OSEAS 3:4 - Biblia Guarani Tumpa Iñee

⁴ Echa ɨma rupi Israel iñemuña reta yogüɨrekota juvicha guasumbae, itenondeguambae ngaraa ma omee mɨmba oyeyukagüe, ngaraa ma oime mbae iä, ngaraa ma sacerdote reta omonde temimonde sacerdote pegua, ngaraa ma oime o rupigua tumpa-raanga reta.

OSEAS 3:4 ပူးပေါင်းရင်းမြစ်များ

GÉNESIS 31:19

Jare Labán ojo oñapi ivecha reta ramboeve, Raquel oñomi tu itumpa-raanga reta.

GÉNESIS 31:34

Raquel oipɨɨ jókuae tumpa-raanga oñono camello regua apero igüɨ pe jare oguapɨ jese; jare Labán oeka tëi opaete o guakapi pegua rupi, jare mbaetɨ oväe.

GÉNESIS 49:10

Judá güi ngaraa kia ipuere opɨ̈ro mbaepuere, ngaraa vi ipo pegua oro pegua vae ave, ou regua Siloh, jókuae ipo pegua oro pegua iya, chupe opaete vae omeeta mbaemboete.

2 SAMUEL 6:14

David omonde güɨreko metei temimonde iyɨvambae sacerdote pegua pe lino pegua, jare güɨropo tätagüe yandeYa jóvai,

2 REYES 23:24

Josías opa vi oyuka imbaekuaa vae reta, maratuta vae imombeúa reta, opa vi omboai tumpa-raanga o rupigua reta, ïru tumpa-raanga reta, opaete mbaembae pɨ̈chɨigüe oime Judá pe, jare Jerusalén pe vae. Oyapo ombopo vaerä Sacerdote Hilcías oväe yandeYa jo pe tembikuatía mborookuai oï pɨpe vae pe jei vae.

2 CRÓNICAS 15:2

jare oë oövaiti Asa, jei chupe: “¡Peyeapɨsaka cheré Asa, Judá jare Benjamín pegua reta! YandeYa oïta pe reta ndive pe reta peï yave jae ndive. Pe reta peeka yave peväeta chupe, ërei peeya yave jae pereeyata vi.

ÉXODO 28:4

Toyapo reta kuae nunga temimonde reta: Pɨtía regua, temimonde iyɨvambae, ñeapevaka, temimonde oyekuatiagüe, äka-ɨru jare kuakuaa. Körai toyapo reta jókuae temimonde reta ikavi yae vae nderɨkeɨ Aarón peguarä jare taɨ reta peguarä, yogüɨreko vaerä chesacerdoterä.

ÉXODO 28:6

Toyapo reta temimonde iyɨvambae oro pegua, vecharaagüe inimbo jovɨ vae, pɨ̈taü vae, pɨ̈taasɨ vae jare lino oñepövagüe pegua, ipoki ombaapo vae jembiapo,

LAMENTACIONES 2:9

Jöke reta jare iyokendaka reta opa oyemboai, ¡jare opa oyeitɨ ɨvɨ rupi! Juvicha guasu jare mburuvicha reta ñogüɨnoi, tëtaguasu reta mbaetɨ güɨnoi Tumpa iporookuai vae ipɨte rupi. ¡Ñeemombeúa reta ave mbaetɨ ma oecha mbae yandeYa güi!

EZEQUIEL 19:14

Iyɨpɨ güi oë tata, opa oapɨ jäka jare ia reta, mbaetɨ etei opɨta jäka ipoguasugüe mburuvicha guasu reta ipo peguarä.’ ” Jae kuae tairari yaeo pegua, jare yaeo peguarä toyeporu.

EZEQUIEL 20:32

Jare ngaraa peiko jókuae peyemongeta rami.’ Echa pere: ‘Yaiko mo ïru tëtaguasu pegua reta rami, jae reta omboete ɨvɨra jare ita.’

EZEQUIEL 21:21

Echa mburuvicha guasu Babilonia pegua ojota tape jakambɨa pe, jókuae mókoi tape oyemboɨpɨa pe, oyembosuerte vaerä uvɨ rupi, oparandu itumpa-raanga reta pe jare mbaemɨmba ipɨagüe rupi oikuaa vaerä.

EZEQUIEL 21:31

Aitɨta nderé chearasɨ, metei tata jendɨ yavaete vae rami; romeeta kɨɨyea yae reta jare ipïrimbae oporomboai vae reta ipo pe.

DANIEL 11:31

Isundaro reta mbaetɨ eteita omboete o mbaemboetea jare ikësea, oyopia reta agüɨye vaerä ma oñemee mɨmba oyeyuka oñemee ara ñavo vae jare oyapo retata joko pe ikavimbae yae vae.

DANIEL 12:11

Mil dosciento noventa ara oasata oyeopia güire mɨmba oyeyuka oñemee ara ñavo vae, mbae ikavimbae yae oyeapo vae ou regua oväe.

DANIEL 9:27

Metei semana vae re jae oyapota metei morogüɨrökuavee päve jeta vae ndive; ërei semana mbɨte rupi oyopiata agüɨye vaerä ma oyeapo mɨmba oyeyukagüe jare mbota reta oñemee vae. Ikavimbae yae vae oyeapota tupao pe, ou regua oväe kañɨtei ikavimbae yae vae iyapoa re.’ ”

OSEAS 13:10

¿Ketɨ pa oime oï peruvicha guasu, pereroasayepe vaerä opaete perëta guasu reta ndive? ¿Ketɨ pa oime ñogüɨnoi peruvicha reta, chupe reta peiporu mburuvicha guasu jare mburuvicha reta vae?

