OSEAS 3:1 - Biblia Guarani Tumpa Iñee

¹ YandeYa jei ye cheve: “Ekua ereko kuña iyaguasa pota vae yepe tëi jeko kavimbae. Jökorai che peYa Tumpa aaɨu Israel iñemuña reta, yepe tëi jae reta omboete tumpa ambuae, jare jou reta mbɨyape oyea uva oñemotinigüe ndive oñemee chupe vae.”

OSEAS 3:1 ပူးပေါင်းရင်းမြစ်များ

2 SAMUEL 6:19

Jare omee opaete vae Israel iñemuña reta pe, kuimbae ani kuña pe yepe metei mbɨyape, soo peraso jare metei ipe uva oñemotinigüe. Javoi opa ye yogüɨraja opaete vae jo ñavo kotɨ.

2 REYES 13:23

Ërei ngatu yandeYa güɨnoi mboroparareko ikotɨ reta, jare morogüɨrökuavee päve oyapo Abraham, Isaac, jare Jacob ndive jeko pegua mbaetɨ omokañɨtei jare mbaetɨ omombo iyeugüi; jökorai añave rupi mbaetɨ omokañɨtei.

1 CRÓNICAS 16:3

jare opaete Israel iñemuña kuimbae ani kuña reta pe omee, metei mbɨyape, metei peraso soo jare metei ipe uva oñemotinigüe.

NEHEMÍAS 9:31

Ërei ndeporoparareko yae jeko pegua mbaetɨ opa remokañɨtei reta, jare mbaetɨ vi reeya reta; echa nde ko Tumpa oyeaeä vae jare iporoparareko vae.

SALMOS 123:2

Mase, ko romae ndekotɨ oreYa Tumpa, tembiokuai omae iya rei rami, ani tembiokuai kuña omae iya kuña rei rami, jökorai roäro, nde oreparareko vaerä.

ÉXODO 32:6

Pɨareve pe opüa reta ndeimboveasɨ, jare omee reta mɨmba oyeyukagüe opaetei oyeapɨ vae jare mbota mbɨakatu pegua, javoi oguapɨ reta okaru, okau, jare opüa reta güɨropo.

CANTARES 2:5

¡Chemongaru uva oñemotinigüe pe, chemomɨ̈rata manzana pe, echa amanota ma roaɨu güi!

ISAÍAS 45:22

Opaete ɨvɨ pegua reta, perovia cheré peasayepe vaerä, echa che ko Tumpa, mbaetɨ yé ko ïru.

JEREMÍAS 3:20

Ërei metei kuña jeko kavimbae oeya ime rami, jökorai mbaetɨ ndereko ikavi cheve. Che peYa, jae.

JEREMÍAS 31:20

Tëta Efraín, jae ko cheraɨ aaɨu yae vae, jae ko cheraɨ chepɨa oyerovia yae jese vae. Añeengata chupe tëi reve, mbaetɨi cheakañɨ chugüi; chepɨa pe chemaendúa avei jese jare aiparareko yae. Che ndeYa ko jae kuae.

OSEAS 11:8

¿Maera pa roeyata, Efraín? ¿Maera pa romeeta tovaicho pe, Israel? ¿Maera pa ayapota ndeve tëta Adma rami, ani ramo Zeboim rami? ¡Chepɨatɨtɨ ko nderé, roaɨu yae ko!

OSEAS 2:5

Iyaguasa pota oyeapo ichɨ; mbaetɨ oyemboeteuka jei yave: ‘Taja taeka cheaguasa reta; tembíu jare ɨ, vecharaagüe jare lino, olivo iasaite jare kägüi omee cheve vae reta.’

OSEAS 4:11

Aguasa pota, jare vino jasɨ vae jare vino ipɨau vae oporombopɨajopa.

OSEAS 7:5

Yanderuvicha guasu iaño iara pe, mburuvicha reta ombosavaɨpo juvicha guasu ivino pe. ¡Javoi mburuvicha guasu oñemoïru oporoyóyai yóyai vae reta ndive!

AMÓS 2:8

Temimonde oyeeya mbae jepɨrä vae re oyapakua reta oipotagüe mɨmba oyeyuka oyeapɨ jese vae iyɨpɨ pe; jare itumpa reta jo pe jou reta vino, ombaemboepɨ jupimbae reve vae reta omeegüe.

AMÓS 6:6

peu vino tasa guasu pe, jare peipichɨ peyé mbae ikäti kavi vae, ¡jare mbaetɨ pepɨatɨtɨ José iñemuña reta isusere re!

MIQUEAS 7:7

Ërei ngatu, che, yandeYa reño amaeta, Tumpa chereroasayepe vae reño ayekota; jókuae cheTumpa ko chereenduta.

ZACARÍAS 1:16

Jáeramo, che ayerova Jerusalén kotɨ cheporoparareko ndive, joko pe chero amopüa pɨau yeta jare Jerusalén, jei yandeYa Imbaepuere yae ete vae.’ ”

San Mateo 26:50

Jesús jei chupe: —Chevɨa-ïru, ¿mbae jei vae pa reyapo? Jayave ïru reta oipɨɨ Jesús.

1 Corintios 10:21

Mbaetɨ ko jaekavi peu vino oyembojaanga yandeYa jugüɨ re vae jare vi vino aña reta pe oñemee vae. Jaeramiño mbaetɨ ko jaekavi peu mbɨyape oyembojaanga yandeYa jete re vae jare vi soo aña reta pe oñemee vae.

1 Corintios 10:7

Agüɨye petumpa-raanga pota jae reta rami, echa oyekuatía oï körai: “Oguapɨ reta okaru, okau, jare opüa reta güɨropo.”

1 Pedro 4:3

Peyapo ma ko ɨma rupi oporogüɨroviambae reta omomora vae; peiko yepi soo jemimbota reta rupi, savaɨpo rupi, oasa ete pekau jare pekaru vae rupi, kau rupi avei jare petumpa-raanga pota ikavimbae yae vae rupi.

JUECES 10:16

Jare Israel iñemuña reta oeya tumpa ambuae reta jare oyerova ye reta omee mbaemboete yandeYa pe; jare yandeYa mbaetɨ ma güɨropɨa Israel iñemuña reta oiporara ñogüɨnoi vae.

JUECES 9:27

kuae reta ñogüɨnoe oipoo uva ko pe jare oyapo reta vino, oyapo reta vi arete tuicha vae, oike okaru jare okau reta itumpa-raanga reta jo pe, jei reve ñee kavimbae Abimelec kotɨ.