OSEAS 8:13 - Biblia Guarani Tumpa Iñee

¹³ Jae reta omomora yae omee mɨmba oyeyukagüe, omee reta, jare jou reta isoogüe; ërei cheve mbaetɨ ikavi jókuae, chemaenduata ikavimbae oyapo reta vae re, aiporaraukata chupe reta iyoa re, amboyerova yeta Egipto kotɨ.

OSEAS 8:13 ပူးပေါင်းရင်းမြစ်များ

ÉXODO 20:3

Agüɨye pereko ïru tumpa reta chegüi.

ÉXODO 32:34

Añave, ekua eraja opaete vae reta, che jae ndevea pe, chearaɨgua ojota nderenonde; ërei ñenupa ara oväe yave, che aiporaraukata chupe reta iyoa re.

PROVERBIOS 21:27

Ikaviä yae ko iyoa vae reta omee mɨmba oyeyukagüe vae, echa omee reta iyemongeta ikavimbae reve.

ISAÍAS 1:11

YandeYa jei: “¿Jeta mɨmba oyeyukagüe pemee vae, mbae ra pa ikavita cheve? Chembogüérai ma mbota vecha kuimbae reta oyeyukagüe opaetei oyeapɨ vae, jare mɨmba ikɨragüe; toro reta, vecha kuimbae reta jare kavara kuimbae reta jugüɨgüe mbaetɨ ma aipota.

JEREMÍAS 14:10

Körai jei yandeYa Israel kotɨ: “Kuae tëta oguata reteiño oipota rupi. Jáeramo mbaetɨ chepɨakatu amae jese. Añave chemaenduata iyoa reta re jare aiporaraukata chupe reta.”

JEREMÍAS 6:20

Judá, ¿maera pa reru cheve ikäti kavi vae incienso Sabá pegua, jare mbae ikäti kavi yae vae matɨ güi? Mbaetɨ ikavi ndeve mɨmba oyeyukagüe opaetei oyeapɨ vae, ani ïru mɨmba oyeyukagüe reta ave mbaetɨ ndembopɨakatu.”

EZEQUIEL 29:16

Israel pegua reta ngaraa ye ma oyeko Egipto pegua reta re, echa oecha retata oyavɨ reta yepe yogüɨraja yave oiporu yemborɨ Egipto pegua reta pe. Jayave chekuaa retata che ko jae peYa Tumpa vae.’ ”

OSEAS 11:5

Ngaraa ma yogüɨraja ye ɨvɨ Egipto kotɨ. Asiria pegua etei ko oikota juvicha guasurä, echa mbaetɨ oyerova ye chekotɨ.

OSEAS 12:11

Galaad pe oime tumpa reta, ërei tumpa-raanga retaño ko. Gilgal pe oyuka reta toro; mɨmba oyeyuka oyeapɨ jese vae jae reta imbae, kó rupi jeta ita yatɨ yatɨ temitɨ pɨte rupi rami ko.”

OSEAS 4:9

Opaete vae reta, sacerdote reta ramiño vi, aiporaraukata chupe reta jeko re.

OSEAS 5:6

Ivecha reta reve jare iguaka reta reve yogüɨrajata oeka yandeYa, ërei ngaraa oväe reta chupe, echa jae osɨrɨ chugüi reta.

OSEAS 6:6

Echa aipota cheraɨu avei, aipota peikuaa kavi cheregua, mɨmba oyeyukagüe pemee cheve vae güi; mbaetɨ aipota mɨmba oyeyukagüe opaetei oyeapɨ vaeño.

OSEAS 7:11

Pɨkasu mbaetɨ arakuaa güɨnoi rami ko Efraín, oiporu yemborɨ Egipto pe, javoi oyemboya Asiria re.

OSEAS 7:16

Mbaetɨ oyerova reta Tuichagüe yae ete vae kotɨ; metei güɨrapa oyepoka vae mbaetɨ uvɨ omondo kavi rami. Ipɨapochɨ reta jeko pegua juvicha reta opata okañɨtei ñeraro pe, jare Egipto pe oyóyai retata.

