OSEAS 4:1 - Biblia Guarani Tumpa Iñee

¹ Israel iñemuña reta, peyeapɨsaka yandeYa iñee re, echa jae oyoaka kuae ɨvɨ pe yogüɨreko vae ndive, echa kuae ɨvɨ pe mbaetɨ ma añete vae, oyoparareko vae, ani Tumpa oikuaa vae.

OSEAS 4:1 ပူးပေါင်းရင်းမြစ်များ

1 REYES 22:19

Micaías jei ye vi: —Eyeapɨsaka yandeYa jeigüe re: Che aecha yandeYa oguapɨ oï iporookuaía pe, jare opaete iaraɨgua reta ñogüɨnoi iyɨ́vɨri, iyakatu kotɨ jare iyasu kotɨ.

SALMOS 81:9

Agüɨye enoi tumpa ambuae reta, agüɨye vi emboete tumpa ambuae reta.

ISAÍAS 1:10

Mburuvicha reta Sodoma pegua, peendu yandeYa iñee; mburuvicha reta Gomorra pegua, peyeapɨsaka ñaneTumpa iporookuai re.

ISAÍAS 1:18

YandeYa jei: “Peyu yayoaka. Yepe tëi peyoa reta pɨ̈taasɨ yae, ërei amotïasɨta iroɨ rami; ani temimonderä vae pɨ̈taasɨ vae rami yave, vecharaa tïi vae rami amotïasɨta;

ISAÍAS 28:14

Jáeramo, peyeapɨsaka yandeYa iñee re, pe, kuimbae oporoyóyai yóyai vae reta, kuae tëta Jerusalén juvicha reta.

ISAÍAS 34:1

Tëtaguasu reta, peyu peyeapɨsaka, opaete vae reta, peyeapɨsaka. Toyeapɨsaka ɨvɨ jare opaete pɨpegua reta, opaete oñemuña pɨpe vae reta.

ISAÍAS 34:8

Echa yandeYa iyepɨ iara ko, ou oväe año, oyepɨ vaerä Sión pe.

ISAÍAS 5:3

Jayave uvarupa iya jei: Añave, Jerusalén pegua reta, Judá pegua reta, pere, ¿kia pa güɨnoi teko, che pa ani cheuvarupa pa?

ISAÍAS 59:4

Mbaetɨ kia oñeapo jupi rupi, mbaetɨ vi kia oporojäa añetegüe rupi. Güɨrovia katu reta apu re, jare ñee añetembae re; ipurúa reta rami ikavimbae pe, jare omoë reta mbaeyoa.

ISAÍAS 59:8

Mbaetɨ peikuaa mbɨakatu re, mbaetɨ vi peiko jupi rupi. Pereko reta ikaviä etei; jókuae rupi yogüɨreko vae, mbaetɨ oväe mbɨakatu.

ISAÍAS 66:5

Pe, pemboete yandeYa iñee vae, peendu iñee: “Amogüe, kuae perëta pegua reta pemotareɨ vae, jare opa pemombo iyeugüi reta perovia cheré vae jeko pegua, jare jei reta: ‘Toyekuaa, yandeYa imbaemboetea, omee vaerä peve yerovia.’ Ërei, jae reta oñemomaraiukata opɨta.

JEREMÍAS 11:7

Peñemuñagüe reta anoe Egipto güi rupive, amombeu kavi voi chupe reta oendu katu vaerä che jae vae; jayave güive añave regua, jekuae avei amombeu chupe reta oendu vaerä che jae vae.

JEREMÍAS 19:3

Ere körai: ‘Judá pegua mburuvicha guasu reta jare Jerusalén pe peiko vae reta, peyeapɨsaka kuae ñee yandeYa Imbaepuere yae ete vae Israel iTumpa jei vae re: Aruta susere ikavimbae yae vae kuae ɨvɨ re, jare kia nunga vae oendu yave oipɨayuka eteita.

JEREMÍAS 2:4

Jacob iñemuña reta, opaete tëtara Israel iñemuña vae, peyeapɨsaka yandeYa iñee re.

JEREMÍAS 2:9

Jáeramo che peYa, jae: Pojäa vɨterita, jare vi perɨmɨmino reta ave.

JEREMÍAS 25:31

Jɨapugüe oyeenduta ɨvɨ iyapɨ kotɨ, echa yandeYa ojäata tëtaguasu reta, oenɨita ojäa vaerä opaete vae reta, omeeta jupimbae reta mano pe. Jei yandeYa.’ ”

JEREMÍAS 34:4

Ërei opaete kuae mbaembae oasa reve, eyeapɨsaka, Sedequías mburuvicha guasu Judá pegua, yandeYa jei vae re: Ngaraa remano kɨsepuku pe.

JEREMÍAS 4:22

YandeYa jei: “Tëta chembae vae yarakuaambae ko, mbaetɨ chekuaa. Jae ko cheraɨ reta oyemongetambae, mbaetɨ omae reta iyeupe vae; ikavimbae oyapo vaerä yarakuaa katu yae, ërei ikavi vae oyapo vaerä, mbaetɨ.”

