OSEAS 6:11 - Biblia Guarani Tumpa Iñee

¹¹ Jaeramiño vi pe Judá pegua reta peguarä, amokätɨro ma ara peiporara vaerä. Aru ye yave ïru ɨvɨ güi chembae vae reta,

OSEAS 6:11 ပူးပေါင်းရင်းမြစ်များ

JOB 42:10

Jare yandeYa güɨnoe Job mbɨatɨtɨ güi, jae oyerure güire ivɨa-ïru reta re; jare omoïru chupe mókoi yoarambo ye opaete imbaembae reta tenonde yave güɨrekose vae güi.

SALMOS 126:1

YandeYa güeru ye yave tembipɨɨ güi Sión, ¡ropaɨuecha rami ko!

SALMOS 85:1

CheYa Tumpa, ndeporoparareko yae ko kuae tëtaguasu ndembae vae re; reru ye tembipɨɨ güi Jacob iñemuña reta;

JEREMÍAS 30:10

YandeYa jei: “Cherembiokuai Jacob iñemuña reta, agüɨye pekɨɨye; Israel iñemuña reta, agüɨye pekɨɨye, echa nde jare neñemuña reta ayorata jókuae mombɨrɨ oyererajaa güi. Yogüɨreko yeta mbɨakatu pe, mbaetɨta kia omongɨɨye, yogüɨreko pɨagüiveta.

JEREMÍAS 51:33

Echa yandeYa Imbaepuere yae ete vae Israel iTumpa jei körai: “¡Babilonia, mbaembopiriría renda pe mbae oyembopiririta ma vae rami ko, oväeta ete ma iara oyepoo vaerä!”

JOEL 3:13

Echa jae reta iyoa yae ko, peyasɨa trigo yagüɨyegüe rami, echa mbaarɨvo iara ma ko; peumbiri uva rami, echa jaekavi yae ma vino oyeapo vaerä.

MIQUEAS 4:12

Ërei jókuae tëtaguasu reta mbaetɨ oikuaa, yandeYa iyemongeta, iporomboarakuaa ave mbaetɨ oikuaa reta; kuae jeko pegua omboatɨta trigo oyembopiriría pe oï rami.

SOFONÍAS 2:7

Judá iñemuña jembɨregüe reta yogüɨrekota jókuae ɨvɨ pe, joko pe omongaru retata jɨmba reta, jare pɨ̈tu yave oputuu retata Ascalón pegua o reta pe; echa yandeYa Tumpa outa omborɨ vaerä, jae opata güeru ye tembipɨɨ reta.

Apocalipsis 14:15

Jare tupao güi oë ïru araɨgua jare iñeeäta reve jei amapɨtu re oguapɨ oï vae pe: “¡Eiporu jókuae hoz jare embaarɨvo! Echa mbaarɨvo iara ou ma oväe, echa mbaagüɨye ma ɨvɨ pe.”