OSEAS 2:8 - Biblia Guarani Tumpa Iñee

⁸ Ërei jae mbaetɨ oikuaa che ko amee chupe trigo, vino jare olivo iasaite vae; che ko amoïru korepoti jare oro, pɨpe oyapo reta itumpa-raanga Baal vae.

OSEAS 2:8 ပူးပေါင်းရင်းမြစ်များ

1 CRÓNICAS 29:16

‘¡OreYa Tumpa, opaete kuae mbaeyekou roñono kavi tupao oñemopüa vaerä nde nderee re vae, ndembae ko jare ndegüi ougüe katuai ko!

JOB 19:8

Tumpa oikëse cherape chegüi, agüɨye vaerä aasa, cherape ombopɨtumimbi chegüi.

ISAÍAS 1:3

Güeye oikuaa iya, jare mburika oikuaa ikarúa rɨru iya imbae; ërei Israel tëta chembae vae mbaetɨ chekuaa jare mbaetɨ yarakuaa.”

ISAÍAS 46:6

Amogüe reta güɨnoe oro jɨru güi ani ojäa korepoti mbaejäaka pe, javoi oyókuai metei ipoki korepoti pegua mbaravɨkɨ oyapo vae, oyókuai oyapo vaerä itumparä; javoi oyetavatɨka omboete.

JEREMÍAS 7:18

Michia reta güeru yepea tu pe jare tu reta oyatapɨ, kuña reta omboípɨu trigokúi mbɨyaperä omee vaerä mbota tumpa-raanga ara pegua Mburuvicha kuña pe oenɨi jae reta vae. Omee reta vi mbota vino oyepɨyere vae tumpa ambuae reta pe, chemboarasɨuka vaerä.

EZEQUIEL 23:41

javoi oguapɨ reta metei tupa kavi pe, jare mesa pe oñono reta ikäti kavi vae incienso jare olivo iasaite oñeñono tee cheve vae.

DANIEL 3:1

Mburuvicha guasu Nabucodonosor oyapouka metei mbae iä oro pegua vae, ɨvategüe güɨnoi treinta metro, jare jete ipɨgüe mboapɨ metro; omopüauka ɨvɨpe kavi Dura jee vae pe, ɨvɨ Babilonia pe.

DANIEL 5:23

ërei cheYa ara pe oï vae kotɨ reyembopɨapochɨ, jare reruruka nderóvai vaso reta Tumpa jo pegua, nde jare ndeɨvɨrigua mburuvicha reta, nderembireko reta jare kuña rerekoiño vae reta ndive rekau pɨpe; jare kuae güire, remboete tumpa reta korepoti pegua, oro pegua, jiero iyu vae pegua, jiero pegua, ɨvɨra pegua jare ita pegua; jókuae omaembae reta, oendumbae reta, yarakuaambae reta; jare Tumpa jae ipo pe nderekove oï vae jare opaete reyapogüe reta jese oiko vae mbaetɨ remboete.

OSEAS 10:1

Israel ko uvarupa ikavigüe rami, jeta ia iyeupeguaräño; ia jeta rami omopüa reta vi mɨmba oyeyuka oyeapɨ jese vae; iɨvɨ ikavi yae rami, ombokavi vi itumpa-raanga reta.

OSEAS 13:1

Efraín pegua reta imiari yave, ïru ñemuña Israel pegua reta okɨɨye; ërei opa okañɨtei reta Baal omboete jeko pegua.

OSEAS 13:2

¡Ërei jeseve jeieteño iyoa reta! Ikorepoti omondɨkui reta oyapo vaerä itumparä mbae iä, ipoki mbae oyapo vae oipota oyapo rami. Javoi jei reta: “¡Pemee mɨmba oyeyukagüe chupe!” Jare oovapɨte reta jókuae toro taɨrusu iä.

OSEAS 2:5

Iyaguasa pota oyeapo ichɨ; mbaetɨ oyemboeteuka jei yave: ‘Taja taeka cheaguasa reta; tembíu jare ɨ, vecharaagüe jare lino, olivo iasaite jare kägüi omee cheve vae reta.’

OSEAS 4:11

Aguasa pota, jare vino jasɨ vae jare vino ipɨau vae oporombopɨajopa.

OSEAS 8:4

Pemboguapɨ peruvicha guasu retarä, ërei mbaetɨ che aiparavogüe; peñono peruvicha retarä, ërei che mbaetɨ aikuaa. Pekorepoti jare peoro peyapo petumpa-raangarä, pe reta aeño peñemokañɨtei.

HABACUC 1:16

Jáeramo yeporaka regua omboete yae ipɨsa jare ipinda, omee mɨmba oyeyuka vae jare oapɨ ikäti kavi vae incienso omboete jeko pegua; echa jókuae rupi güɨnoi jou vaerä tembíu ikavigüe ikɨra kavi vae.

San Lucas 15:13

Jayave mbovɨ ara rupi taɨ taɨkuegua vae opa omboatɨ imbaembae jare ojo mombɨrɨ ambuae ɨvɨ pe. Joko pe opa omokañɨtei iyeugüi opaete imbaembae, iyapirai reteiño vae rupi.

Romanos 1:28

Jae reta oipotaä oikuaa Tumpa regua ramo, jae omboeterenga reta yemongeta ikavimbae pe, oyapo reta vaerä agüɨyeta tëi oyapo vae.

DEUTERONOMIO 8:18

Jaeño pemaendúa yandeYa Tumpa re, echa jae ko omee peve mbaepuere penoi vaerä mbaeyekou, jökorai oyembopo vaerä morogüɨrökuavee päve oyapo jee re peñemuñagüe reta pe vae, añave rupi rami.

JUECES 9:27

kuae reta ñogüɨnoe oipoo uva ko pe jare oyapo reta vino, oyapo reta vi arete tuicha vae, oike okaru jare okau reta itumpa-raanga reta jo pe, jei reve ñee kavimbae Abimelec kotɨ.