OSEAS 7:2 - Biblia Guarani Tumpa Iñee

² Mbaetɨ oyemongeta reta che chemaendúa ko opaete ikavimbae oyapo reta vae re. Añave ngaraa ma oyemboapeuka reta jembiapo reta pe, ñogüɨnoi cheróvai jembiapo ikavimbae reta.

OSEAS 7:2 ပူးပေါင်းရင်းမြစ်များ

JOB 34:21

Tumpa omae opaete vae iguata re, jae oecha opaete vae jembiapo.

SALMOS 10:11

Ipɨa pe jei: “¡Tumpa iñakañɨ chegüi! ¡Oñomi jova ngaraa chereecha!”

SALMOS 25:7

Agüɨye nemaendúa chetaɨrusu yave cheyoa vae re, ayembopɨapochɨ ndekotɨ vae re; cheYa Tumpa, nemaendúa cheré, ndeporoaɨu jare ndepɨakavi renoi rupi.

SALMOS 50:22

“Peikuaa kavi kuae, pe reta peakañɨ Tumpa güi vae, agüɨye vaerä opa pombojaɨ jaɨ, javoi mbaetɨ kia pereepɨ vaerä;

SALMOS 9:16

YandeYa oyekuaauka chupe reta. ¡Jae oyapo jupi vae! Jeko pɨ̈chɨi vae reta opa oyepɨɨ, jae reta ñuai oyapo vae pe yeño oa reta.

SALMOS 90:8

Oreyoa reñono nderesa róvai, royapo vɨarigüe reñono nderesa róvai.

ISAÍAS 1:3

Güeye oikuaa iya, jare mburika oikuaa ikarúa rɨru iya imbae; ërei Israel tëta chembae vae mbaetɨ chekuaa jare mbaetɨ yarakuaa.”

ISAÍAS 26:16

CheYa, reiporarauka oreve yave, roeka, orenupa yave, royerure.

ISAÍAS 44:19

Mbaetɨ oyemongeta reta, oata arakuaa chupe reta jei vaerä: “¡Kuae amboete aï vae, ɨvɨraño ko! Echa, kuae ɨvɨra jaɨgüe pe ayatapɨ, itätapɨigüe re amboyɨ mbɨyape jare soo jau vaerä; jare jókuae ɨvɨra jembɨregüe güi ayapo kuae mbae ikavimbae yae vae.”

ISAÍAS 5:12

Pearete pe oime arpa, ngitara, tambora, mimbɨ jare jeta vino; ërei mbaetɨ pemae yandeYa oyapogüe re, mbaetɨ pemae jembiapo reta re.

JEREMÍAS 14:10

Körai jei yandeYa Israel kotɨ: “Kuae tëta oguata reteiño oipota rupi. Jáeramo mbaetɨ chepɨakatu amae jese. Añave chemaenduata iyoa reta re jare aiporaraukata chupe reta.”

JEREMÍAS 16:17

Echa opaete jeko reta aecha; mbaetɨ etei oñemi chegüi vae, iyoa reta ave mbaetɨ ipuere oñemi chegüi.

JEREMÍAS 17:1

Tëtaguasu Judá, ndeyoa oyekuatía oï tapiyu pe oyekuatía rami, jare ita täta yae vae itï pe rami oyekuatía oï ndepɨa re, jare mɨmba oyeyuka oyeapɨ jese vae re guakarätiecha oï vae re.

JEREMÍAS 2:19

Ikavimbae reyapo vae oiporaraukata ndeve, jupimbae reyapo vae nejäata. Eyemongeta jare reikuaata, ikavimbae yae ko reyapo chereeya jare mbaetɨ chemboete vae jeko pegua, che ndeYa Imbaepuere yae ete vae jae.

JEREMÍAS 32:19

Tuicha yae yemongeta pe vae ko nde jare ndembaepuere yae mbae reyapo vaerä. Nde reecha opaete kuimbae oyapogüe, jare reiporarauka metei ñavo pe, jeko oï rupi jare jembiapo oï rupi.