OSEAS 13:11

Amee peruvicha guasu chearasɨ reve, jare apɨ̈ro ye pegüi chearasɨ reve.

OSEAS 2:11

Amboapɨta iyerovia katu, iarete reta, yasɨ pɨau pegua arete reta, ara mbutuu pegua reta jare opaete apirai iara reta.

LEVÍTICO 8:7

Jare omboyemonde Aarón, jare oumbɨkua kuakuaa pe jaɨkue rupi omoñeapeva ñeapevaka pe, jare omboyemonde temimonde iyɨvambae pe, jare oumbɨkua kavi kuakuaa oï jese vae pe.

ZACARÍAS 10:2

Echa tumpa-raanga reta iñee mbaetɨ ko añetete, jare maratuta vae imombeúa reta oecha apu, ipaɨu re imiari jare oporombopɨakatu jaanga; jáeramo tëta, vecha oikoiño vae rami, oiporara, echa mbaetɨ iyangarekoa.

ZACARÍAS 13:2

YandeYa Imbaepuere yae ete vae jei: Jókuae ara amboaita tumpa-raanga reta jee, jare ngaraa ye ma kia imaendúa jese. Amboaita vi ɨvɨ güi ñeemombeúa reta jare espíritu ikavimbae pegua.

San Lucas 21:24

Jare oimeta oyeyukauka kɨsepuku pe vae. Jare oyererajata tembiokuairä opaete tëtaguasu reta rupi, jare judiombae vae reta omboaita Jerusalén, jae reta iara opa regua.”

San Juan 19:15

Jayave jae reta osapúkai reve jei: —¡Tomano, tomano! ¡Eikutuuka kurusu re! Pilato oparandu chupe reta: —¿Aikutuukata pa peruvicha guasu kurusu re? Jayave sacerdote reta itenondegua reta jei: —Jaeño ko César oreruvicha guasu.

Hebreos 10:26

Echa yandeyoa yave ñanekɨ̈reɨ reve añete vae yaikuaa güire, mbaetɨ ye ma kia oñemee vaerä mbaeyoa reta re;

JUECES 17:5

Micaía güɨnoi tumpa-raanga reta jenda, jare oyapo temimonde iyɨvambae jare mbae iä reta jare ombojee metei taɨ reta güi sacerdoterä.

JUECES 18:14

Jayave jókuae pandepo yogüɨraja oikuaa ɨvɨ Lais vae reta jei jëtara reta pe: —¿Peikuaa pa kuae pe oime mbae vae? Kuae pe oime temimonde iyɨvambae jare tumpa reta mbae iä oñeopa vae jare korepoti oyemondɨkuigüe pegua. ¿Peyemongeta kavi mbae peyapo vaerä?

JUECES 8:27

Jókuae oro güi Gedeón oyapo tumpa-raanga, jare oñono Ofra pe, jae jëta pe, jare opaete Israel iñemuña reta yogüɨraja joko pe jókuae tumpa-raanga jeko pegua jare opia reta Tumpa güi; kuae rupi ou yemboavai Gedeón pe jare jo pegua reta pe.

1 SAMUEL 14:3

Jare temimonde iyɨvambae sacerdote pegua omonde vae jae ko Ahías, Ahitob taɨ, Icabod jiɨ, Ahitob jae ko Finees taɨ, Finees jae ko Elí yandeYa isacerdote Silo pegua taɨ. Jare mbaetɨ etei kia oikuaa ketɨ ojo Jonatán vae.

1 SAMUEL 15:23

Echa mbaekuaa rupi mbae maratuta vae re oikuaa vae iyoa rami ko ipɨapochɨ vae iyoa; tumpa-raanga omboete vae rami ko iñeereendumbae. Nde reröɨro yandeYa iñee jeko pegua, jae ñereröɨro vi agüɨye vaerä reiko mburuvicha guasurä.”

1 SAMUEL 2:18

Ërei kunumi raɨ Samuel oyeokuai yandeYa pe, oyemonde temimonde iyɨvambae sacerdote pegua pe lino pegua.

1 SAMUEL 21:9

Jare Sacerdote jei chupe: —Oime anoi Goliat filisteo ikɨsepukugüe, nde reyuka ɨvɨtɨ päu Ela pe vae. Oime oï temimonde iyɨvambae sacerdote pegua ikupe pe, oñeoma oï asoya pe. Jókuae ndepuere reraja echa mbaetɨ yé ïru anoi. Jayave David jei: —Emee cheve, echa mbaetɨ yé ïru jókuae nunga.

1 SAMUEL 22:18

Jayave mburuvicha guasu jei Doeg Edom pegua pe: —¡Nde eyuka kuae sacerdote reta! Jayave jae jókuae ara oyuka ochenta y cinco sacerdote.

1 SAMUEL 23:6

Abiatar, Ahimelec taɨ otekuarai ojo oñemoïru vaerä David ndive Keila pe yave, güɨraja ipo pe temimonde iyɨvambae sacerdote pegua.

1 SAMUEL 23:9

Ërei David oikuaa yave Saúl oyemongeta kaviä ikotɨ, jei sacerdote Abiatar pe, güeru vaerä temimonde iyɨvambae sacerdote pegua oparandu vaerä Tumpa pe.

1 SAMUEL 30:7

Jare David jei sacerdote Abiatar, Ahimelec taɨ pe: —Eru cheve temimonde iyɨvambae vae sacerdote pegua. Jare Abiatar güɨraja chupe jókuae temimonde.