OSEAS 8:1 - Biblia Guarani Tumpa Iñee

¹ Pemoñee peremimbɨguasu ñeraro pegua, yandeYa imbae vae reta järoa rami, echa pemboeteä cheporogüɨrökuavee päve jare peäteɨ peyapo cheporookuai.

OSEAS 8:1 ပူးပေါင်းရင်းမြစ်များ

2 REYES 18:27

Ërei Rabsaces Asiria pegua jei chupe reta: —Mbaetɨ ko peruvicha pe, ani peve retaño mburuvicha guasu chembou jae vaerä kuae ñee reta, jókuae tëta ikësea re ñogüɨnoi vae reta peguarä vi ko, echa jae reta, pe reta rami eteita vi ko jou retata jɨmba repoti jare jou retata ikuarugüe.

ISAÍAS 18:3

Pe reta, opaete ɨvɨ pegua reta, bandera oñemopüa ɨvɨtɨ re yave pemae jese, jare mimbɨguasu oñemoñee yave peyeapɨsaka jese.

ISAÍAS 24:5

Ɨvɨ opa oikomegua pɨpe yogüɨreko vae reta jeko pegua, echa mbaetɨ oyapo reta Tumpa iporookuai, mbaetɨ oendu reta mborookuai reta jei vae, oyavɨ reta morogüɨrökuavee päve opambae vae kotɨ.

ISAÍAS 58:1

YandeYa jei cheve: “Esapúkai täta, reipoɨumbae reve, neñeeäta mimbɨguasu iñee rami; emboeta chembae vae reta Jacob iñemuña reta pe, ipɨapochɨ re jare iyoa re.

JEREMÍAS 31:32

Mbaetɨ peñemuñagüe reta ndive morogüɨrökuavee päve ayapo rami, jókuae ara aipoko anoe ɨvɨ Egipto güi rami; echa cheporogüɨrökuavee päve mbaeä etei chupe reta, yepe tëi che ko jae reta ime rami. Che peYa ko jae kuae.

JEREMÍAS 34:18

Mburuvicha reta Judá pegua jare Jerusalén pegua, jare opaete mburuvicha iyɨvɨrigua reta, sacerdote reta jare opaete vae reta oñererökuavee reta cheróvai; toro taɨrusu vae omboyao reta ikupe mbɨte rupi, jare oasa reta jókuae omboyaogüe ipäu rupi. Ërei ngatu jaɨkue rupi omboeteä jókuae oñererökuavee vae, mbaetɨ ombopo reta iñererökuavee.

JEREMÍAS 4:13

Mase, ko tovaicho reta yogüeru amapɨtu rami, ikäretou ñeraro pegua kusumirou rami, ikavayu reta iñäkua yae güɨraké güi. ¡Atataɨ, jaema ñakañɨtei!

JEREMÍAS 4:5

Emoërakua kuae Jerusalén pe jare Judá pe ere: Pemoñee mimbɨguasu opaete kuae ɨvɨ rupi, pesapúkai täta, jare pere: ‘¡Peyemboatɨ! ¡Yaike vaerä tëta guasu oñekëse kavi yae vae pe!’

JEREMÍAS 48:40

YandeYa jei körai: “Moab jovaicho oporepeña ikotɨ, güɨraké ipepo oipɨso kavi oporepeña rami.

JEREMÍAS 49:22

Tovaicho reta oporepeñata Bosra re, güɨraké ipepo oipɨso kavi oporepeña rami, jókuae ara Edom pegua jëia vae reta orɨrɨita, kuña imembɨ oa oï vae rami.”

JEREMÍAS 51:27

¡Peupi bandera ñeraro pegua tëtaguasu pe! ¡Pemoñee mimbɨguasu, toyeapo katu tëtaguasu reta oporepeña vaerä Babilonia re! ¡Pepüa ikotɨ mborookuaía reta Ararat pegua, Mini pegua jare Askenaz pegua! ¡Pembojee metei sundaro ruvicha oporogüɨraja vaerä ñeraro pe! ¡Pemondo tenonde kavayu regua reta, tuku reta pochɨ yae vae rami!

JEREMÍAS 6:1

¡Benjamín iñemuña reta Jerusalén pegua, petekuarai! Pemoñee mimbɨ guasu Tecoa pe, pemoätati ikañɨmaa vaerä Bet-haquerem pe, echa susere yavaetegüe oyekuaa ou ɨvɨtuguasu kotɨ güi.

EZEQUIEL 11:4

Jáeramo, nde kuimbae, emoërakua ikotɨ reta maratuta oasa reta vae.”

EZEQUIEL 16:59

Che peYa Tumpa jae: Ngaraa ayapo nde ndive, nde reyapo rami, mbaetɨ remboete reñererökuavee vae, jare mbaetɨ rembopo morogüɨrökuavee päve.

