OSEAS 7:13 - Biblia Guarani Tumpa Iñee

¹³ ¡Atataɨ! ¡Maera pa ko opia reta chegüi! Opata amokañɨtei reta, echa oyembopɨapochɨ reta chekotɨ. Che, chekɨ̈reɨ aepɨ reta, ërei jae reta iyapu reve imiari chekotɨ.

OSEAS 7:13 ပူးပေါင်းရင်းမြစ်များ

NEHEMÍAS 1:10

Jae reta ko nderembiokuai, ndembae vae reta ko, ndembaepuere yae rupi reepɨ reta vae.

JOB 22:17

Jei reta Tumpa pe: “¡Esɨrɨ katu oregüi! ¿Mbae pa ndepuere reyapo oreveguarä Imbaepuere yae ete vae?”

SALMOS 106:10

Jökorai, güɨroasayepe tovaicho reta güi, imotareɨa reta ipo güi.

ISAÍAS 30:1

YandeYa jei: “¡Paravete, cheraɨ oyembosɨrɨ chegüi vae reta, oyemongeta reta mbae oyapo vaerä, oparandumbae reve cheve, oyupavo reta mbae oyapo vaerä, mbaetɨ reve che añono ipɨa pe, jökorai jeiete omoïru reta mbaeyoa iyeupe!

ISAÍAS 30:2

Iyandeko reve yogüɨraja reta Egipto kotɨ, jare mbaetɨ oparandu reta cheve; oeka reta yemborɨ Faraón güi, oyerovia reta Egipto re.

ISAÍAS 31:1

¡Paravete, opa yogüɨraja Egipto kotɨ oeka yemborɨ vae reta, kavayu reta re oyerovia vae reta, oyeko reta käretou jeta ko vae re, jare kavayu regua reta, echa jëia yae reta, jare mbaetɨ omae reta Iyoambae Israel pegua re, mbaetɨ oeka reta yandeYa!

ISAÍAS 41:14

YandeYa jei: “Israel, Jacob iñemuña reta, yepe tëi mbovɨ yae peiko ani ndepɨtu yae, ërei agüɨye ekɨɨye; che ko romborɨ. Che, Tumpa Iyoambae Israel pegua ko jae ndeReepɨ vae.

ISAÍAS 43:1

Añave, Israel, Jacob iñemuña reta, yandeYa, ndeapoa jei ndeve körai: “Agüɨye ekɨɨye, che ko roepɨ; che ko reenɨi, chembae ko nde.

ISAÍAS 59:13

Nde oreYa oreokuai tëi vae mbaetɨ royapo jare oreapu ndekotɨ, jare rosɨrɨ nde oreYa Tumpa güi, royangao jare royembopɨapochɨ, orepɨa güi oë oreapu vaerä. Roporombotavɨ vaerä.

ISAÍAS 63:8

Echa jae jei: “Añetete chembae vae reta ko, cheraɨ mbaetɨ yapu vae reta.” Jae ko güɨroasayepe reta,

JEREMÍAS 14:10

Körai jei yandeYa Israel kotɨ: “Kuae tëta oguata reteiño oipota rupi. Jáeramo mbaetɨ chepɨakatu amae jese. Añave chemaenduata iyoa reta re jare aiporaraukata chupe reta.”

JEREMÍAS 42:20

¿Maera pa pembaeyavɨ? Echa pe reta etei ko cheokuai aja vaerä ayerure yandeYa Tumpa pe, pere cheve: ‘Eyerure yandeYa Tumpa pe oreré, jare eikuaauka oreve jae jei vae, royapo vaerä.’

JEREMÍAS 51:9

Roipoano tëi ma Babilonia, ërei mbaetɨ okuera. ¡Peeya! Yaja mo kuae güi, metei ñavo yandeɨvɨ ae ae pe, echa ikavimbae oyapogüe ojoi oväe ara pe, oupitɨ amapɨtu.

JEREMÍAS 7:15

Pomombota cheyeugüi, opaete perëtara reta Efraín iñemuña amombo rami.’

LAMENTACIONES 5:16

Oreyemboetea opa oregüi; ¡maera pa ko!, echa oreyoa.

EZEQUIEL 16:23

Che ndeYa Tumpa jae: ¡Paravete!, ¡maera pa ko! Jókuae ikavimbae reyapo güire,

EZEQUIEL 18:2

“¿Maera pa Israel pe mbaetɨ pekuérai pere kuae ñee arakuaa pegua: ‘Kuimbae reta jou uva jayasɨ vae, jare taɨ reta jäi-yeɨ’?