OSEAS 7:2

Mbaetɨ oyemongeta reta che chemaendúa ko opaete ikavimbae oyapo reta vae re. Añave ngaraa ma oyemboapeuka reta jembiapo reta pe, ñogüɨnoi cheróvai jembiapo ikavimbae reta.

OSEAS 9:6

Jae reta opa otekuarai kañɨtei jeko pegua; Egipto pe yogüɨreko retata, tëta guasu Menfis pe opata oñeotɨuka reta. Ñana yuu reve vae opɨ̈rota imbaembae jepɨ vae, jeyupagüe pe okuakuaata ñurati.

OSEAS 9:7

¡Oväe ma tembiporara iara reta! ¡Oväe ma jeko vae reta oiporara vaerä jeko ae re! ¡Israel oikuaata kuae re! Pe reta pere: “Ñeemombeúa mbaetɨ ko yarakuaa, kuae oporomboarakuaa vae imbokere vae ko.” Kuae pere, ikavimbae yae peyapo jeko pegua, peporomotareɨ yae jeko pegua.

OSEAS 9:9

Oñererokomegua ete kavi reta, arakae yave Gabaa pe rami. Ërei añave yandeYa imaenduata ikavimbae oyapo vae re, oiporaraukata chupe iyoa reta re.

AMÓS 3:2

“Pe retaño poparavo opaete ɨvɨ pegua reta ipɨte güi, jáeramo, aiporaraukata peve opaete peyoa reta re.”

AMÓS 5:22

Mbaetɨ aipota mɨmba oyeyukagüe opaetei oyeapɨ vae pemee tëi cheve vae, jare mbota reta temitɨ jäɨgüe; ngaraa aipɨɨ pegüi perɨmba pemongɨragüe ave mbota yembopɨakatu peguarä pemee tëi yave.

AMÓS 8:7

YandeYa jei jee re aeño Jacob kotɨ: “Ngaraai cheakañɨ opaete jembiapo reta güi.”

San Lucas 12:2

Echa oime yave mbae oñeomi vae, oyekuaa ñotai ko. Jaeramiño vi oime yave mbae oyekuaambae vae, oyekuaa ñotai ko.

1 Corintios 11:20

Jáeramo peyemboatɨ tëi peyapo Santa Cena vae, jaeä ko Santa Cena.

1 Corintios 11:29

Echa oime yave kia jou mbɨyape jare vino jupimbae reve, omae kavimbae reve yandeYa jete re, jae aeño ko oyemboeko jou vae rupi.

1 Corintios 4:5

Jáeramo agüɨye peporojäa ndei iara mbove. Peäro yandeYa ou ye regua. Echa jae omboyekuaa kavita opaete mbaembae oñemi pɨtumimbi pe oï vae. Jare omboyekuaata opaete pɨa jemimbota. Jayave metei ñavo omboresiveta mbaemboete Tumpa güi.

DEUTERONOMIO 28:68

Yepe tëi yandeYa jei peve mbaetɨta ma peo ye jókuae tape rupi, ërei pereraja yeta Egipto kotɨ barco pe; jare joko pe peñemeeta tembiokuairä, ërei mbaetɨta kia ave pegua vae.”

Apocalipsis 16:19

Jare tëta guasu oyemboyao mboapɨ pe, jare tëta guasu reta ïru ɨvɨ pegua opa oa. Jare Tumpa imaendúa jókuae tëta guasu Babilonia jee vae re, jouuka vaerä chupe vinoecha, iyarasɨ yae ikotɨ vae.

1 SAMUEL 15:22

Jayave Samuel jei: “¿Oyerovia yae pa yandeYa mɨmba reta oyeyukagüe opaetei oyeapɨ vae re, jare mɨmba reta oyeyuka vae re, iñeerendu katu vae re rami? Añetete, ñeereendu katu ko ikavi yae mɨmba reta oyeyukagüe güi, jare yeapɨsaka katu vecha kuimbae reta ikɨragüe güi.