jeta peyoa, jáeramo che aipoepɨta peyemboetea ñemomarai pe.

OSEAS 5:9

Israel pegua ñemuña reta ipɨte pe aikuaauka añete vae, Efraín pegua reta okañɨteita tembiporara iara pe.

OSEAS 9:14

¡CheYa, eyapo chupe reta nde reipota reyapo chupe reta vae! ¡Imembɨmbae toyogüɨreko jare ikambɨ tɨɨmbae!

AMÓS 1:13

YandeYa jei körai: “Amón iñemuña reta iyoa yae jeko pegua, mbaetɨta cheɨ̈ro chupe reta; echa oipota reta iɨvɨ ombotuicha jeko pegua, opa oipeka kuña Galaad pegua ipurúa vae reta jɨe.

San Lucas 23:29

Mase, outa oväe ara reta jei reta vaerä: “Oyerovia ko jókuae imembɨmbae vae reta, jókuae oporombokambumbae vae reta.”

DEUTERONOMIO 28:18

Yepopeyu toa nderaɨ reta re, neremitɨ ia reta re, ndeguaka imembɨ reta re, jare ndevecha reta imembɨ reta re.

DEUTERONOMIO 28:57

michia raɨ oa ramo chugüi vae jare iyaupa jou vɨarita, karuai jeko pegua; perovaicho reta peöva jare oiporarauka peve opaete perëta ñavo vae jeko pegua.

DEUTERONOMIO 33:17

Toro taɨrɨpɨ rami ko iyemboetea, toro jäti rami ko, pɨpe oikututa opaete tëta reta ɨvɨ pegua; jökorai ko jeta Efraín iñemuña reta, jare Manasés iñemuña reta.”