OSEAS 6:8 - Biblia Guarani Tumpa Iñee

⁸ Ɨvɨ Galaad pe jeta ikavimbae oyapo vae, jeta oyoyuka joko pe.

OSEAS 6:8 ပူးပေါင်းရင်းမြစ်များ

2 SAMUEL 20:8

Jare jae reta köi ma yogüɨraja Gabaón pe ita guasu oï vae güi yave, Amasa oë oövaiti reta. Joab oyemonde oiko temimonde ñeraro pegua pe, jare jemimonde ikuakuaa re güɨnoi ikɨsepuku jɨru pe vae, oë chugüi ojo jenonde kotɨ yave.

2 SAMUEL 3:27

Jare Abner ou oväe Hebrón pe yave, Joab güɨraja tëta jöke güi ïkotɨa imiari vɨari vaerä jae ndive; jare joko pe oikutu jɨe pe oyuka, oyepɨ vaerä jese tɨvɨ Asael imano re.

1 REYES 2:5

Añave reikuaa kavi ma Joab, Sarvia imembɨraɨe oyapo cheve vae, jae oyuka mókoi sundaro reta itenondegua ete Israel pegua: Abner, Ner taɨ, jare Amasa, Jeter taɨ, jae oyepɨ mbɨakatu iara pe, ñeraroa pe jeta omano vae re, chemboeko reve jókuae mano re.

SALMOS 10:8

Okätɨro köiño tëta raɨ reta güi, oñemi oï, oyuka jekombae reta, osareko etei ipuere potambae vae re.

SALMOS 141:4

Agüɨye emaeño tayemongeta ikavimbae re; agüɨye emaeño tayapo jupimbae iyoa vae reta ndive, agüɨye takaru jae reta ndive iarete pe.

SALMOS 59:2

Chereepɨ jeko kavimbae reta güi, chereroasayepe oporoyuka vae reta güi.

ISAÍAS 59:6

Jókuae ñanutirapaa mbaetɨ ikavi temimonderä; mbaetɨ kia ipuere oyemonde pɨpe. Opaete perembiapo reta yoyuka yepeai, pemaepɨ̈ro vaeräño peiko.

JEREMÍAS 11:19

Che aiko, metei vecha kuimbae taɨrusu vae oyereraja mbaeyukaa pe rami, aikuaambae reve oime ko oyemongeta pɨ̈chɨi reta chekotɨ vae. Jei reta chekotɨ: “Yayasɨa ɨvɨra ia kavi oï añave vae, yayasɨa kuae ɨvɨ güi, oikove vae reta ipɨte güi, agüɨye vaerä mo kia imaendúa jese.”

OSEAS 12:11

Galaad pe oime tumpa reta, ërei tumpa-raanga retaño ko. Gilgal pe oyuka reta toro; mɨmba oyeyuka oyeapɨ jese vae jae reta imbae, kó rupi jeta ita yatɨ yatɨ temitɨ pɨte rupi rami ko.”

OSEAS 12:12

Ërei Jacob otekuarai ojo ɨvɨ Aram kotɨ, joko pe oyeokuai güɨnoi vaerä jembirekorä, oparavɨkɨ oyangareko mɨmba reta re.

OSEAS 4:2

Jei raangaiño mbae oyapo vaerä, apu, yoyuka, maeñomi, aguasa; kuaekuae reta jeta jare oyoyuka vae oyoaɨkue yoaɨkueño.

OSEAS 5:1

Sacerdote reta, peendu kuae; peyeapɨsaka Israel pegua reta; peyeapɨsaka mburuvicha jo pegua reta. Echa peveguarä kuae morojäa, echa pe reta peiko ñuai rami ɨvɨtɨ Mizpa pe, metei pɨsa rami ɨvɨtɨ Tabor pe,

MIQUEAS 7:2

Mbaetɨ ma iporoparareko vae ɨvɨ pe; metei ave mbaetɨ jeko sɨmbi vae kuimbae reta ipɨte pe; metei ñavo oäro oporoyuka vaerä; metei ñavo oeka kërai omboeko vaerä japicha.

Hechos 25:3

oyapo vaerä ikavi vae chupe reta, güeruruka vaerä Pablo Jerusalén pe. Ërei jae reta yepe oyemongeta okätɨrota vaerä jese tape rupi, oyuka vaerä.

JOSUÉ 21:38

Gad iñemuña reta iɨvɨ pe oñemee chupe reta tëta Ramot, Galaad pe oï vae, ñepɨ̈rokarä oporoyuka vae reta pe; omee reta vi tëta Mahanaim,