OSEAS 7:14 - Biblia Guarani Tumpa Iñee

¹⁴ Jupa pe ñogüɨnoi yave mbaetɨ osapúkai ipɨa ndive, trigo jare vino oata yave osapúkai reta oyembopere reve. ¡Oyembopɨapochɨ reta chekotɨ!

OSEAS 7:14 ပူးပေါင်းရင်းမြစ်များ

ÉXODO 32:6

Pɨareve pe opüa reta ndeimboveasɨ, jare omee reta mɨmba oyeyukagüe opaetei oyeapɨ vae jare mbota mbɨakatu pegua, javoi oguapɨ reta okaru, okau, jare opüa reta güɨropo.

ISAÍAS 29:13

Jayave yandeYa jei: “Echa kuae tëta chemboete iñee rupi jare jembe pe, ërei ngatu ipɨa mombɨrɨ ko oï chegüi; oipoɨu reta chegüi vae, kuimbae reta iporookuai re oyemboe vae ramiño ko;

ISAÍAS 52:5

Añave, ¿mbae ra ayapota? Opa güɨraja reta tëta chembae vae, jupimbae reve. Jókuae jerajaa reta oiporarauka avei chupe reta, omoäse avei reta. Cheangao avei reta.

ISAÍAS 65:14

cherembiokuai reta otairarita ipɨa oyerovia reve, ërei pe reta peräseta peyaeo pepɨatɨtɨ yae güi.

JEREMÍAS 12:2

Reñotɨ reta temitɨ rami ɨvɨ pe, japo reta oyepota, okuakuaa reta jare ia reta. Iyuru peño ndemboete yae reta, ërei ipɨa pe mombɨrɨ ñogüɨnoi ndegüi.

JEREMÍAS 3:10

Opaete kuaekuae rupi, ipɨkɨɨ ipɨapochɨ vae Judá mbaetɨ oyerova ye chekotɨ ipɨa reve, oyerova raangaiño añete vae nunga. Che ndeYa jae kuae ndeve.”

LAMENTACIONES 2:18

¡Sión, esapúkai yandeYa pe! ¡Emaeño tosɨrɨ nderesaɨ ara rupi jare pɨ̈tu rupi, ɨ̈aka rupi rami! ¡Agüɨye topɨta nderesaɨ!

OSEAS 13:16

Samaria oiporarata jeko re, echa oyembopɨapochɨ iTumpa kotɨ. Omano retata ñeraro pe, imichia reta oyererokuaukata ɨvɨ re, ikuña reta ipurúa ñogüɨnoi vae oipekata jɨe chugüi.

OSEAS 13:6

Ërei pe reta jeta tembíu penoi yave, peyembotuicha jare peakañɨ chegüi.

OSEAS 13:9

Romokañɨteita Israel, ngaraa kia oasayepe chegüi.

OSEAS 3:1

YandeYa jei ye cheve: “Ekua ereko kuña iyaguasa pota vae yepe tëi jeko kavimbae. Jökorai che peYa Tumpa aaɨu Israel iñemuña reta, yepe tëi jae reta omboete tumpa ambuae, jare jou reta mbɨyape oyea uva oñemotinigüe ndive oñemee chupe vae.”

OSEAS 8:2

Jökorai reve pesapúkai cheve körai: ‘¡Rokuaa ko nde, jae ko Israel iTumpa!’

AMÓS 2:8

Temimonde oyeeya mbae jepɨrä vae re oyapakua reta oipotagüe mɨmba oyeyuka oyeapɨ jese vae iyɨpɨ pe; jare itumpa reta jo pe jou reta vino, ombaemboepɨ jupimbae reve vae reta omeegüe.

AMÓS 8:3

Jókuae ara tupao pe otairari vae reta jäsembaita oyaeo. Jei yandeYa. Jeta yaeta omanogüe, oipota rupi kïrii ngatuño omombo retata.

MIQUEAS 2:11

Oime yave kia imiari apu reve, jare jei: “Che tamoërakua peve ñee, vino re jare mbae oporombosavaɨpo vae re”; jókuae nunga toiko ñeemombeuarä kuae tëta pe.

ZACARÍAS 7:5

“Ere opaete kuae ɨvɨ pegua reta pe, jare sacerdote reta pe: ‘Kuae setenta año rupi peyekuaku tembíu güi, jare pepɨatɨtɨ pandepoa yasɨ jare chiúa yasɨ pe año ñavo vae, ¿peyekuaku ya cheveguarä?

Romanos 16:18

Echa jókuae reta mbaetɨ ko oyeokuai yandeYa Jesucristo pe. Jaeño oparavɨkɨ reta ikavi chupe reta vaerä jeko peguaño, iñee-yukɨ rupi jare iñee kavi rupi ombotavɨ iyarakuaa katumbae reta.

Filipenses 3:19

kuae reta opata ko okañɨtei, jae reta ombotenonde ikavi chupe reta vaeño, oyembotuicha reta imarata tëi jese vae re. Oyemongeta reta mbaembae kuae ɨvɨ pegua reño.

Santiago 4:3

Peyerure tëi, ërei mbaetɨ pemboresive, echa peyerure kaviä. Echa peyerure mbaembae re peiporu vaerä pepɨa jei vae reño.

Santiago 5:1

¡Peyeapɨsaka, pe peikokatu vae reta! Peyaeo jare peräse, susere reta outa peré vae re.

JUECES 9:27

kuae reta ñogüɨnoe oipoo uva ko pe jare oyapo reta vino, oyapo reta vi arete tuicha vae, oike okaru jare okau reta itumpa-raanga reta jo pe, jei reve ñee kavimbae Abimelec kotɨ.