OSEAS 5:13 - Biblia Guarani Tumpa Iñee

¹³ Efraín oecha ma yave imbaerasɨ, jare Judá ipere okuerambae yave, Efraín ojota Asiria pe oiporu yemborɨ mburuvicha guasu pe, ërei jae ngaraa ipuere ombogüera ngaraa vi ipuere oipoano ipere.

OSEAS 5:13 ပူးပေါင်းရင်းမြစ်များ

2 REYES 15:19

jae oiko mburuvicha guasurä yave, ou Pul, mburuvicha guasu Asiria pegua oporepeña jókuae ɨvɨ re, jare Manahem omee treinta y tres mil kilo korepoti, omborɨ vaerä oñemomɨ̈rata mburuvicha guasurä,

2 REYES 15:29

Peka oiko mburuvicha guasurä Israel pe yave ou Tiglat-pileser Asiriaɨgua reta juvicha guasu, jare opɨ̈ro Ijón, Abel-bet-maaca, Janoa, Cedes, Hazor, Galaad, Galilea jare opaete ɨvɨ Neftalí; jare joko pegua reta opa güɨraja tembipɨɨrä Asiria pe.

2 REYES 16:7

Jayave Acaz omondo jekovia pe kuimbae reta imiari vaerä Tiglat-pileser mburuvicha guasu Asiria pegua ndive, jei chupe körai: “Che ko metei nderembiokuai, metei nderaɨ rami ko, kuae jeko pegua eyu chereepɨ mburuvicha guasu Siria pegua güi, jare Israel pegua reta cheïraro ñogüɨnoi vae güi.”

ISAÍAS 3:7

Jare jókuae ïru jeita Tumpa jee re: “Mbaetɨta chepuere, mbaetɨ chero pe tembíu ani temimonde yepe. Agüɨye cheñono mburuvicharä kuae tëta pe.”

JEREMÍAS 30:12

YandeYa jei: “Pepere ipöambae ko, pembaerasɨ reta mbaetɨ ipöa.

EZEQUIEL 23:5

Ahola che ndive oiko reve iyaguasa chegüi, iporopota iyaguasa reta jëta iyɨpɨ pegua Asiriaɨgua reta re,

OSEAS 10:6

Jókuae toro taɨrusu vae iä ave oyererajaukata Asiria pe, omee reta vaerä mburuvicha guasu pe. Jökorai Efraín pegua reta oñemomaraiukata, jare Israel oñemomaraita itumpa-raanga reta ndive.

OSEAS 12:1

Efraín iñemuña reta oyemongaru ɨvɨtu pe rami; ara ñavo yogüɨraja ɨvɨtuakuvo jaɨkue rami. Omoïru iyapu reta jare jekorai oyapo reta morogüɨrökuavee päve Asiria pegua reta ndive, jare güɨraja reta olivo iasaite pe ombopota Egipto.”

OSEAS 14:3

Asiria pegua reta ngaraa ipuere orereroasayepe, ngaraa vi orepuere rotekuarai kavayu re. Ngaraa ye ma roe ‘oretumpa’, mbae iä royapo orepo pe vae pe, oreYa, ndeño reiparareko tɨ̈reɨ.”

OSEAS 2:7

Ojota iyaguasa reta jaɨkue, ërei ngaraa oupitɨ; oeka tëita, ërei ngaraa oväe chupe. Jayave jeita: ‘Taja ye tenondegua cheme pɨri, echa jókuae ndive ikavi aiko añave vae güi.’

OSEAS 7:11

Pɨkasu mbaetɨ arakuaa güɨnoi rami ko Efraín, oiporu yemborɨ Egipto pe, javoi oyemboya Asiria re.

OSEAS 8:9

echa pe reta peo Asiria pe mburika imasombae rami. Efraín pegua reta omee mbota, iyaguasa pe oyeaɨuka vaerä.

MIQUEAS 1:9

Echa Samaria ipere, okuerambae ko, jare ou oväe Judá pe, ou oväe cherëta jöke pe, Jerusalén pe.