OSEAS 2:7 - Biblia Guarani Tumpa Iñee

⁷ Ojota iyaguasa reta jaɨkue, ërei ngaraa oupitɨ; oeka tëita, ërei ngaraa oväe chupe. Jayave jeita: ‘Taja ye tenondegua cheme pɨri, echa jókuae ndive ikavi aiko añave vae güi.’

OSEAS 2:7 ပူးပေါင်းရင်းမြစ်များ

2 CRÓNICAS 28:23

echa omee mɨmba oyeyukagüe Damasco pegua reta itumpa reta pe, omoamɨriuka vae reta pe. Echa oyemongeta Siria pegua mburuvicha guasu itumpa reta omborɨ ko vae, jáeramo jae oyemongeta omborɨta vi ko jae omee chupe yave mɨmba oyeyukagüe. Ërei kuae oyapo jeko pegua ko jae ou iñamɨri jare opaete Israel iñemuña reta.

SALMOS 116:7

Añave chepuere ma aiko pɨagüive ye, echa yandeYa ipɨakavi chekotɨ;

ISAÍAS 30:16

jaeño pere: “Ani, rotekuaraita ko kavayu re.” Petekuaraita ko jökorai, añete. Pere vi: “Ropota kavayu reta iñäkua vae re.” Ërei peraɨkuemoña vae reta iñäkua yaeta vi ko.

JEREMÍAS 14:22

¿Oime pa kia nunga tëtaguasu reta itumpa-raanga reta güi ipuere omongɨ vae? ¿Ara ombou pa ama iyeugüi aeño? ¡Mbaetɨ ko, cheYa Tumpa! Nde ko rembou, nde ko jae opaete kuae mbaembae iyapoa. ¡Jáeramo royeko ndereño!

JEREMÍAS 2:2

“Ekua nemiari tëta guasu Jerusalén pe, ere: ‘¡Körai jei yandeYa! Chemaendúa ndetaɨrusu yave, reiko jupi rupi cheróvai vae re, cheraɨu, omenda ramo vae ime oaɨu yae rami, reguatase che ndive ñuu rupi, jókuae ɨvɨ mbaetɨ etei oñemaetɨa pe.’

JEREMÍAS 2:28

Judá, ¿ketɨ pa oime tumpa-raanga reta reyapo ndeyeupe vae? ¡Topüa reta, yaecha ra ipuere reta ndereepɨ ou yave ndeve mbaesusere! Echa, ¡jeta yae tumpa-raanga renoi, tëta guasu reta jeta yae renoi rami!

JEREMÍAS 2:36

¿Maera pa ndeandeko yae reñemoïru vaerä? Egipto ombaeyavɨta vi ko ndeve, Asiria ombaeyavɨ ma ndeve rami.

JEREMÍAS 3:1

YandeYa jei: “Metei kuimbae omombo yave jembireko, javoi jókuae kuña ojo omenda ïru kuimbae ndive yave, tenondegua ime ngaraa ma güɨreko ye. ¡Jókuae nunga, ikavimbae yae ko kuae tëtaguasu peguarä! Ërei ngatu nde, Israel, jeta yae ko ndeaguasa, ërei ¡añave peyerova ye chekotɨ! Che ndeYa jae kuae.

JEREMÍAS 31:18

Aendu tëta Efraín oyaeo jasɨ katu reve jei: ‘Che, metei toro taɨrusu imasombae rami yepi, ërei nde chenupa jare chemomaso; chemboyerova ye ndekotɨ, echa nde jae cheYa Tumpa.

JEREMÍAS 31:32

Mbaetɨ peñemuñagüe reta ndive morogüɨrökuavee päve ayapo rami, jókuae ara aipoko anoe ɨvɨ Egipto güi rami; echa cheporogüɨrökuavee päve mbaeä etei chupe reta, yepe tëi che ko jae reta ime rami. Che peYa ko jae kuae.

JEREMÍAS 44:17

Royapoñota roñererökuavee ma royapo vaerä vae. Roapɨta ikäti kavi vae incienso jare mbota vino oyepɨyere vae oretumpa ara pegua Mburuvicha kuña jee vae pe, añave rupi royapo roiko rami, jare tenonde rupi oreñemuñagüe reta, oreruvicha guasu reta jare tëta ruvicha reta Judá pegua jare kaye Jerusalén pegua rupi oyeapose rami. Jayave rogüɨnoise jeta tembíu, ikavi roiko jare mbaetɨ etei ou mbae nunga susere oreve;

EZEQUIEL 16:18

Reipɨɨ nderemimonde ipöra vae jare remboemimonde pɨpe, chembae asaite jare ikäti kavi vae incienso reñono jóvai reta.