EZEQUIEL 17:3

Ere chupe reta: ‘YandeYa Tumpa jei körai: Metei güɨraké tuicha vae ou oväe Líbano pe; ipepo reta tuicha jare ipuku yae, jeta jaa jare oipotagüe ipïra; oipɨɨ ɨ̈vɨrare iyapokɨ,

EZEQUIEL 7:14

Omoñee reta mimbɨguasu oporoenɨi vaerä ñeraro pe, oyupavo retata, ërei mbaetɨ eteita kia oë oñeraro vaerä. Echa chearasɨ oï opaete vae reta re.

OSEAS 4:6

Chembae vae reta opa okañɨtei, mbaetɨ ramo oipota chekuaa. Nde sacerdote reröɨro yemboarakuaa amee ndeve vae jeko pegua, che rogüɨnoeta sacerdote pegua mbaravɨkɨ güi. Neakañɨ neTumpa iporookuai güi jeko pegua, che cheakañɨta vi neñemuña reta güi.

OSEAS 5:8

¡Pemoñee vecha kuimbae-räti Gabaa pe jare mimbɨ guasu Ramá pe! ¡Pemoñee mimbɨ ñeraro pegua Bet-avén pe! ¡Pekɨɨye Benjamín pegua reta!

OSEAS 6:7

Ërei jae reta Adán ramiño, morogüɨrökuavee päve oyapoä, oikuaa reve mbaetɨ oyapo jupi vae.

OSEAS 9:15

YandeYa jei: “Gilgal pe oyapo reta opaete ikavimbae vae, joko güi amboɨpɨ aröɨro reta. Ikavimbae oyapo reta vae jeko pegua amombo retata chero güi; mbaetɨta ma aaɨu reta, echa opaete juvicha reta ipɨapochɨ yae.

JOEL 2:1

Pemoñee mimbɨguasu ɨvɨtɨ Sión pe; pemoñee yemombarandu cheɨvɨtɨ oñeñono tee vae re, perɨrɨi opaete, pe kuae ɨvɨ ipo reta, echa yandeYa iporojäa iara köi ma oï.

JOEL 2:15

¡Pemoñee mimbɨguasu Sión pe! Pemoërakua yemboatɨ jare yekuaku tembíu güi vae;

AMÓS 3:6

¿Mimbɨguasu oñemoñee tëta guasu pe yave, ngaraa pa oiämondo tëta guasu ipo reta? ¿Oimeta pa tëta guasu pe mbaesusere, yandeYa omboumbae reve?

AMÓS 8:3

Jókuae ara tupao pe otairari vae reta jäsembaita oyaeo. Jei yandeYa. Jeta yaeta omanogüe, oipota rupi kïrii ngatuño omombo retata.

AMÓS 9:1

Aecha yandeYa oï mɨmba oyeyuka oyeapɨ jese vae iárambo, jare jei: “Eitɨ okɨta reta jare tokana öke iguapɨka ave; jare o tosururu opaete vae iárambo; chugüi reta jembɨregüe ayukata kɨsepuku pe; mbaetɨta kia otekuarai jare ojoyepe vae.

HABACUC 1:8

Ikavayu reta iñäkua yae yagua reta güi, pochɨ yae reta aguarayaɨmba reta pɨ̈tu yave oë oguata vae güi. Jeta yae ikavayu regua reta yogüeru mombɨrɨ güi oporepeña, güɨraké oporepeña jembia re rami.

SOFONÍAS 1:16

mimbɨguasu ñeraro pegua jare sapúkai ñeraro pegua iara outa tëta guasu oñekëse kavi vae re, jare jo ɨvate yae vae, sundaro reta imaeka re.

ZACARÍAS 11:1

¡Líbano, eipea neröke, jare ndeɨvɨra ɨ̈vɨrare reta tomokañɨtei tata!

ZACARÍAS 9:14

YandeYa oyekuaaukata jese reta, imbae vae reta rupi juvɨ oëta ama-vera rami. YandeYa Tumpa omoñeeta mimbɨguasu, jare ojota ɨvɨtuai arayevɨ pegua ndive.

San Mateo 24:28

Echa maerëogüe oïa pe oyemboatɨ uruapúa reta.

1 Corintios 15:52

metei jeia pe, ñaneresapïri rami Tumpa jemimbɨguasu opa oñee yave. Echa omoñeeta mimbɨ guasu, jare omanogüe reta oikove yeta oikomeguambae vaerä, jare yande yayepoepɨta.

DEUTERONOMIO 28:49

YandeYa güeruta peve metei tëtaguasu matɨ güi, ɨvɨ iyapɨ kotɨ güi, güɨraké rami iñäkua vae; tëtaguasu mbaetɨ iñee peikuaa vae;