OSEAS 7:16 - Biblia Guarani Tumpa Iñee

¹⁶ Mbaetɨ oyerova reta Tuichagüe yae ete vae kotɨ; metei güɨrapa oyepoka vae mbaetɨ uvɨ omondo kavi rami. Ipɨapochɨ reta jeko pegua juvicha reta opata okañɨtei ñeraro pe, jare Egipto pe oyóyai retata.

OSEAS 7:16 ပူးပေါင်းရင်းမြစ်များ

SALMOS 12:3

YandeYa omokañɨteita opaete iñee-yukɨ imiari vae reta, oyembotuicha reve imiari vae,

SALMOS 12:4

körai jei reta vae: “Ñaneñee rupi ñaporomoamɨrita ko, yandeyuru yandembae ko. Ngaraa kia ñanemokɨ̈rii.”

SALMOS 12:5

YandeYa jei körai: “Paravete vae jare mbae re oata vae reta re peyuvanga. Jáeramo, añave apüata, aroasayepeta, oeka tëi oasayepe vaerä yogüɨreko vae.”

SALMOS 17:10

Iyeupeguaräño oaɨu reta imbaeyekou, oyembotuicha reve imiari reta.

SALMOS 52:2

Ikavimbae reño reyemongeta; nekü kɨse jaimbe yae vae rami.

SALMOS 57:4

Cherekove oï yaguapope reta ipɨte pe rami, ayepɨso aï oporou vae reta ipɨte pe; jäi reta mii rami jare uvɨ rami, ikü, kɨsepuku oyeimbeegüe rami.

SALMOS 73:9

Jei reta mbae ikavimbae ara kotɨ, jare jei reta mbae ikavimbae ɨvɨ pegua reta kotɨ.

SALMOS 78:37

Echa ipɨa reta mbaetɨi jupi rupi kavi Tumpa kotɨ, mbaetɨ vi morogüɨrökuavee päve oyapo reta.

SALMOS 78:57

iñemuñagüe reta rami oyembopɨapochɨ reta, ¡ñape reta, güɨrapa oyepokuaa ñape rami!

ISAÍAS 3:8

Echa Jerusalén opa oyemboai oï, Judá opa okañɨtei, echa joko pe jei reta jare oyapo reta ikavimbae yandeYa kotɨ, mbaetɨ omboete reta jae iyemboetea, omboarasɨuka vaerä.

JEREMÍAS 18:18

Opaete vae reta jei: “Yayapo kavi metei yemongeta Jeremías kotɨ. Echa ngaraa oata sacerdote reta pe yandemboe vaerä, ani yarakuaa katu vae reta oporomboarakuaa vaerä, ani ñeemombeúa reta Tumpa iñee omombeu vaerä. Peyu yamboeko mbae re, agüɨye etei yayeapɨsaka iñee re.”

JEREMÍAS 3:10

Opaete kuaekuae rupi, ipɨkɨɨ ipɨapochɨ vae Judá mbaetɨ oyerova ye chekotɨ ipɨa reve, oyerova raangaiño añete vae nunga. Che ndeYa jae kuae ndeve.”

JEREMÍAS 42:18

YandeYa Imbaepuere yae ete vae Israel iTumpa, jei: ‘Chearasɨ tuichagüe aitɨ Jerusalén pegua reta re rami, chearasɨ aitɨta vi peré, peo yave Egipto kotɨ. Peikota kia reta iñee kaviä vaerä pekotɨ, okɨɨye vaerä jare omae kaviä vaerä peré, peikota yepopeyurä, yeyóyai yoyairä, jare ngaraa ye ma peyerova kuae peɨvɨ pe.’

EZEQUIEL 23:32

Che ndeYa Tumpa jae körai: Ameeta reɨu chearasɨ oï kopa pe vae re, nderɨke oɨu jese vae, jae ko kopa iporusu vae; nemotareɨta ïru tëtaguasu reta, ndeyóyai yóyai retata,

EZEQUIEL 36:20

Yogüɨraja reta oväe ïru tëtaguasu reta pe yave, güɨröɨrouka reta cheree, echa jeiuka reta iyeupe: ‘Jae ko kuae Tumpa imbae reta, ërei opa oeya reta iɨvɨ.’

