OSEAS 4:11 - Biblia Guarani Tumpa Iñee

¹¹ Aguasa pota, jare vino jasɨ vae jare vino ipɨau vae oporombopɨajopa.

OSEAS 4:11 ပူးပေါင်းရင်းမြစ်များ

PROVERBIOS 20:1

Vino jare mbae oporombosavaɨpo vae, oporoapoasɨ katu yae ko jare oporogüɨrekorai vae ko; kia nunga vae ombaeyavɨ yave kuae reta jou vae jeko pegua, mbaetɨ ko iyarakuaa.

PROVERBIOS 31:4

Chemembɨ Lemuel, mbaetɨ ko ikavi mburuvicha guasu reta jare imborɨa reta jou vaerä vino jare mbae oporombosavaɨpo vae,

PROVERBIOS 6:32

¡Menda re oyuvanga vae mbaetɨ ko iyarakuaa! ¡Jökorai oiko vae, jae aeño ko oñemokañɨtei!

ECLESIASTÉS 7:7

Teko rai ombojopa yarakuaa vae, jare mbaemboepɨ vɨari güɨrokomegua jeko kavi.

ISAÍAS 28:7

Ërei kuae reta oyavɨ vi vino jeko pegua, mbae oporombosavaɨpo vae omombia iyemongeta kavi güi: Sacerdote jare ñeemombeúa reta oyembosavaɨpo, vino omombia reta iyemongeta kavi güi, oyemboesagüɨrɨuka reta mbae oporombosavaɨpo vae pe, osavaɨpo reve imiari mbae oasata vae re, osavaɨpo reve oporojäa reta.

ISAÍAS 5:12

Pearete pe oime arpa, ngitara, tambora, mimbɨ jare jeta vino; ërei mbaetɨ pemae yandeYa oyapogüe re, mbaetɨ pemae jembiapo reta re.

JEREMÍAS 23:13

Che aecha ñeemombeúa reta Samaria pegua, oyapo reta mbae ikavimbae yae vae chemboarasɨuka vaerä; omombeu reta Baal jee re mbae maratuta vae, jare chembae vae Israel iñemuña reta pe oyavɨuka reta.

OSEAS 4:12

Chembae vae reta oparandu itumpa-raanga reta ɨvɨra pegua pe; jare jókuae ɨvɨra omboyevɨ suerte rupi. Echa ipɨa jese reteiño vae oyavɨuka chupe reta; jare oeya reta iTumpa oyapo vaerä ikavimbae.

OSEAS 5:4

Mbaetɨ oyemongeta reta oyepoepɨ vaerä iTumpa pe, echa aguasa reño yemongeta vae güɨnoi reta ipɨa pe, jare mbaetɨ oikuaa reta yandeYa.

OSEAS 7:11

Pɨkasu mbaetɨ arakuaa güɨnoi rami ko Efraín, oiporu yemborɨ Egipto pe, javoi oyemboya Asiria re.

LEVÍTICO 10:9

“Peike tupao guakapi pegua pe nde jare nderaɨ reta ndive yave, agüɨye peu vino ani mbae oporombosavaɨpo vae, agüɨye vaerä pemano; mborookuai jekuae avei pegua toiko peñemuña reta pe,

San Lucas 21:34

Peyeandu, agüɨye vaerä pekaru reteiño jare pesavaɨpo, jare agüɨye vaerä peyemoambaeko mbaembae ɨvɨ pegua re. Agüɨye vaerä peparanoe ou oväe peve jókuae ara ikavimbae.

1 SAMUEL 25:36

Jare Abigail ou ime Nabal pɨri. Oecha jae oyapo arete mburuvicha guasu arete oyapo rami. Oyerovia katu oï jare osavaɨpo yae vi, jáeramo imiari chupe pɨareve pe ramo.