OSEAS 7:5 - Biblia Guarani Tumpa Iñee

⁵ Yanderuvicha guasu iaño iara pe, mburuvicha reta ombosavaɨpo juvicha guasu ivino pe. ¡Javoi mburuvicha guasu oñemoïru oporoyóyai yóyai vae reta ndive!

OSEAS 7:5 ပူးပေါင်းရင်းမြစ်များ

GÉNESIS 40:20

Mboapɨa ara pe Faraón iara oväe, año oupitɨ ye vae, jare mburuvicha guasu oyapo arete opaete jembiokuai reta pe; jare omondo güɨnoeuka tembipɨɨrɨru güi oporoëɨ vae reta itenondegua jare mbɨyape iyapoa reta itenondegua, opaete vae jembiokuai reta jóvai.

1 REYES 13:4

Jeroboam oendu yave Tumpa iñeemombeúa jei ikäti kavi vae incienso oyeapɨ jese vae Bet-el pegua kotɨ yave, jókuae ikäti kavi vae incienso oyeapɨ jese vae güi omopüa ipo jei: “¡Peipɨɨ!” Ërei jókuae ipo opövee pɨpe vae oyepokuaa, täta opɨta chugüi, mbaetɨ ma ipuere omomɨi.

SALMOS 1:1

Oyerovia ko kuimbae, mbaetɨ oiko jeko kavimbae reta iporomboarakuaa rupi vae, mbaetɨ oiko iyoa vae reta jeko rupi vae, mbaetɨ oguapɨ Tumpa kotɨ mbae jei reve oyóyai vae reta ndive vae,

SALMOS 69:12

imiari ari reta chekotɨño tëta guasu öke pe oguapɨ vae reta, jare okau vae reta itairari rupi cheangao.

PROVERBIOS 13:20

Yarakuaa vae reta ndive oñemoïru vae, yarakuaata; ërei yarakuaambae reta ndive oñemoïru vae, oiporarata.

PROVERBIOS 20:1

Vino jare mbae oporombosavaɨpo vae, oporoapoasɨ katu yae ko jare oporogüɨrekorai vae ko; kia nunga vae ombaeyavɨ yave kuae reta jou vae jeko pegua, mbaetɨ ko iyarakuaa.

ISAÍAS 28:1

¡Paravete Samaria, Efraín pegua savaɨpo regua reta oyemboete jese vae; oñemopöra mbaepotɨ ipiru katu pe vae rami vae, iɨvɨpe kavi jembeɨ ɨvatea re oï vae, vino iua reta jëta!

ISAÍAS 28:14

Jáeramo, peyeapɨsaka yandeYa iñee re, pe, kuimbae oporoyóyai yóyai vae reta, kuae tëta Jerusalén juvicha reta.

DANIEL 5:23

ërei cheYa ara pe oï vae kotɨ reyembopɨapochɨ, jare reruruka nderóvai vaso reta Tumpa jo pegua, nde jare ndeɨvɨrigua mburuvicha reta, nderembireko reta jare kuña rerekoiño vae reta ndive rekau pɨpe; jare kuae güire, remboete tumpa reta korepoti pegua, oro pegua, jiero iyu vae pegua, jiero pegua, ɨvɨra pegua jare ita pegua; jókuae omaembae reta, oendumbae reta, yarakuaambae reta; jare Tumpa jae ipo pe nderekove oï vae jare opaete reyapogüe reta jese oiko vae mbaetɨ remboete.

OSEAS 7:3

Chembae vae reta oyapo ikavimbae vae rupi omboyerovia mburuvicha guasu, jare iyapu reta rupi omboyerovia mburuvicha reta.

San Mateo 14:6

Ërei Herodes iara iaño oupitɨ ye vae omboaretea pe, Herodías imemɨkuña ou opɨrae mbɨtea pe, jare omboyerovia yae Herodes.

San Marcos 6:21

Ërei oväe ara Herodías pe jëgua vaerä Juan. Jókuae ara Herodes oa vae iara pe oparea ïru mburuvicha reta, sundaro jeta vae juvicha reta, jare tenondegua vae reta Galilea pegua pe, omongaru vaerä.

Efesios 5:18

Agüɨye peyembosavaɨpo, echa jókuae reta oyapo jeta mbae ikavimbae vae. Ërei pemaeño Espíritu Santo re omotɨnɨe vaerä pepɨa.