DANIEL 7:25

Jeita mbae ikavimbae Tumpa Tuichagüe yae ete vae kotɨ, jare Tumpa pe oñeñono tee vae reta pe oiporaraukata; oekata kërai oipoepɨ vaerä Tumpa iporookuai jare arete reta oyeapo Tumpa pe vae, jare Tumpa pe oñeñono tee vae reta ñogüɨnoita ipo pe mboapɨ año y medio rupi.

OSEAS 11:5

Ngaraa ma yogüɨraja ye ɨvɨ Egipto kotɨ. Asiria pegua etei ko oikota juvicha guasurä, echa mbaetɨ oyerova ye chekotɨ.

OSEAS 11:7

Chembae vae reta jekuaeño oyembopɨapochɨ chekotɨ. Yepe tëi chereenɨi reta Tuichagüe yae ete vae pe; ërei mbaetɨ etei metei ave chembotuicha.

OSEAS 6:4

YandeYa jei: “¿Mbae ra ayapota ndeve Efraín? ¿Mbae ra ayapota ndeve Judá? Echa pe reta cheraɨu vae, ndeimbove yave ɨ̈vɨti oime vae rami ko, jare köe yave ɨsápɨi opa otini vae rami ko.

OSEAS 7:13

¡Atataɨ! ¡Maera pa ko opia reta chegüi! Opata amokañɨtei reta, echa oyembopɨapochɨ reta chekotɨ. Che, chekɨ̈reɨ aepɨ reta, ërei jae reta iyapu reve imiari chekotɨ.

OSEAS 9:3

Efraín pegua reta yogüɨraja yeta Egipto pe jare Asiria pe, joko pe jou retata tembíu mbaetɨta tëi oyeu vae. Mbaetɨta opɨta reta yandeYa iɨvɨ pe,

OSEAS 9:4

mbaetɨta yandeYa pe pemee mbota vino oyepɨyere vae, mbaetɨta vi pemee mɨmba oyeyukagüe. Mbɨyape peu vae, manoa pe ramita, jókuae mbɨyape jou vae, ikɨata Tumpa jesa róvai. Jókuae mbɨyape peveguaräño, jókuae nunga mbɨyape mbaetɨta oyereroike tupao pe.

OSEAS 9:6

Jae reta opa otekuarai kañɨtei jeko pegua; Egipto pe yogüɨreko retata, tëta guasu Menfis pe opata oñeotɨuka reta. Ñana yuu reve vae opɨ̈rota imbaembae jepɨ vae, jeyupagüe pe okuakuaata ñurati.

MALAQUÍAS 3:13

YandeYa jei: “Peñee reta jasɨ katu yae chekotɨ. Jare pere: ‘¿Mbae pa roe ndekotɨ?’

MALAQUÍAS 3:14

Körai pere: ‘Yayeokuaiiño ma Tumpa pe, ¿mbae pa ñanoita yayapo yave iporookuai, jare yayembopɨatɨtɨ yave yandeYa Imbaepuere yae ete vae jóvai?’

San Mateo 12:36

Ërei che jae peve, opaete kia jei jeiiño vae re ave oñejäaukata ko Tumpa iporojäa iara pe.

San Lucas 8:13

Jökorai vi jókuae ita pɨte rupi oa vae reta oyembojaanga Tumpa iñee oendu rupive omboresive oyerovia reve vae re, ërei kuae reta jókuae temitɨ japo matɨä ɨ́vɨkotɨ ojo rami ko. Echa michi peguaño güɨrovia. Ërei mbaemboavai ou chupe reta yave, opia reta.

Santiago 3:5

Jökorai vi ko yanderete re ñanekü michi yae tëi, ërei oyapo mbae tuichagüe. Mase, ¡metei tata michi yae vae ipuere ko opa oapɨ kaa tuicha vae!

2 Pedro 2:8

(Echa jókuae jupi vae oiko jae reta ipɨte pe vae, oecha jare oendu ikavimbae vae oyapo reta vae. Jáeramo oyembopɨaä ara ñavo.)

Apocalipsis 13:5

Oñemee vi chupe jei vaerä mbae tuichagüe jare ñee ikavimbae vae Tumpa kotɨ. Oñemee chupe mbaepuere oyapo vaerä jókuae ikavimbae cuarenta y dos yasɨ.