JEREMÍAS 4:18

Ndereko jare nderembiapo jeko pegua ko kuae ou ndeve; jae ko kuae ikavimbae reyapo vae jekovia, ndepɨa pe jasɨ yaeta vae.’

JEREMÍAS 44:21

—¿Perovia pa yandeYa mbaetɨ oikuaa kuae, ani iñakañɨ, pe reta jare peñemuñagüe reta, peruvicha guasu reta, tëta ruvicha reta jare opaete vae peapɨ ikäti kavi vae incienso tumpa-raanga reta pe tëta guasu reta Judá pegua pe jare kaye Jerusalén pegua rupi vae güi?

EZEQUIEL 21:29

Omoërakua ndeve vae añetembae ko, imbaekuaa vae maratuta vae re omombeu ramiño ko, apu ko. Kɨsepuku pe opata oñeaseokɨ̈ti jókuae oporoyuka vae reta. Köiño ma ou ara oiporara reta vaerä.

OSEAS 12:2

YandeYa ojäata Judá pegua reta. Oiporaraukata Jacob iñemuña reta pe jeko oï reta rupi; oiporaraukata chupe reta teko oyapogüe re.

OSEAS 4:9

Opaete vae reta, sacerdote reta ramiño vi, aiporaraukata chupe reta jeko re.

OSEAS 6:2

Mókoi ara jaɨkue rupi omee yeta tekove yandeve; mboapɨa ara pe yandemoingove yeta, jare yaikoveta jae jóvai.

OSEAS 8:13

Jae reta omomora yae omee mɨmba oyeyukagüe, omee reta, jare jou reta isoogüe; ërei cheve mbaetɨ ikavi jókuae, chemaenduata ikavimbae oyapo reta vae re, aiporaraukata chupe reta iyoa re, amboyerova yeta Egipto kotɨ.

OSEAS 9:15

YandeYa jei: “Gilgal pe oyapo reta opaete ikavimbae vae, joko güi amboɨpɨ aröɨro reta. Ikavimbae oyapo reta vae jeko pegua amombo retata chero güi; mbaetɨta ma aaɨu reta, echa opaete juvicha reta ipɨapochɨ yae.

OSEAS 9:9

Oñererokomegua ete kavi reta, arakae yave Gabaa pe rami. Ërei añave yandeYa imaenduata ikavimbae oyapo vae re, oiporaraukata chupe iyoa reta re.

AMÓS 8:7

YandeYa jei jee re aeño Jacob kotɨ: “Ngaraai cheakañɨ opaete jembiapo reta güi.”

JONÁS 1:2

“Epüa, ekua tëta guasu Nínive pe, jare emoërakua chupe opata amboai vae, echa iyoa jeiete yae ma cheróvai.”

NÚMEROS 32:23

Ërei ngatu mbaetɨta ko jökorai peyapo yave, peyoa ko yandeYa kotɨ; jare agüɨye peakañɨ metei ara peiporarata ko peyoa re vae.

San Lucas 12:2

Echa oime yave mbae oñeomi vae, oyekuaa ñotai ko. Jaeramiño vi oime yave mbae oyekuaambae vae, oyekuaa ñotai ko.

1 Corintios 4:5

Jáeramo agüɨye peporojäa ndei iara mbove. Peäro yandeYa ou ye regua. Echa jae omboyekuaa kavita opaete mbaembae oñemi pɨtumimbi pe oï vae. Jare omboyekuaata opaete pɨa jemimbota. Jayave metei ñavo omboresiveta mbaemboete Tumpa güi.

DEUTERONOMIO 32:29

Iyarakuaa katu yave mona oikuaa retata tëi ko; oikuaa retata tëi ko maratuta ko oasa reta vae.

Hebreos 4:13

Oyapo mbaembae Tumpa oyapo vae mbaetɨ ipuere oñemi chugüi. Echa opaetei ko mbaembae oyekuaa oï jókuae ñanejäata vae jóvai.