OSEAS 4:14 - Biblia Guarani Tumpa Iñee

¹⁴ Ngaraa aiporarauka tayɨ reta pe iyaguasa pota jeko pegua ani taɨtatɨ reta pe, menda re oyuvanga jeko pegua, echa jae reta etei ko yogüɨraja kuña iyaguasa pota vae ndive jare kuña jeko kavimbae ndive; oyogüɨroyapakua vae rupi omee reta mbaemboete. ¡Jáeramo oñemokañɨtei tëta mbaetɨ arakuaa güɨnoi vae!

OSEAS 4:14 ပူးပေါင်းရင်းမြစ်များ

1 REYES 15:12

Echa opa güɨnoe omombo ɨvɨ güi kuimbae japicha ndive oasa vae rupi ombaemboete vae reta, jare opa vi oekɨ tumpa-raanga reta iñemuñagüe reta oyapogüe.

2 REYES 23:7

Omboai vi o reta, kuimbae reta oyogüɨroke rupi ombaemboete pɨpe vae yandeYa jo iyɨ́vɨri ñogüɨnoi vae, joko pe vi kuña reta oyapo asoya Asera peguarä.

PROVERBIOS 28:5

Kuimbae jeko kavimbae reta mbaetɨ etei oikuaa ikavi vae regua, ërei yandeYa reño oyeko vae reta oikuaa opaete mbaembae.

ISAÍAS 1:5

¿Maera pa jekuaeñoi peipota peiporara? ¿Jekuaeñota pa peyembopɨapochɨ? Opaetei peäka imbaerasɨ oï, jare opaetei pepɨa pe peiporara peï.

ISAÍAS 27:11

Ɨvɨra jäka yɨpi yave opë, jökorai yave, kuña reta omonoota oapɨ vaerä. Jökorai ko kuae tëta mbaetɨ iyarakuaa. Jáeramo ko, Tumpa jae reta iYapoa, ngaraa oiparareko omae jese reta.

ISAÍAS 56:11

Yaɨmba jɨ̈vɨatambae rami ko, maangarekoa mbae oikuaambae vae; opaete yogüɨreko ipɨa jemimbota reño, iyeupeguaräño mbae oeka reta.

DANIEL 12:10

Jeta vae reta oyetɨota, oñemotïiasɨta jare oñeñono teeta; jare iyoa vae reta jeieteñota oyapo mbaeyoa, metei ave iyoa vae reta ngaraa oikuaa, ërei yarakuaa katu vae reta oikuaata.

OSEAS 14:9

Yarakuaa katu vae jare oyeandu katu vae reta toikuaa kuae ñee: YandeYa jemimbota sɨmbi ko, jupi vae reta oguatata jokoropi, ërei ipɨapochɨ vae reta, oyepɨakata jokoropi.

OSEAS 4:1

Israel iñemuña reta, peyeapɨsaka yandeYa iñee re, echa jae oyoaka kuae ɨvɨ pe yogüɨreko vae ndive, echa kuae ɨvɨ pe mbaetɨ ma añete vae, oyoparareko vae, ani Tumpa oikuaa vae.

OSEAS 4:17

¡Efraín pegua reta itumpa-raanga pota yae! ¡Peeya!

OSEAS 5:4

Mbaetɨ oyemongeta reta oyepoepɨ vaerä iTumpa pe, echa aguasa reño yemongeta vae güɨnoi reta ipɨa pe, jare mbaetɨ oikuaa reta yandeYa.

AMÓS 2:7

Oyuvanga reta ipuerembae vae reta re, jare paravete vae reta güi güɨrova reta teko; metei kuimbae taɨ ndive güɨreko päve metei kuñatai, omongɨa reta cheree ikɨambae.

AMÓS 7:17

Jáeramo körai jei yandeYa: “Nderembireko oikota aguasa rupi kuae tëta guasu pe, nderaɨ reta jare nderayɨ reta omanota kɨsepuku pe, jare pe reta jare opaete Israel oyererajaukata tembipɨɨrä matɨ kuae peɨvɨ güi.”

NÚMEROS 25:3

jökorai oyemboya reta tumpa-raanga Baal-peor re; jare yandeYa iyarasɨ ikotɨ reta,

San Juan 8:43

¿Maera pa mbaetɨ peikuaa amombeu peve vae? Echa mbaetɨ peipota peyeapɨsaka cheñee re. Jáeramo mbaetɨ peikuaa.

Romanos 3:11

Mbaetɨ ko kia oikuaa Tumpa vae, mbaetɨ oeka Tumpa vae.

1 Corintios 6:16

¿Mbaetɨ pa peikuaa kuimbae oasa metei kuña iyaguasa pota vae ndive vae, oyeapo ko metei jete jae ndive vae? Echa Tumpa jei körai: “Mókoi reve toyogüɨreko metei ramiño.”

Efesios 4:18

echa iyemongeta oyembopɨtumimbi ma. Mbaetɨ güɨnoi reta tekove Tumpa omee vae, mbaetɨ oikuaa reta ipɨatäta ramo;

DEUTERONOMIO 23:17

Agüɨye toime metei ave kuña iyaguasa pota vae ani kuimbae japicha ndive oasa vae Israel iñemuña reta ipɨte pe.

Hebreos 12:8

Echa mbaetɨ yave pembosɨmbi, opaete taɨ reta oyapo rami, mbaragüe ko pe, taɨä ko jayave.