OSEAS 7:1 - Biblia Guarani Tumpa Iñee

¹ Israel pegua reta aipoano yave, oyekuaa Efraín jare Samaria ikavimbae oyapo vae. Echa iyapu reta; imonda vae rami oike reta o pe, jare omaepɨ̈ro reta ikatu rupi.

OSEAS 7:1 ပူးပေါင်းရင်းမြစ်များ

ISAÍAS 28:1

¡Paravete Samaria, Efraín pegua savaɨpo regua reta oyemboete jese vae; oñemopöra mbaepotɨ ipiru katu pe vae rami vae, iɨvɨpe kavi jembeɨ ɨvatea re oï vae, vino iua reta jëta!

ISAÍAS 59:12

Echa orembaeyoa jeta yae ndekotɨ, oreyoa aeño oñeapo oï oreré; echa ore ndive oï oreyoa reta, roikuaa ikavimbae royapo vae.

ISAÍAS 59:13

Nde oreYa oreokuai tëi vae mbaetɨ royapo jare oreapu ndekotɨ, jare rosɨrɨ nde oreYa Tumpa güi, royangao jare royembopɨapochɨ, orepɨa güi oë oreapu vaerä. Roporombotavɨ vaerä.

ISAÍAS 59:14

Jupi vae rogüɨröɨro, sɨmbi vae osɨrɨ oregüi, añete vae rombosɨrɨ oreyeugüi oka guasu pe, jare mbaetɨ oime mboromboete.

JEREMÍAS 51:9

Roipoano tëi ma Babilonia, ërei mbaetɨ okuera. ¡Peeya! Yaja mo kuae güi, metei ñavo yandeɨvɨ ae ae pe, echa ikavimbae oyapogüe ojoi oväe ara pe, oupitɨ amapɨtu.

EZEQUIEL 16:46

Ɨvɨtuguasu kotɨ oï nderɨke, tëta guasu Samaria, jare iyɨvɨrigua tëta raɨ reta; arayevɨ kotɨ oï ndepɨkɨɨ, tëta guasu Sodoma jare opaete iyɨvɨrigua tëta raɨ reta.

EZEQUIEL 23:4

Tenondegua jee Ahola, jae ko Samaria, jare ipɨkɨɨ jee Aholiba, jae ko Jerusalén. Kuae reta ndive che amenda, jare imembɨ reta cheve.

EZEQUIEL 24:13

Jerusalén, aipota tëi rotɨo yepi reyemongɨa ndekuimbae pota vae güi, ërei mbaetɨ reyetɨo. Reyetɨota chearasɨ aitɨ nderé yave ramo.

OSEAS 10:5

Guaka taɨrusu vae iä Bet-avén pegua oyemboai jeko pegua okɨɨyeta Samaria pegua reta. Jae reta jare isacerdote reta jäse retata toro taɨrusu vae iä oyemboai vae re, echa iyemboetea oyekou jese vae opata okañɨtei.

OSEAS 11:12

Efraín pegua reta jeta iyapu cheve; Israel pegua reta jeta chembotavɨ. Judá pegua reta mbaetɨ oyembosɨrɨ chegüi, ërei añave omboete reta tumpa-raanga.

OSEAS 11:8

¿Maera pa roeyata, Efraín? ¿Maera pa romeeta tovaicho pe, Israel? ¿Maera pa ayapota ndeve tëta Adma rami, ani ramo Zeboim rami? ¡Chepɨatɨtɨ ko nderé, roaɨu yae ko!

OSEAS 12:1

Efraín iñemuña reta oyemongaru ɨvɨtu pe rami; ara ñavo yogüɨraja ɨvɨtuakuvo jaɨkue rami. Omoïru iyapu reta jare jekorai oyapo reta morogüɨrökuavee päve Asiria pegua reta ndive, jare güɨraja reta olivo iasaite pe ombopota Egipto.”

OSEAS 12:2

YandeYa ojäata Judá pegua reta. Oiporaraukata Jacob iñemuña reta pe jeko oï reta rupi; oiporaraukata chupe reta teko oyapogüe re.

