OSEAS 4:15 - Biblia Guarani Tumpa Iñee

¹⁵ Pe Israel pegua reta, peyoa ko yave, pe Judá pegua reta, agüɨye peyoa. ¡Agüɨye pekua Gilgal pe ani Bet-avén pe, agüɨye peñererökuavee mbae peyapo vaerä yandeYa jee re!

OSEAS 4:15 ပူးပေါင်းရင်းမြစ်များ

2 CRÓNICAS 17:4

ërei oeka tu iTumpaño, jare oyapo iporookuai reta, mbaetɨ oiko Israel pegua reta yogüɨreko rami.

2 CRÓNICAS 21:11

Jare omopüa vi mbaemboete renda ɨvɨtɨ rupigua reta Judá pe, jare oyavɨuka Jerusalén pegua reta pe Tumpa kotɨ jae reta rami, jare opaete Judá pegua reta omombiauka Tumpa güi.

ISAÍAS 48:1

“Peyeapɨsaka, Jacob iñemuña reta, tee Israel pe peñeenɨi vae reta, Judá iñemuña reta; Tumpa jee re peñererökuavee mbae peyapo vaerä vae; Israel iTumpa pe peyerure vae reta, yepe tëi mbaetɨ añetete reve ani jupi rupi;

JEREMÍAS 44:26

Jáeramo peyeapɨsaka pe Judáɨgua reta ɨvɨ Egipto pe peiko vae, che, peYa jae peve vae re: Cheyé aeño arökuavee, ngaraa ye ma Judáɨgua reta oenɨi cheree opaete ɨvɨ Egipto pe, jei reve: ‘YandeYa jee re.’

JEREMÍAS 5:2

Yepe tëi amogüe reta jei mbae cheree re, ërei mbaetɨ ko añetete jei reta.”

EZEQUIEL 20:39

‘Israel iñemuña reta, yandeYa Tumpa jei körai: ¡Pekua metei ñavo pemboete petumpa-raanga reta, mbaetɨ yave pekɨ̈reɨ chemboete! Ërei oväeta ara chemboete vaerä jare ngaraa ye ma pemongɨa cheree ikɨambae vae jókuae pemee mbota vae rupi jare pemboete petumpa-raanga reta vae rupi.

OSEAS 10:5

Guaka taɨrusu vae iä Bet-avén pegua oyemboai jeko pegua okɨɨyeta Samaria pegua reta. Jae reta jare isacerdote reta jäse retata toro taɨrusu vae iä oyemboai vae re, echa iyemboetea oyekou jese vae opata okañɨtei.

OSEAS 10:8

Jare mbaemboetea Bet-avén pegua ɨvɨtɨ re ñogüɨnoi vae oyemboaita, joko pe Israel pegua reta oyapo mbaeyoa. Mɨmba oyeyuka oyeapɨ jese vae re oëta ñurati reta. Jare jei retata ɨvɨtu guasu reta pe: “¡Oreöva, oreñomi!” Jare ɨvɨtɨ reta pe jei retata: “¡Pea oreré!”

OSEAS 11:12

Efraín pegua reta jeta iyapu cheve; Israel pegua reta jeta chembotavɨ. Judá pegua reta mbaetɨ oyembosɨrɨ chegüi, ërei añave omboete reta tumpa-raanga.

OSEAS 12:1

Efraín iñemuña reta oyemongaru ɨvɨtu pe rami; ara ñavo yogüɨraja ɨvɨtuakuvo jaɨkue rami. Omoïru iyapu reta jare jekorai oyapo reta morogüɨrökuavee päve Asiria pegua reta ndive, jare güɨraja reta olivo iasaite pe ombopota Egipto.”

OSEAS 12:11

Galaad pe oime tumpa reta, ërei tumpa-raanga retaño ko. Gilgal pe oyuka reta toro; mɨmba oyeyuka oyeapɨ jese vae jae reta imbae, kó rupi jeta ita yatɨ yatɨ temitɨ pɨte rupi rami ko.”

OSEAS 12:12

Ërei Jacob otekuarai ojo ɨvɨ Aram kotɨ, joko pe oyeokuai güɨnoi vaerä jembirekorä, oparavɨkɨ oyangareko mɨmba reta re.

OSEAS 4:12

Chembae vae reta oparandu itumpa-raanga reta ɨvɨra pegua pe; jare jókuae ɨvɨra omboyevɨ suerte rupi. Echa ipɨa jese reteiño vae oyavɨuka chupe reta; jare oeya reta iTumpa oyapo vaerä ikavimbae.

OSEAS 5:8

¡Pemoñee vecha kuimbae-räti Gabaa pe jare mimbɨ guasu Ramá pe! ¡Pemoñee mimbɨ ñeraro pegua Bet-avén pe! ¡Pekɨɨye Benjamín pegua reta!

OSEAS 9:15

YandeYa jei: “Gilgal pe oyapo reta opaete ikavimbae vae, joko güi amboɨpɨ aröɨro reta. Ikavimbae oyapo reta vae jeko pegua amombo retata chero güi; mbaetɨta ma aaɨu reta, echa opaete juvicha reta ipɨapochɨ yae.

AMÓS 4:4

“Pekua Bet-el pe peyoa peikuaa reve, pemoïru pepɨapochɨ Gilgal pe, peru ndeimbove yave mɨmba oyeyukata vae, jare pediezmo mboapɨ ara ñavo.

AMÓS 5:5

Agüɨye pekua Bet-el kotɨ ani Gilgal kotɨ, agüɨye pekua Beerseba kotɨ, echa Gilgal oyererajaukata ɨvɨ ambuae pe tembipɨɨrä jare Bet-el opata oyemboai.”

AMÓS 6:10

Jare metei tëtara oipɨɨ yave tëogüe güɨnoe vaerä, oapɨta o güi güɨnoe vaerä; jare jeita o jugua kotɨ oï vae pe: “¿Oime ye pa kia oï nde ndive?” Jae jeita: “Mbaetɨ.” Jare jeita chupe: “¡Nekïrii, mbaetɨ yandepuere ñaenɨi yandeYa jee!”

AMÓS 8:14

Samaria pegua tumpa-raanga reta omboete reta vae jei: ‘Dan iñemuña reta, oikove ko netumpa’, jare ‘Beerseba pegua tumpa-raanga reta’, jókuae reta ogüɨapita, ngaraa ye ma opüa reta.”

Efesios 5:11

Agüɨye etei peñemoïru pɨtumimbi pe yogüɨreko vae reta jembiapo pe, ërei pemboete ikavimbae ko jókuae reta jembiapo vae.

JOSUÉ 5:9

Jare yandeYa jei Josué pe: “Kuae rupi ambosɨrɨ pegüi Egiptoɨgua reta opuka omae peré vae.” Kuae jeko pegua jee Gilgal añave rupi.

JOSUÉ 7:2

Jaɨkue rupi Josué omondo kuimbae reta Jericó güi tëta Hai, Bet-avén iyɨpɨ pe oï vae pe, Bet-el güi kuaraɨ oëa kotɨ; jei chupe reta yogüɨraja vaerä omae jókuae ɨvɨ re. Jare jae reta opa yogüɨraja omae tëta Hai re.