OSEAS 5:9 - Biblia Guarani Tumpa Iñee

⁹ Israel pegua ñemuña reta ipɨte pe aikuaauka añete vae, Efraín pegua reta okañɨteita tembiporara iara pe.

OSEAS 5:9 ပူးပေါင်းရင်းမြစ်များ

JOB 12:14

Jae omboai vae, mbaetɨ kia ipuere omopüa ye, oyokenda kuimbae yave, mbaetɨ kia ipuere güɨnoe.

ISAÍAS 37:3

Jei reta chupe: Körai jei Ezequías: “Mbɨatɨtɨ ko kuae ara, ñeengata jare ñeeasɨ katu Tumpa kotɨ; metei kuña imembɨrasɨ oï vae mbaetɨ ma ipuere vae rami.

ISAÍAS 46:10

Che amoërakua mbaembae oasata vae, iyɨpɨ güive voi ma, jare arakae güive voi ma amoërakua mbaembae oasata vae. Che ayemongeta vae, oyeapota ko, ayemongeta ayapo vaerä vae, ayapota ko.

ISAÍAS 48:3

Mbaembae oasa vae iyɨpɨ güive voi ma ko amombeu peve, che etei ko aikuaauka. Güɨramoiño amboɨpɨ ayapo jare opa oyembopo.

ISAÍAS 48:5

tenonde güive voi ma amombeu peve, ndei oasa mbove amombeu peve. Agüɨye vaerä pere: ‘Ñanetumpa ko oyapo, tumpa iä yayapo vae ko oyapo kuaekuae.’

ISAÍAS 7:16

Echa michia raɨ ndei oikuaa güɨröɨro ikavimbae vae jare oiparavo ikavi vae mbove, mókoi mburuvicha guasu reta rekɨɨye chugüi vae reta iɨvɨ oyeeyata ipombae.

OSEAS 5:12

Che aikota kupii rami Efraín pe, jare yaratita rami Judá pegua reta pe.

OSEAS 5:14

Echa che aïta yaguapope rami Efraín pe; jare yaguapope raɨ rami Judá pe; che apɨ̈rota araja, jare ngaraa kia ipuere opɨ̈ro ye chepo güi.

OSEAS 7:12

Ërei yogüɨraja yave jokotɨ, amombota jese reta chepɨsa; aitɨta güɨra reta oa pɨsa pe rami, aipɨɨta iyoa reta jeko pegua.

OSEAS 8:8

¡Israel pegua reta, pekañɨteita aramoete pegua! Ïru tëtaguasu pegua reta mbaeä eteita omae peré,

OSEAS 9:7

¡Oväe ma tembiporara iara reta! ¡Oväe ma jeko vae reta oiporara vaerä jeko ae re! ¡Israel oikuaata kuae re! Pe reta pere: “Ñeemombeúa mbaetɨ ko yarakuaa, kuae oporomboarakuaa vae imbokere vae ko.” Kuae pere, ikavimbae yae peyapo jeko pegua, peporomotareɨ yae jeko pegua.

AMÓS 3:7

Echa ngaraa etei yandeYa Tumpa oyapo mbaesusere, omombeumbae reve jembiokuai ñeemombeúa reta pe.

AMÓS 7:17

Jáeramo körai jei yandeYa: “Nderembireko oikota aguasa rupi kuae tëta guasu pe, nderaɨ reta jare nderayɨ reta omanota kɨsepuku pe, jare pe reta jare opaete Israel oyererajaukata tembipɨɨrä matɨ kuae peɨvɨ güi.”

AMÓS 7:9

Isaac iñemuña reta imbaemboetea ɨvɨtɨ regua reta opata oyemboai, jare Israel imbaemboetea reta opata oyemboai. ¡Ambouta ñeraro Jeroboam iñemuña reta kotɨ!

MIQUEAS 6:13

Kuae jeko pegua che aiporarauka peve, peikoasɨ katuta peyoa jeko pegua.

ZACARÍAS 1:6

Ërei, cheñee jare cheporookuai reta amee cherembiokuai cheñeemombeúa reta pe omombeu vaerä vae, ¿mbaetɨ pa oa peñemuñagüe reta re? Jáeramo, jae reta oyerova ye jare jei reta: YandeYa Imbaepuere yae ete vae oyemongeta kërai yanderereko vaerä yandereko jare yanderembiapo oï rupi, jökorai oyapo yande ndive.’ ”

San Juan 16:4

Ërei kuae che jae ma peve, ara oväe yave pemaendúa vaerä amombeu ma peve vae re. Kuae mbaetɨ amombeu peve tenonde rupi, echa che aiko pe ndive.