OSEAS 7:9 - Biblia Guarani Tumpa Iñee

⁹ Ketɨgua reta opa omboai chugüi imbaepuere, ërei jae mbaetɨ oikuaa. ¡Iñäkatï ma, ërei jae mbaetɨ oikuaa!

OSEAS 7:9 ပူးပေါင်းရင်းမြစ်များ

2 REYES 13:22

Hazael, mburuvicha guasu Siria pegua, oiporarauka Israel pegua reta pe, opaete ara Joacaz oiko ramboeve mburuvicha guasurä.

2 REYES 15:19

jae oiko mburuvicha guasurä yave, ou Pul, mburuvicha guasu Asiria pegua oporepeña jókuae ɨvɨ re, jare Manahem omee treinta y tres mil kilo korepoti, omborɨ vaerä oñemomɨ̈rata mburuvicha guasurä,

PROVERBIOS 23:35

jare rereta: “Chembopere reta, ërei mbaetɨ jasɨ cheve; chenupa reta, ërei mbaetɨ ayandu; akuera ye yave, aeka ye ñotai ko.”

ISAÍAS 1:7

Peɨvɨ reta opa opɨta ipombae, perëta guasu reta opa oyeapɨ, ketɨgua reta perovakei opa jou peremitɨ, tovaicho reta opa omboai oeya rami oï perëta.

ISAÍAS 48:8

Nde mbaetɨi ko reendu kuae regua, jare mbaetɨi reikuaa, echa ndeapɨsa oyeokenda avei oiko. Che rokuaa ko nde mbaetɨ jupi, ndei rea güive voi ma rombojee ‘ipɨarai vae’ pe.

ISAÍAS 57:1

Kuimbae jupi vae omano jare mbaetɨ kia oyemoambeko jese; kuimbae reta jeko kavi vae omano, jare mbaetɨ kia oikuaa, oñerenoe ko ikavimbae güi vae,

OSEAS 4:6

Chembae vae reta opa okañɨtei, mbaetɨ ramo oipota chekuaa. Nde sacerdote reröɨro yemboarakuaa amee ndeve vae jeko pegua, che rogüɨnoeta sacerdote pegua mbaravɨkɨ güi. Neakañɨ neTumpa iporookuai güi jeko pegua, che cheakañɨta vi neñemuña reta güi.

OSEAS 8:7

Echa ikavimbae peyapo jeko pegua, peiporara yaeta ko; mbaetɨta pembaagüɨye, mbaetɨta peremitɨ reta ia; jare pemboɨru tëi yave, opata ketɨgua reta jou pegüi.