JEREMÍAS 4:28

Ɨvɨ jare ara ipɨatɨtɨ yaeta. Echa jae ma ko, ngaraa ma aipoepɨ cheyemongeta; ayapo ma, ngaraa ma aja ye cheraɨkue kotɨ.

JEREMÍAS 5:4

Che jae cheyeupe: Yarakuaambae retaño ko mbaetɨ jeko kavi, echa mbaetɨ oikuaa reta yandeYa jemimbota regua jare iporookuai reta.

JEREMÍAS 51:5

echa yepe tëi Israel jare Judá iyoa chekotɨ, omotɨnɨe iɨvɨ mbaeyoa pe, ërei che, iYa Imbaepuere yae ete vae, iYoambae Israel pegua, mbaetɨ aeya reta.

JEREMÍAS 6:13

Opaete vae, michia güive okuakuaa vae pe, iyeupeguaräño imbaepotarai yae reta, ñeemombeúa reta jare sacerdote reta ave, opaetei oporombotavɨ vae reta ko.

JEREMÍAS 7:28

Ere körai: ‘Jae ko kuae tëtaguasu mbaetɨi oyapo iYa Tumpa jeigüe vae, mbaetɨ vi oipota oyeapo kavi. Jupi rupi yogüɨrekose vae opa okañɨ chugüi.’ ”

JEREMÍAS 9:20

Kuña reta, peyeapɨsaka yandeYa iñee re, peendu iñemoñee: Pemboe toyaeo pememɨkuña reta jare pevɨa-ïru reta körai:

JEREMÍAS 9:3

Oïndaivi iyapu reta vaerä, uvɨ oñemoïndaivi oñejäa vaerä vae rami. Kuae ɨvɨ pe jeiete apu, mbaetɨ añetete vae; jeiete yae ikavimbae vae oyapo reta; yandeYa jei: “Mbaetɨ oipota oikuaa reta cheregua.”

JEREMÍAS 9:7

Jáeramo che, peYa Imbaepuere yae ete vae, jae: Mbaetɨ ye mbae ayapo vaerä tëta chembae vae ndive, jaeño tata pe añonota ambokavi vaerä.

EZEQUIEL 16:35

Jáeramo, nde iyaguasa pota vae, eyeapɨsaka cheñee re:

OSEAS 12:2

YandeYa ojäata Judá pegua reta. Oiporaraukata Jacob iñemuña reta pe jeko oï reta rupi; oiporaraukata chupe reta teko oyapogüe re.

OSEAS 12:3

Jacob, ichɨ jɨe peve oipɨtapɨɨ tɨkeɨ, okuakuaa ma yave oñoïraro araɨgua ndive.

OSEAS 5:1

Sacerdote reta, peendu kuae; peyeapɨsaka Israel pegua reta; peyeapɨsaka mburuvicha jo pegua reta. Echa peveguarä kuae morojäa, echa pe reta peiko ñuai rami ɨvɨtɨ Mizpa pe, metei pɨsa rami ɨvɨtɨ Tabor pe,

OSEAS 5:4

Mbaetɨ oyemongeta reta oyepoepɨ vaerä iTumpa pe, echa aguasa reño yemongeta vae güɨnoi reta ipɨa pe, jare mbaetɨ oikuaa reta yandeYa.

JOEL 1:2

Tenondegua reta jare opaete kuae ɨvɨ pegua reta, peendu kuae: ¿Peara rupi ani peru reta iara rupi, oasa pa kuae nunga mbae?

AMÓS 3:1

Israel iñemuña reta, peendu kuae ñee yandeYa jei pekotɨ vae, ɨvɨ Egipto güi güɨnoegüe reta kotɨ, jei körai:

AMÓS 7:16

Eendu mo yandeYa iñee. Ërei nde rere añave: “Agüɨye emombeu Tumpa iñee jei Israel kotɨ vae re, jare agüɨye emoë neñee Isaac iñemuña reta kotɨ.”

MIQUEAS 6:2

Ɨvɨtɨ guasu reta jare ɨvɨ iguapɨka reta: Peendu yandeYa iporojäa; echa yandeYa oime güɨnoi yoaka imbae vae reta ndive, oñono kavita teko Israel iñemuña reta ndive.

San Juan 8:55

Ërei pe reta mbaetɨ peikuaa Tumpa, ërei che aikuaa. Che jae yave mbaetɨ aikuaa, cheaputa tëi ko pe reta rami. Ërei aikuaa ko, jare ayapo jei cheve ayapo vaerä vae.

Romanos 1:28

Jae reta oipotaä oikuaa Tumpa regua ramo, jae omboeterenga reta yemongeta ikavimbae pe, oyapo reta vaerä agüɨyeta tëi oyapo vae.

1 Corintios 15:34

Pemae kavi, agüɨye peyoa. Echa amogüe pe reta mbaetɨ peikuaa Tumpa. Kuae jae peve pemara vaerä.

Apocalipsis 2:11

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae, ngaraa etei oiporara mano mokoía.’

Apocalipsis 2:29

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re.’