OSEAS 4:17

¡Efraín pegua reta itumpa-raanga pota yae! ¡Peeya!

OSEAS 4:2

Jei raangaiño mbae oyapo vaerä, apu, yoyuka, maeñomi, aguasa; kuaekuae reta jeta jare oyoyuka vae oyoaɨkue yoaɨkueño.

OSEAS 5:1

Sacerdote reta, peendu kuae; peyeapɨsaka Israel pegua reta; peyeapɨsaka mburuvicha jo pegua reta. Echa peveguarä kuae morojäa, echa pe reta peiko ñuai rami ɨvɨtɨ Mizpa pe, metei pɨsa rami ɨvɨtɨ Tabor pe,

OSEAS 6:4

YandeYa jei: “¿Mbae ra ayapota ndeve Efraín? ¿Mbae ra ayapota ndeve Judá? Echa pe reta cheraɨu vae, ndeimbove yave ɨ̈vɨti oime vae rami ko, jare köe yave ɨsápɨi opa otini vae rami ko.

OSEAS 7:13

¡Atataɨ! ¡Maera pa ko opia reta chegüi! Opata amokañɨtei reta, echa oyembopɨapochɨ reta chekotɨ. Che, chekɨ̈reɨ aepɨ reta, ërei jae reta iyapu reve imiari chekotɨ.

OSEAS 8:5

¡Samaria pegua reta, pɨ̈chɨi yae ko cheve toro taɨrusu vae iä pemboete vae! Chearasɨ yae ikotɨ. ¿Kërai yave pa peyetɨota?

OSEAS 8:9

echa pe reta peo Asiria pe mburika imasombae rami. Efraín pegua reta omee mbota, iyaguasa pe oyeaɨuka vaerä.

AMÓS 3:10

YandeYa jei: “Jae reta mbaetɨ oikuaa oyapo jupi vae; oñovatu reta jo kavi reta pe oñomigüe jare opɨ̈rogüe.”

AMÓS 3:9

Pemoërakua mburuvicha guasu jo kavi reta pe, tëta Asdod pe, jare mburuvicha guasu jo kavi reta pe, ɨvɨ Egipto pe, körai: “Peyu peyemboatɨ Samaria iɨvɨtɨ re; jare pemae teko kavimbae oyeapo pɨpe vae re jare tekorai jeta pɨpe vae re.”

AMÓS 8:14

Samaria pegua tumpa-raanga reta omboete reta vae jei: ‘Dan iñemuña reta, oikove ko netumpa’, jare ‘Beerseba pegua tumpa-raanga reta’, jókuae reta ogüɨapita, ngaraa ye ma opüa reta.”

MIQUEAS 6:16

Echa peñovatu peyeupe Omri iporookuai reta, jare opaete Acab iñemuña reta jembiapo peyapo; jókuae reta iporomboarakuaa rupi peiko, opa vaerä che pomboai poñono jare peikota ñemomarai rupi. Jáeramo peñemotareɨukata peiko ïru tëta guasu pegua reta pe.”

San Mateo 23:37

¡Jerusalén! ¡Jerusalén!, reyuka ñeemombeúa reta. Reyapi reyuka ita pe Tumpa ombou ndekotɨ vae reta. Jeta vese chekɨ̈reɨ tëi amboatɨ ndeipo reta, uru omboatɨ imembɨ reta ipepo igüɨ pe rami, ërei nde mbaetɨ reipota.

San Lucas 13:34

¡Jerusalén! ¡Jerusalén!, reyuka ñeemombeúa reta. Reyapi reyuka ita pe Tumpa ombou ndekotɨ vae reta. Jeta vese chekɨ̈reɨ tëi amboatɨ ndeipo reta, uru omboatɨ imembɨ reta ipepo igüɨ pe rami, ërei nde mbaetɨ reipota.

San Lucas 19:42

jei reve: “¡Reikuaa yave mona ndeyeupe kuae ara ko jae renoita tëi vi mbɨakatu vae! Ërei añave oñeomi oï ndegüi.