OSEAS 3:5 - Biblia Guarani Tumpa Iñee

⁵ Kuae jaɨkue rupi yogüeru retata Israel iñemuña reta jare oekata iYa Tumpa jare juvicha guasu David. Ara taɨkuegua pe, oipoɨu retata omboete reve iYa Tumpa güi iporerekua jese reta vae.

OSEAS 3:5 ပူးပေါင်းရင်းမြစ်များ

1 REYES 12:16

Jare opaete tëta pegua reta oecha mburuvicha guasu mbaetɨ oendu chupe reta yave, jei reta chupe kuae ñee: “¡Mbaetɨ etei ko mbae rogüɨnoi David re! ¡Mbaetɨ etei ko rogüɨnoi mbae ave Isaí taɨ re! ¡Israel iñemuña reta, pekua pero ae ae kotɨ! ¡David iñemuña reta, toyangareko iyé aeño!” Jayave Israel iñemuña reta ñavo yogüɨraja jo ae ae kotɨ.

ISAÍAS 17:7

Jókuae ara kuimbae omaeta Iyapoa re, omaeta Iyoambae Israel pegua re.

ISAÍAS 2:2

Ara taɨkuegua rupi, ɨvɨtɨ yandeYa jo oï jese vae, oïta kuri opaete ɨvɨtɨ reta itenondeguarä, jare oyembotuicha yaeta opaete vae ɨvɨtɨ reta güi, jare opaete tëtaguasu reta yogüeruta ikotɨ;

ISAÍAS 2:3

jeta vae yogüeruta ketɨ ketɨ güi, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä kërai yaiko vaerä, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

ISAÍAS 60:5

Reechata jare reyerovia yaeta, nepɨakañɨ yaeta; echa güeru retata ndeve mbaeyekou reta tëtaguasu reta ɨguasu jembeɨ rupigua güi, güeru retata ndeve ïru tëtaguasu reta imbaeyekou reta.

ISAÍAS 9:13

Ërei kuae tëta mbaetɨ oyerova inupaa kotɨ; mbaetɨ oeka reta yandeYa Imbaepuere yae ete vae.

JEREMÍAS 23:5

YandeYa jei: “Mase, oväeta ara amopüa vaerä David iñemuña güi, metei jupi vae, jae oikota mburuvicha guasurä yarakuaa katu reve, jare jae ikavi yaeta, jare oyapota morojäa jare jupi vae kuae tëtaguasu pe.

JEREMÍAS 30:24

YandeYa iyarasɨ ngaraa oasa, jae oipota vae, opa oyapo regua. Oväeta ara peikuaa vaerä kuae mbaembae reta.

JEREMÍAS 30:9

Oyeokuai retata che iYa, Tumpa pe, jare David iñemuña amopüata juvicha guasurä vae pe.”

JEREMÍAS 33:17

Che, ndeYa jae: Ngaraa oata David iñemuña güi metei oguapɨ vaerä mburuvicha guasurä Israel pe.

JEREMÍAS 33:9

Jare Jerusalén oïta cheve yerovia katurä, mbaemboete jare yemboete pegua opaete tëtaguasu reta ɨvɨ pegua jóvai. Jare jae reta oikuaa che amee opaete mbae ikavi vae Jerusalén pegua reta pe yave, orɨrɨi retata okɨɨye güi.”

EZEQUIEL 16:63

Nemaenduata jare nemarata, jare ngaraa ye ma neñee remoë, nemara jeko pegua, cheɨ̈ro ma yave ndeve opaete reyapogüe re. Che ndeYa jae.”

EZEQUIEL 38:16

Reporepeñata chembae vae reta Israel re, amapɨtu oyasoi ɨvɨ ramita reñova ɨvɨ. Köraita oiko ara iyapɨ rupi: Rogüeruta reporepeña cheɨvɨ re, tëtaguasu reta chekuaa vaerä, ayemboyekuaa ma yave nderupi Gog.’

EZEQUIEL 38:8

Kuae güire ɨma pe Tumpa ndeokuaita reporepeña vaerä ɨvɨ ñeraro güi oasayepe vae re, ketɨ ketɨ ïru ɨvɨ güi oyereru vae reta re, ɨvɨtɨ reta Israel pegua re ñogüɨnoi vae, tëta oyemboai avei vae; ërei oñerenoeuka tëtaguasu reta güi, jare opaete jae reta yogüɨreko pɨagüive vae re.

DANIEL 10:14

Ayu aikuaauka vaerä ndeve kërai nerëta oasata kuri vae; echa jókuae reecha vae, jókuae ara rupi oyeapo vaerä ko.’

DANIEL 2:28

Ërei oime metei Tumpa ara pe, jae oechauka yaikuaambae vae, jae ko oikuaauka nde mburuvicha guasu Nabucodonosor pe mbaembae ko oasata kuri vae. Mase, kuae ko jae ndepaɨu, nderupa pe reï yave reecha vae reta.

OSEAS 1:11

Jayave oyomboatɨta Judá jare Israel pegua reta, jare oiparavo retata meteiño mburuvicha, jare ketɨ ketɨ güi oyerova reta yeta iɨvɨ pe. ¡Echa Jezreel iara ikavi yaeta ko!

OSEAS 11:10

Jae reta oguatata yandeYa jaɨkue, jare jae oñeeta yaguapope rami. Oñeeta, jare imbae vae reta yogüeruta orɨrɨi reve kuaraɨ oikea kotɨ güi.

OSEAS 5:15

Aja yeta aïa pe, jae reta oikuaa regua iyoa ko vae, yogüeru regua chereeka. ¡Oiporara reta ñogüɨnoi yave, chereekata!”

OSEAS 5:6

Ivecha reta reve jare iguaka reta reve yogüɨrajata oeka yandeYa, ërei ngaraa oväe reta chupe, echa jae osɨrɨ chugüi reta.

OSEAS 6:1

Peyu jare yayerova ye yandeYa kotɨ; echa jae yandemboai, ërei jae ñaneñono kavi yeta, jae yandembopere, ërei jae ñanepoanota.

AMÓS 9:11

“Jókuae ara rupi che amopüata David jo oagüe, jare oyeka yekagüe ayapeteta; amopüa yeta osururugüe, ayapo yeta arakae rami,

MIQUEAS 4:1

Ara taɨkuegua rupi ɨvɨtɨ, yandeYa jo oï jese vae, oïta kuri opaete ɨvɨtɨ reta itenondeguarä, ɨvate yaeta opaete vae ɨvɨtɨ reta güi, jare opaete vae tëta yogüeruta ikotɨ.

NÚMEROS 24:14

Aja yeta cherëta kotɨ, ërei tamombeu voi ndeve këraita kuae tëta oyapo kuri nerëta vae.

Romanos 11:25

Cherɨvɨ reta, aipota peikuaa yaikuaambae vae regua, agüɨye vaerä peyemboete peyé. Jae ko kuae: Amogüe Israel pegua reta ipɨatäta vae, jaeño oikota judiombae vae reta opaete oporogüɨroviata vae oporogüɨrovia regua;

Romanos 2:4

Reröɨro Tumpa ipɨakavi jare ipɨaguasu yae ndeve vae. ¿Mbaetɨ pa reikuaa ipɨakavi ko ndeve, reeya vaerä ikavimbae ndepɨa pe oï vae?

DEUTERONOMIO 4:30

Peï yave mbɨatɨtɨ pe, perupitɨ yave opaete kuae mbaembae, jare taɨkue rupi peyerova ye yave yandeYa Tumpa kotɨ, jare peendu yave iñee jeigüe;