OSEAS 8:4 - Biblia Guarani Tumpa Iñee

⁴ Pemboguapɨ peruvicha guasu retarä, ërei mbaetɨ che aiparavogüe; peñono peruvicha retarä, ërei che mbaetɨ aikuaa. Pekorepoti jare peoro peyapo petumpa-raangarä, pe reta aeño peñemokañɨtei.

OSEAS 8:4 ပူးပေါင်းရင်းမြစ်များ

1 REYES 12:28

Jare oyemongeta reta ma kuae re yemboatɨa pe ramo, mburuvicha guasu oyapouka mókoi toro taɨrusu iä oro pegua, jare jei opaete vae pe: “Pe Israel iñemuña reta, peo mbateeiño ma Jerusalén kotɨ; ko oï petumpa reta, kuae reta ko perenoe pereru Egipto güi.”

1 REYES 13:34

Kuae oyapo vae rupi Jeroboam jare iñemuña reta oa mbaeyoa pe, kuae jeko pegua oñemokañɨteiuka ɨvɨ iárambo güi.

1 REYES 16:31

echa omomoe Jeroboam, Nabat taɨ jeko oipoɨumbae reve. Jare Acab omenda Jezabel ndive, mburuvicha guasu Et-baal, Sidón pegua tayɨ ndive, jare omboɨpɨ omboete Baal.

JEREMÍAS 16:20

¿Ipuere ra kuimbae oyapo iyeupe itumpa retarä? ¡Jökorai yave, jókuae tumpa reta mbaetɨ ko tumpa añetete vae!”

EZEQUIEL 18:31

Pembosɨrɨ peyeugüi opaete jókuae ikavimbae peyapo chekotɨ vae, pembopɨau pepɨa jare peyemongeta. Echa, ¿maera pa omanota Israel iñemuña reta?

DANIEL 3:1

Mburuvicha guasu Nabucodonosor oyapouka metei mbae iä oro pegua vae, ɨvategüe güɨnoi treinta metro, jare jete ipɨgüe mboapɨ metro; omopüauka ɨvɨpe kavi Dura jee vae pe, ɨvɨ Babilonia pe.

OSEAS 13:1

Efraín pegua reta imiari yave, ïru ñemuña Israel pegua reta okɨɨye; ërei opa okañɨtei reta Baal omboete jeko pegua.

OSEAS 13:11

Amee peruvicha guasu chearasɨ reve, jare apɨ̈ro ye pegüi chearasɨ reve.

OSEAS 13:2

¡Ërei jeseve jeieteño iyoa reta! Ikorepoti omondɨkui reta oyapo vaerä itumparä mbae iä, ipoki mbae oyapo vae oipota oyapo rami. Javoi jei reta: “¡Pemee mɨmba oyeyukagüe chupe!” Jare oovapɨte reta jókuae toro taɨrusu iä.

OSEAS 2:8

Ërei jae mbaetɨ oikuaa che ko amee chupe trigo, vino jare olivo iasaite vae; che ko amoïru korepoti jare oro, pɨpe oyapo reta itumpa-raanga Baal vae.

OSEAS 8:3

Ërei Israel pegua reta güɨröɨro ikavi vae, jókuae jeko pegua tovaicho reta pembotekuarai.

San Mateo 25:12

Ërei kuimbae jei chupe reta: ‘Añete che jae peve, mbaetɨ pokuaa.’

San Lucas 13:25

Echa o iya oyokenda ma yave öke, pe reta pepɨtata oka pe. Jayave pembopu tëita öke jare pereta: “OreYa, oreYa, eipea öke oreve.” Ërei jae jeita peve: “Che mbaetɨ pokuaa.”

San Lucas 13:27

Ërei jae jeita peve: “Che jae peve, che mbaetɨ pokuaa. Pesɨrɨ chegüi opaete pe ikavimbae iyapoa reta.”

San Juan 10:14

Che ko jae vecha reta iyangarekoa ikavi vae. Aikuaa chevecha reta jare chevecha reta chekuaa vi.

Gálatas 4:9

Ërei añave peikuaa ma Tumpa, ani Tumpa pekuaa ma, jayave, ¿maera pa peyerova ye jókuae mboromboe ɨvɨ pegua paravete jare mbaeä etei vae kotɨ, peñeapɨti ye vaerä pɨpe?