OSEAS 6:1 - Biblia Guarani Tumpa Iñee

¹ Peyu jare yayerova ye yandeYa kotɨ; echa jae yandemboai, ërei jae ñaneñono kavi yeta, jae yandembopere, ërei jae ñanepoanota.

OSEAS 6:1 ပူးပေါင်းရင်းမြစ်များ

2 CRÓNICAS 30:6

Jökorai yogüɨraja ñee jerajaa reta opaete Israel rupi jare Judá rupi mburuvicha guasu jare iyɨvɨrigua reta jembikuatía ndive, omoërakua vaerä mburuvicha guasu iporookuai jei reta reve: “Israel iñemuña reta, peyerova ye yandeYa kotɨ, Abraham, Isaac jare Israel iTumpa kotɨ, jare jae oyerova yeta pekotɨ, opaete pe perembɨre mburuvicha guasu reta Asiria pegua ipo güi vae.

JOB 16:9

YandeYa iyarasɨ rupi oiporarauka cheve, jäi ombokɨrɨrɨu chekotɨ mbaeporou rami, omaeäta cheré jovaicho rami.

JOB 22:23

Reyerova ye yave Imbaepuere yae ete vae kotɨ, reï kavi pɨau yeta, jare ombosɨrɨta ndero güi mbɨatɨtɨ.

JOB 34:29

Tumpa mbaetɨ mbae oyapo yave, ¿kia pa ojäata? Oñomi jova yave, ¿kia pa oechata? Jae omae jeta vae re jare kia ñavo re,

JOB 5:18

Echa jae ko oyapo mbaerasɨ pɨ̈chɨi, ërei jae yeño ko oipoano, jae ko oporombopere, ërei jae yeño ko oipoano.

SALMOS 30:7

Echa nde cheYa, ndepɨakavi rupi chemomɨ̈rata ɨvɨtɨ rami, ërei resɨrɨ chegüi yave, chepɨa jopa apɨta.

SALMOS 6:2

Cheparareko cheYa Tumpa, echa chembaerasɨ aï, chembogüera cheYa Tumpa, echa chekägüeäecha aï.

SALMOS 71:20

Nde reechauka cheve jeta mbɨatɨtɨ jare ikavimbae reve, remee yeta cheve tekove; chemopüa pɨau yeta ɨvɨkua guasu güi.

ECLESIASTÉS 3:3

Oime yeyuka iara, oime vi ñaporopoano vae iara. Oime ara, mbae yamboai vaerä, oime vi ara, mbae ñamopüa vaerä.

ISAÍAS 17:7

Jókuae ara kuimbae omaeta Iyapoa re, omaeta Iyoambae Israel pegua re.

ISAÍAS 2:3

jeta vae yogüeruta ketɨ ketɨ güi, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä kërai yaiko vaerä, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

ISAÍAS 30:22

Jayave, reröɨrota remae mbae iä korepoti pe jare oro pe oñeova vae reta re. Opata kuae mbaembae reta renoe remombo mbae ikavimbae rami, ɨtɨ rami remaeta jese reta.

ISAÍAS 30:26

YandeYa oipoanota pepere. Jayave yasɨ omoembipeta kuaraɨ rami, jare kuaraɨ omoembipeasɨ yaeta chiu kuaraɨ jembipe rami.

ISAÍAS 55:7

Iyoa vae toyepoepɨ, jare kuimbae ipɨapochɨ yae vae toeya iyemongeta, jare toyerova ye yandeYa kotɨ, jare jae iporopararekota jese, jare ñaneTumpa kotɨ, echa jae ipɨakavi avei iñɨ̈ro vaerä.

JEREMÍAS 3:22

Peyerova ye chekotɨ, cheraɨ ipɨapochɨ vae reta, jare che popoanota pepɨapochɨ güi.” “Ko royu ndekotɨ, echa nde jae ko oreYa Tumpa.

JEREMÍAS 30:12

YandeYa jei: “Pepere ipöambae ko, pembaerasɨ reta mbaetɨ ipöa.

JEREMÍAS 30:17

Ërei pombogüerata, aipoanota pegüi pepere reta, perovaicho reta jei tëita peve: ‘Sión oyemombo oï, mbaetɨ kia oyemoambeko jese.’ Che peYa ko jae kuae.”

JEREMÍAS 33:6

Ërei aipoano retata, oikovekatuta jare ameeta chupe reta mbɨakatu jare oiko pɨagüive reta vaerä.

JEREMÍAS 50:4

YandeYa jei: “Jókuae ara Israel jare Judá pegua reta yogüeruta oyaeo reve chereeka, che iYa Tumpa.

JEREMÍAS 50:5

Oparandu retata tape Sión kotɨ ojo vae re, jare jokotɨ yogüɨrajata jei reve: ‘Yaja yandeYa pɨri, jare ñañemoïru jae ndive metei morogüɨrökuavee päve opambae rupi, agüɨye ye vaerä ma ñaneakañɨ.’

LAMENTACIONES 3:11

Chemombia tape güi, opa cherakɨo kɨo ¡chemboai chereeya!

OSEAS 11:10

Jae reta oguatata yandeYa jaɨkue, jare jae oñeeta yaguapope rami. Oñeeta, jare imbae vae reta yogüeruta orɨrɨi reve kuaraɨ oikea kotɨ güi.

OSEAS 12:6

Israel pegua reta, peyerova ye peTumpa kotɨ; peyapo peporoaɨu avei reve jare jupi rupi, jare peyeko avei Tumpa reño.

OSEAS 14:1

¡Israel, eyerova ye ndeYa Tumpa kotɨ, echa ndeyoa jeko pegua regüɨapi ma!

OSEAS 14:4

YandeYa jei: “Aipoano retata ipɨapochɨ güi; aaɨu retata, yepe tëi mbaetɨ jupi yogüɨreko, echa osɨrɨ ma chugüi reta chearasɨ.

OSEAS 3:5

Kuae jaɨkue rupi yogüeru retata Israel iñemuña reta jare oekata iYa Tumpa jare juvicha guasu David. Ara taɨkuegua pe, oipoɨu retata omboete reve iYa Tumpa güi iporerekua jese reta vae.

LEVÍTICO 14:48

Ërei sacerdote oike yave omae kavi jese, jare oecha yave mbaerasɨ pɨ̈chɨi vae mbaetɨ oñemoai o re opa güire oyeapo kavi, sacerdote tomoërakua ikɨambae ko, echa mbaerasɨ pɨ̈chɨi vae opa okañɨ.

SOFONÍAS 2:1

Pe tëtaguasu imarambae reta, peyemboatɨ jare peyemongeta,

DEUTERONOMIO 32:39

Pemae añave, che ko jae Tumpa jae vaeño, mbaetɨ ïru tumpa chegüi, che amee tekove jare che aekɨ, che aporombopere jare che aporopoano; ¡mbaetɨ kia ipuere oporoepɨ chepo güi!

1 SAMUEL 2:6

YandeYa oekɨ tekove, jare jae omee tekove; jae oporomondo omanogüe reta ñogüɨnoia pe, jae oporogüɨnoe ye joko güi.

1 SAMUEL 7:3

Samuel imiari Israel iñemuña reta pe, jei reve: “Opaete pepɨa ndive peyerova ye yandeYa kotɨ yave, pemombo peyeugüi tumpa ambuae reta jare tumpa-raanga Astarot jee vae pepɨte güi, jare peñono kavi pepɨa yandeYa pe, jare chupeño peyeokuai, jayave peyorata filisteo reta ipo güi.”