OSEAS 4:12 - Biblia Guarani Tumpa Iñee

¹² Chembae vae reta oparandu itumpa-raanga reta ɨvɨra pegua pe; jare jókuae ɨvɨra omboyevɨ suerte rupi. Echa ipɨa jese reteiño vae oyavɨuka chupe reta; jare oeya reta iTumpa oyapo vaerä ikavimbae.

OSEAS 4:12 ပူးပေါင်းရင်းမြစ်များ

2 REYES 17:7

Echa Israel pegua reta iyoa iYa Tumpa kotɨ, ɨvɨ Egipto güi güɨnoe vae, Faraón mburuvicha guasu Egipto pegua ipo igüɨ güi vae kotɨ, jare omboete reta tumpa ambuae reta,

2 CRÓNICAS 21:13

ërei remomoe mburuvicha guasu reta Israel pegua jeko, jare reyavɨuka Jerusalén pegua reta pe yandeYa kotɨ Acab iñemuña reta rami. Jaeramiño vi opa reyuka nderɨvɨ nderu iñemuña reta, jeko kavi tëi ndegüi vae reta.

SALMOS 106:39

jökorai, oyemongɨa reta oyapogüe pe, oñererokomegua reta aguasa pe rami jembiapo reta rupi.

SALMOS 73:27

Echa, oyembosɨrɨ ndegüi vae reta, omanota; nde remokañɨteita opaete oyembosɨrɨ ndegüi vae reta.

JEREMÍAS 10:8

Opaete tumpa-raanga reta yarakuaambae ko, mbaetɨ etei ko yarakuaa reta. ¡Jókuae tumpa-raanga reta ɨvɨra pegua mbaetɨ ipuere pemboe!

JEREMÍAS 2:27

echa metei ɨvɨra pe ave jei reta: ‘Nde ko cheru’, jare metei ita pe: ‘Nde ko chesɨ.’ Javoi cheve ikupe omee reta, mbaetɨ jova. Ërei ngatu, mbaesusere ou chupe reta yave, jei reta cheve: ‘¡Eyu orereepɨ!’

JEREMÍAS 23:13

Che aecha ñeemombeúa reta Samaria pegua, oyapo reta mbae ikavimbae yae vae chemboarasɨuka vaerä; omombeu reta Baal jee re mbae maratuta vae, jare chembae vae Israel iñemuña reta pe oyavɨuka reta.

EZEQUIEL 20:32

Jare ngaraa peiko jókuae peyemongeta rami.’ Echa pere: ‘Yaiko mo ïru tëtaguasu pegua reta rami, jae reta omboete ɨvɨra jare ita.’

EZEQUIEL 21:21

Echa mburuvicha guasu Babilonia pegua ojota tape jakambɨa pe, jókuae mókoi tape oyemboɨpɨa pe, oyembosuerte vaerä uvɨ rupi, oparandu itumpa-raanga reta pe jare mbaemɨmba ipɨagüe rupi oikuaa vaerä.

OSEAS 14:3

Asiria pegua reta ngaraa ipuere orereroasayepe, ngaraa vi orepuere rotekuarai kavayu re. Ngaraa ye ma roe ‘oretumpa’, mbae iä royapo orepo pe vae pe, oreYa, ndeño reiparareko tɨ̈reɨ.”

OSEAS 5:4

Mbaetɨ oyemongeta reta oyepoepɨ vaerä iTumpa pe, echa aguasa reño yemongeta vae güɨnoi reta ipɨa pe, jare mbaetɨ oikuaa reta yandeYa.

OSEAS 6:10

Israel pe aecha mbaembae ikavimbae yae vae; Efraín pegua reta oikomegua, Israel pegua reta oyemongɨa.

OSEAS 9:1

Israel pegua reta, agüɨye peyerovia; agüɨye pechäguariko peyerovia güi ïru tëta pegua reta rami, echa peyembosɨrɨ Tumpa güi vae, kuña imegua rami ko, ipöra yae peve trigo oyembopiriría rupi aguasa peyapo vae jepɨ peve vae.

LEVÍTICO 17:7

Jare agüɨye ye mo pemee mɨmba oyeyukagüe aña reta pe, pemboete jeko pegua peñererokomegua, kuae mborookuai jekuae avei pegua toiko peveguarä jare peñemuña reta peguarä.

LEVÍTICO 20:5

jayave che tayovaicho jókuae kuimbae kotɨ jare iñemuña reta kotɨ, jare amokañɨteita jëtara reta ipɨte güi opaete jae ndive yogüɨraja tumpa-raanga Moloc kotɨ vae ndive.

MIQUEAS 2:11

Oime yave kia imiari apu reve, jare jei: “Che tamoërakua peve ñee, vino re jare mbae oporombosavaɨpo vae re”; jókuae nunga toiko ñeemombeuarä kuae tëta pe.

HABACUC 2:19

¡Paravete, ɨvɨra pegua tumpa-raanga pe: “Epa” jei vae jare ita iñeembae pe: “Epüa” jei vae! ¿Ipuere pa mbae omombeu? ¡Mbaetɨ ko, echa mbaetɨ jekove, yepe tëi oñeova oro pe jare korepoti pe!

NÚMEROS 15:39

Jökorai, peecha jókuae peremimonde jopea yave, pemaendúa vaerä opaete mborookuai reta yandeYa omee peve peyapo vaerä vae re; jökorai agüɨye vaerä pemae pepɨa jare peresa jemimbota re, jare peñererokomegua pɨpe.

DEUTERONOMIO 31:16

Jayave yandeYa jei Moisés pe: “Remanota ma, jare kuae tëta oikomeguata tumpa ambuae kuae ɨvɨ pegua reta rupi, jókuae ɨvɨ yogüɨrajata yogüɨreko pɨpe vae pe; chereeya retata, omboaita morogüɨrökuavee päve ayapo jae reta ndive vae;

JUECES 18:5

Jayave jae reta jei chupe: —Eparandu Tumpa pe, kuae royu rojo vae jaekavita ra oreve.