OSEAS 4:9 - Biblia Guarani Tumpa Iñee

⁹ Opaete vae reta, sacerdote reta ramiño vi, aiporaraukata chupe reta jeko re.

OSEAS 4:9 ပူးပေါင်းရင်းမြစ်များ

PROVERBIOS 11:31

Jupi vae omboresiveta mbota kuae ɨvɨ pe, ¡vɨtei pa iyoa vae reta, oiporarata jeko oï rupi!

PROVERBIOS 12:14

Kuimbae iñee ka vi vae, jókuae jekoviata chupe, omboresiveta jembiapo reta oï rupi.

PROVERBIOS 5:22

Iyoa vae oyepokoita jeko pe aeño; jare oñeapɨtiukata iyoa pe aeño.

ISAÍAS 24:2

Jökoraita oasa opaete tëta pegua reta: Sacerdote reta, ani sacerdotembae reta ndive, tembiokuai kuimbae ani iya, tembiokuai kuña ani iya kuña, ombaegua vae ani omaemee vae, ombaeporuka vae ani ombaeporu vae, ipía vae ani oporombopiauka vae.

ISAÍAS 3:10

Ere jupi vae pe, ojo kavita ko, echa oyekouta jembiapo re.

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

EZEQUIEL 44:10

Leví iñemuña reta oyembosɨrɨ chegüi vae, Israel iñemuña reta oyembosɨrɨ chegüi yave yogüɨraja omboete tumpa-raanga vae reta, oiporara retata jeko ae re.

EZEQUIEL 44:12

Oyeokuai reta tumpa-raanga reta jare oyavɨuka reta Israel iñemuña reta pe jeko pegua. Jáeramo jae cheree re ae ikotɨ reta, toiporara reta iyoa re ae.

OSEAS 1:4

Jare yandeYa jei chupe: “Embojee Jezreel, echa jokoño ma aiporarauka Jehú iñemuña reta pe, Jezreel pe oporoyuka vae jeko pegua, amboapɨta mborookuaía Israel pe.

OSEAS 10:10

Aiporaraukata chupe reta che aipota yave. Yatɨta jese reta ïru tëtaguasu pegua reta, aiporarauka yave chupe reta jeko kavimbae yae re.

OSEAS 12:2

YandeYa ojäata Judá pegua reta. Oiporaraukata Jacob iñemuña reta pe jeko oï reta rupi; oiporaraukata chupe reta teko oyapogüe re.

OSEAS 12:3

Jacob, ichɨ jɨe peve oipɨtapɨɨ tɨkeɨ, okuakuaa ma yave oñoïraro araɨgua ndive.

OSEAS 7:2

Mbaetɨ oyemongeta reta che chemaendúa ko opaete ikavimbae oyapo reta vae re. Añave ngaraa ma oyemboapeuka reta jembiapo reta pe, ñogüɨnoi cheróvai jembiapo ikavimbae reta.

OSEAS 8:13

Jae reta omomora yae omee mɨmba oyeyukagüe, omee reta, jare jou reta isoogüe; ërei cheve mbaetɨ ikavi jókuae, chemaenduata ikavimbae oyapo reta vae re, aiporaraukata chupe reta iyoa re, amboyerova yeta Egipto kotɨ.

OSEAS 9:15

YandeYa jei: “Gilgal pe oyapo reta opaete ikavimbae vae, joko güi amboɨpɨ aröɨro reta. Ikavimbae oyapo reta vae jeko pegua amombo retata chero güi; mbaetɨta ma aaɨu reta, echa opaete juvicha reta ipɨapochɨ yae.

OSEAS 9:9

Oñererokomegua ete kavi reta, arakae yave Gabaa pe rami. Ërei añave yandeYa imaenduata ikavimbae oyapo vae re, oiporaraukata chupe iyoa reta re.

ZACARÍAS 1:6

Ërei, cheñee jare cheporookuai reta amee cherembiokuai cheñeemombeúa reta pe omombeu vaerä vae, ¿mbaetɨ pa oa peñemuñagüe reta re? Jáeramo, jae reta oyerova ye jare jei reta: YandeYa Imbaepuere yae ete vae oyemongeta kërai yanderereko vaerä yandereko jare yanderembiapo oï rupi, jökorai oyapo yande ndive.’ ”

San Mateo 15:14

Pemaeño jese reta. Echa jae reta jesambae vae oipoko ïru jesambae vae rami ko. Jare jesambae vae päve oyopoko yave, mókoi reve oa retata ɨvɨkua pe.