OSEAS 7:7 - Biblia Guarani Tumpa Iñee

⁷ Opaete vae jakuvo, horno jaku yae rami, opa omokañɨtei reta juvicha oporojäa vae reta. Opaetei mburuvicha guasu reta ogüɨapi, mbaetɨ etei chugüi reta kia yepe oyerure cheve.

OSEAS 7:7 ပူးပေါင်းရင်းမြစ်များ

1 REYES 15:28

Baasa oyuka Nadab, mboapɨa año ma oiko Asa mburuvicha guasurä Judá pe yave, jare jae oï jekovia pe mburuvicha guasurä.

1 REYES 16:18

Zimri oecha tëta opa ko oñeova yave, oike mburuvicha guasu jo japɨpe, jare oyatapɨ jese iyeupe jae oï reve japɨpe, jökorai omano.

1 REYES 16:22

Ërei Omri re oyemboya vae reta imbaepuere yae Tibni, Ginat taɨ re oyemboya vae reta güi. Omano Tibni, jökorai Omri opɨta mburuvicha guasurä.

2 REYES 10:14

Jayave Jehú jei jupiegua reta pe: —Peipɨɨ kuae reta jekove reve. Jare oipɨɨ reta güire, oñaseokɨ̈ti reta vecha iyangarekoa reta omaeapía pe iɨkua iyɨpɨ pe cuarenta y dos kuimbae, oeyambae reve metei ave.

2 REYES 10:7

Jayave kuae tupapire omboresive reta yave, oipɨɨ reta jókuae setenta vae mburuvicha guasu taɨ reta, jare oñaseokɨ̈ti reta; javoi iñäkagüe reta oñono reta kanata pe jare omondo reta tëta guasu Jezreel pe,

2 REYES 15:10

Javoi Salum, Jabes taɨ oñemopüa Zacarías kotɨ, jare oyuka opaete vae reta jóvai; jae oguapɨ jekovia pe mburuvicha guasurä.

2 REYES 15:14

echa Manahem, Gadi taɨ ou Tirsa kotɨ güi Samaria pe, jare oyuka Salum, Jabes taɨ; javoi oguapɨ jekovia pe mburuvicha guasurä.

2 REYES 15:25

Ërei Peka, Pekaía isundaro ruvicha Remalías taɨ oñemopüa ikotɨ, oyemborɨuka Argob, Arié jare cincuenta kuimbae Galaad pegua pe, ombopere jare oyuka Samaria pe, mburuvicha guasu jo pe; javoi Peka oguapɨ jekovia pe mburuvicha guasurä.

2 REYES 15:30

Jayave Oseas, Ela taɨ oñemopüa Peka, Remalías taɨ kotɨ jare oyuka, jare jae oguapɨ jekovia pe mburuvicha guasurä, Jotam, Uzías taɨ veinte año ma oiko mburuvicha guasurä yave.

2 REYES 9:24

Ërei Jehú omoata juvɨ jare oñɨvo pɨpe Joram ikupe kotɨ güi; jare uvɨ oipɨa rasa etei, jare Joram oa ikäretou pe.

2 REYES 9:33

Jehú jei chupe reta: —¡Peitɨ pembou ɨ́vɨkotɨ! Jare jókuae kuimbae reta oitɨ ombou ɨ́vɨkotɨ, jare jugüɨ oñapiramo ovapetea jare kavayu reta; jare kavayu reta opɨ̈ro Jezabel re.

JOB 36:13

Iyoa vae reta iyarasɨ yae, yepe tëi tembipɨɨrɨru pe ñogüɨnoi, mbaetɨ ave oiporu reta yemborɨ.

SALMOS 14:4

¿Mbaetɨ ra ipuere oikuaa opaete oyapogüe jupimbae ko vae? Omboendagüe oeya cherëta pegua reta kia mbɨyape jou ramiño; jókuae mbaetɨ oyerure yandeYa pe vae reta.

ISAÍAS 43:22

Ërei pe, Jacob iñemuña reta, mbaetɨ chereenɨi chemboete vaerä, pekuérai chegüi.

ISAÍAS 64:4

Mbaetɨi oyeendu kuae nunga, mbaetɨi oyeecha Tumpa nde rami vae, kërai oyapo avei mbaembae, jese güɨrovia vae reta peguarä vae.

ISAÍAS 64:6

Opaete ore reta ko mbae ikɨa vae rami, orerembiapo kavi reta, tarapo ikɨa vae rami ko ndeve; opaete ore roa, ɨvɨra joo oa rami, jare orerembiapo kavimbae reta orereraja, ɨvɨtu güɨraja mbae rami.

ISAÍAS 64:7

Mbaetɨ metei ave oyerure ndekotɨ vae, mbaetɨ metei ave imaendúa oyeko vaerä nderé; jáeramo orereeya, orereeya orepiru vaerä ñana rami, orembaeyoa reta pe.

ISAÍAS 9:13

Ërei kuae tëta mbaetɨ oyerova inupaa kotɨ; mbaetɨ oeka reta yandeYa Imbaepuere yae ete vae.

EZEQUIEL 22:30

Aeka tëi kia oñemoe kuae ɨvɨ re vae, oepɨ vaerä, oyerure vaerä cheve, agüɨye vaerä opa amboai, ërei mbaetɨ aväe chupe.

DANIEL 9:13

Opaete kuae ikavimbae rembou oreré, Moisés iporookuai pe oyekuatía oï rami etei; ërei ore mbaetɨ roeka nde oreYa Tumpa, mbaetɨ roeya orereko ikavimbae, mbaetɨ vi roiko ndeporomboe añetete vae rupi.

OSEAS 13:10

¿Ketɨ pa oime oï peruvicha guasu, pereroasayepe vaerä opaete perëta guasu reta ndive? ¿Ketɨ pa oime ñogüɨnoi peruvicha reta, chupe reta peiporu mburuvicha guasu jare mburuvicha reta vae?

OSEAS 5:15

Aja yeta aïa pe, jae reta oikuaa regua iyoa ko vae, yogüeru regua chereeka. ¡Oiporara reta ñogüɨnoi yave, chereekata!”

OSEAS 7:10

Israel pegua reta ipɨapochɨ; jókuae jeko imiarita jese reta. Jeseve, mbaetɨ oyerova jare mbaetɨ chereeka reta.

OSEAS 7:14

Jupa pe ñogüɨnoi yave mbaetɨ osapúkai ipɨa ndive, trigo jare vino oata yave osapúkai reta oyembopere reve. ¡Oyembopɨapochɨ reta chekotɨ!

OSEAS 8:4

Pemboguapɨ peruvicha guasu retarä, ërei mbaetɨ che aiparavogüe; peñono peruvicha retarä, ërei che mbaetɨ aikuaa. Pekorepoti jare peoro peyapo petumpa-raangarä, pe reta aeño peñemokañɨtei.

MIQUEAS 2:1

¡Paravete, jókuae jupa pe ñogüɨnoi yave ave mbae pɨ̈chɨi re oyemongeta vae, jare köe yave oyapo reta, echa güɨnoi reta mbaepuere!