EZEQUIEL 16:8

Aasa ye ndeɨpɨ rupi yave, roecha rekuakuaa ma jare reñemokuña ma; jare cheñeapevaka pe roñova nenandi reï vae; añererökuavee ndeve jare ayapo morogüɨrökuavee päve nde ndive, jökorai reiko chembaerä. Che ndeYa Tumpa jae.

EZEQUIEL 20:32

Jare ngaraa peiko jókuae peyemongeta rami.’ Echa pere: ‘Yaiko mo ïru tëtaguasu pegua reta rami, jae reta omboete ɨvɨra jare ita.’

EZEQUIEL 23:12

Iporopota jëta iyɨpɨ pegua Asiriaɨgua reta re, mburuvicha reta oyemonde kavi jare jembiporu ñeraro pegua ikavigüe, kavayu regua reta ko, opaete jae reta taɨrusu jare maepöra.

EZEQUIEL 23:22

Jáeramo, che ndeYa Tumpa jae körai: Amboarasɨukata ndeaguasa reta ndekotɨ, reyuguaru chugüi vae reta. Oipota rupi güi ambouta ndekotɨ,

EZEQUIEL 23:4

Tenondegua jee Ahola, jae ko Samaria, jare ipɨkɨɨ jee Aholiba, jae ko Jerusalén. Kuae reta ndive che amenda, jare imembɨ reta cheve.

DANIEL 4:17

Kuae yemongeta oë ikotɨ vae araɨgua omaangareko vae reta güi ko, jókuae iyoambae reta güi, opaete oikove vae reta oikuaa vaerä Tuichagüe yae ete vae ko güɨnoi mbaepuere kuimbae reta iporookuaía re, echa jae omee kia nunga vae pe oipota omee yave, oñono mburuvicharä mbaeä etei kuimbae reta ipɨte pe vae.

DANIEL 4:25

Ndemombo retata kuimbae reta ipɨte güi, jare reikota mɨmba reta ñana rupigua ndive, jare ñana kaa rupigua reuta guaka reta rami, jare ɨsápɨi pe neäkɨta; jare jökorai reikota chiu año, reikuaa regua Tuichagüe yae ete vae ko güɨnoi mbaepuere kuimbae reta iporookuaía re, jare jae omee mborookuaía kia nunga vae pe oipota omee yave.

DANIEL 4:32

jare kuimbae reta ipɨte güi ndemombo retata, jare mɨmba reta ñana rupigua ndive reikota, jare guaka reta rami ndemongaru retata; jökorai chiu año reikota, reikuaa regua kërai Tuichagüe yae ete vae ko güɨnoi mbaepuere kuimbae reta iporookuaía re jare jae omee mborookuaía kia nunga vae pe oipota omee yave.”

DANIEL 5:21

Jare oyemombouka kuimbae reta ipɨte güi, jare ou ipɨa opɨta mɨmba reta rami, jare oiko mburika reta ñanaɨgua ndive. Ñana jou guaka rami, jare ɨsápɨi opa jete omoäkɨ, oikuaa regua Tumpa Tuichagüe yae ete vae ko güɨnoi mbaepuere kuimbae reta iporookuaía re, jare jae omee mbaepuere ikɨ̈reɨ omee vae pe.

OSEAS 1:2

YandeYa omboɨpɨ imiari Oseas rupi, körai jei chupe: “Ekua, ereko metei kuña iyaguasa pota vae, jare toime nderaɨ reta jae ndive; jökorai jae reta toyogüɨreko iyaguasa pota vae imembɨrä; echa kuae tëta iyaguasa pota rami chegüi.”

OSEAS 13:6

Ërei pe reta jeta tembíu penoi yave, peyembotuicha jare peakañɨ chegüi.

OSEAS 14:1

¡Israel, eyerova ye ndeYa Tumpa kotɨ, echa ndeyoa jeko pegua regüɨapi ma!

OSEAS 2:16

YandeYa jei: Jókuae ara rupi, chereenɨita ‘Ishi’, ngaraa ye ma pere cheve ‘Baali’.

OSEAS 5:13

Efraín oecha ma yave imbaerasɨ, jare Judá ipere okuerambae yave, Efraín ojota Asiria pe oiporu yemborɨ mburuvicha guasu pe, ërei jae ngaraa ipuere ombogüera ngaraa vi ipuere oipoano ipere.

OSEAS 5:15

Aja yeta aïa pe, jae reta oikuaa regua iyoa ko vae, yogüeru regua chereeka. ¡Oiporara reta ñogüɨnoi yave, chereekata!”