OSEAS 5:6 - Biblia Guarani Tumpa Iñee

⁶ Ivecha reta reve jare iguaka reta reve yogüɨrajata oeka yandeYa, ërei ngaraa oväe reta chupe, echa jae osɨrɨ chugüi reta.

OSEAS 5:6 ပူးပေါင်းရင်းမြစ်များ

ÉXODO 10:9

Moisés jei chupe: —Rojota oremichia reta ndive, ndechi reta ndive, oreraɨ reta jare orerayɨ reta ndive, orevecha reta jare oreguaka reta ndive; echa orearete tuicha yae vae ko oreYa peguarä.

PROVERBIOS 1:28

Jókuae ara chereenɨita, ërei ngaraa aendu peve; chereeka tëita, ërei ngaraa cheväe chupe;

PROVERBIOS 15:8

Ikaviä yae ko yandeYa pe, iyoa vae reta omee mɨmba oyeyukagüe chupe yave, ërei omboyerovia, jupi vae reta iyerure.

PROVERBIOS 21:27

Ikaviä yae ko iyoa vae reta omee mɨmba oyeyukagüe vae, echa omee reta iyemongeta ikavimbae reve.

CANTARES 5:6

Aipea öke, aaɨu vae pe, ërei jae mbaetɨ ma yepe oï joko pe; jare aë jaɨkue, aeka tëi, ërei mbaetɨ aväe, asapúkai tëi chupe, ërei mbaetɨ omboyevɨ cheve.

ISAÍAS 66:3

Toro oyuka omee cheve vae, kuimbae oyuka ramiño ko; vecha oyuka omee cheve vae, yaɨmba oñaseokɨ̈ti vae ramiño ko; mbota temitɨ jäɨgüe omee cheve vae, kuchi jugüɨgüe omee vae ramiño ko; mbota mbae ikäti kavi vae incienso omee cheve vae, tumpa-raanga reta omboete vae ramiño ko. Echa kuae mbaembae iyapoa reta, jae reta aeño, oiparavo yogüɨreko vaerä ikavimbae rupi, ipɨa oaɨu yae kuae mbaembae ikavimbae vae.

JEREMÍAS 11:11

Jáeramo aruta chupe reta susere mbaetɨta ipuere otekuarai chugüi vae. Yepe tëi täta jäse reve oeka cheve yemborɨ, ngaraa aendu chupe reta. Che ndeYa jae kuae.

JEREMÍAS 11:14

Nde, Jeremías, agüɨye eyerure kuae tëta re, agüɨye eyerure chemoñera reve ikotɨ reta; echa ngaraa aendu chupe reta jäse reve oeka cheve yemborɨ isusere iara pe yave.

JEREMÍAS 14:12

Yepe tëi oyekuaku reta tembíu güi, che ngaraa aendu chupe reta iyerure; yepe tëi omee reta mɨmba oyeyukagüe opaetei oyeapɨ vae ani mbota reta, ngaraa amboresive chugüi reta, jaeño amokañɨtei retata ñeraro rupi, karuai jare mbaerasɨ ovakatu vae rupi.”

JEREMÍAS 7:4

Agüɨye perovia jókuae oporombotavɨ vae reta re. ¡YandeYa itupao ko kuae, ngaraa maratu yaasa!, jei vae reta re.

LAMENTACIONES 3:44

Reñeova amapɨtu pe, agüɨye vaerä oreyerure reendu.

EZEQUIEL 8:18

Ërei che ayapota vi mbae chupe reta chearasɨ reve. Mbaetɨta cheɨ̈ro chupe reta, ngaraa aiparareko reta. Yepe tëi täta osapúkai reve chereenɨi retata, ërei che ngaraa aendu chupe reta.”

EZEQUIEL 8:6

Javoi jei cheve: “¿Nde kuimbae, reecha pa mbae pɨ̈chɨi yae Israel iñemuña reta oyapo vae, oeyauka vaerä cheve reta chero mbaemboetea? Ërei reechata ïru mbae ikavimbae yae ete oyapo reta vae.”

OSEAS 8:13

Jae reta omomora yae omee mɨmba oyeyukagüe, omee reta, jare jou reta isoogüe; ërei cheve mbaetɨ ikavi jókuae, chemaenduata ikavimbae oyapo reta vae re, aiporaraukata chupe reta iyoa re, amboyerova yeta Egipto kotɨ.

AMÓS 8:12

Matɨ rupi ko oeka reta tëita yandeYa iñee; ɨvɨtuguasu güive kuaraɨ oëa kotɨ; ërei mbaetɨta oväe chupe.

MIQUEAS 3:4

Metei ara peenɨita yandeYa, ërei jae ngaraa oendu peve; oñomita jova pegüi jókuae ara rupi, teko kavimbae yae peyapo jeko pegua.

MALAQUÍAS 1:10

¡Mbae mona pegüi reta oime kia oyokenda tupao guasu ikësea jöke, agüɨye vaerä oyemoendɨiño tata mɨmba oyeyuka oyeapɨ jese vae pegua! Echa pe mbaetɨ chembopɨakatu jare ngaraa aipɨɨ mbota peru vae.

San Lucas 5:16

Ërei Jesús ojo chugüi reta kïrii ngatúa kotɨ oyerure vaerä Tumpa pe.

San Juan 7:34

Chereekata ko, ërei ngaraa cheväe. Ngaraa pepuere peo che aïtaa pe.