EZEQUIEL 18:25

Jare pere yave: ‘Mbaetɨ jupi Tumpa oyapogüe.’ Peyeapɨsaka añave Israel pegua reta, ¿peyemongeta pa mbaetɨ jupi ayapo? ¿Pe retaä ra jupimbae peyapo?

EZEQUIEL 34:6

Opa jopa reta, oguata reta opaete ɨvɨtɨ reta ɨvate vae rupi; chevecha reta opa oñemoai opaete ɨvɨ rupi, jare mbaetɨ kia ojo oeka reta, ani oparandu yepe jese reta.

OSEAS 11:12

Efraín pegua reta jeta iyapu cheve; Israel pegua reta jeta chembotavɨ. Judá pegua reta mbaetɨ oyembosɨrɨ chegüi, ërei añave omboete reta tumpa-raanga.

OSEAS 11:2

Ërei jeiete aenɨi yave, jeiete osɨrɨ reta chegüi. Baal reta pe omee mɨmba oyeyukagüe, tumpa-raanga reta pe oapɨ reta ikäti kavi incienso.

OSEAS 5:7

Mbaetɨ jupi rupi yogüɨreko reta yandeYa pe, imembɨ reta ambuae kuimbae pe. Jáeramo, metei yasɨ peño omokañɨtei retata iɨvɨ ndive.

OSEAS 7:1

Israel pegua reta aipoano yave, oyekuaa Efraín jare Samaria ikavimbae oyapo vae. Echa iyapu reta; imonda vae rami oike reta o pe, jare omaepɨ̈ro reta ikatu rupi.

OSEAS 7:3

Chembae vae reta oyapo ikavimbae vae rupi omboyerovia mburuvicha guasu, jare iyapu reta rupi omboyerovia mburuvicha reta.

OSEAS 9:12

Jare yepe tëi ombokuakuaa imichia reta, apɨ̈rota chugüi reta, ngaraa amaeño yogüɨreko. Echa, ¡oiporara yaeta che asɨrɨ chugüi reta yave!

OSEAS 9:17

Kuae tëta mbaetɨ oipota yogüɨreko Tumpa jeia re; jáeramo cheTumpa güɨröɨrota iyeugüi, oguata reteiñota yogüɨreko ɨvɨ ambuae rupi.

JONÁS 1:10

Jare jókuae kuimbae reta okɨɨye yae, jare jei reta chupe: —¿Maera pa ko kuae reyapo? Echa jae reta oikuaa, otekuarai ko yandeYa güi vae, echa jae etei yepe omombeu chupe reta.

JONÁS 1:3

Ërei Jonás opüa otekuarai vaerä yandeYa güi tëta Tarsis kotɨ, jare ojo tëta Jope kotɨ, joko pe oväe metei barco ojota oï Tarsis kotɨ vae; oyemboepɨ jare oyeupi pɨpe ojo vaerä jae reta ndive Tarsis kotɨ, mombɨrɨ yandeYa güi.

MIQUEAS 6:12

Oikokatu vae reta omotɨnɨe jo, mbae oñomigüe pe jare joko pe yogüɨreko vae reta yapu imiari jare oporombotavɨ reta.

MIQUEAS 6:4

Echa che pogüɨnoe ɨvɨ Egipto güi, yeokuaiasɨ katu güi poepɨ, jare añono pereroata vaerä Moisés, Aarón jare María.

San Mateo 23:37

¡Jerusalén! ¡Jerusalén!, reyuka ñeemombeúa reta. Reyapi reyuka ita pe Tumpa ombou ndekotɨ vae reta. Jeta vese chekɨ̈reɨ tëi amboatɨ ndeipo reta, uru omboatɨ imembɨ reta ipepo igüɨ pe rami, ërei nde mbaetɨ reipota.

DEUTERONOMIO 15:15

Pemaendúa peikose tembipɨɨ Egipto pe vae re, jare yandeYa Tumpa perenoe. Jáeramo che amee peve kuae mborookuai.

1 Juan 1:10

Yae yave mbaetɨ ko yayapo mbaeyoa, yamboapu ko Tumpa jare iñee mbaetɨ oï yanderé.

Apocalipsis 8:13

Amae jare aendu metei güɨraké oveve ara mbɨte rupi, jare iñeeäta reve jei: “¡Paravete ɨvɨ pegua reta oiporara yaeta ko ïru mboapɨ araɨgua reta mimbɨguasu omoñee yave!”