OSEAS 2:3 - Biblia Guarani Tumpa Iñee

³ Mbaetɨ yave oyapo, apɨ̈rota chugüi imbaembae jare amonandita; añonota jókuae ara ichɨ güi oa ramo yave rami, aipoepɨta ñuu ipombae pe, ɨvɨ otini vae pe, ayukaukata ɨuve pe.

OSEAS 2:3 ပူးပေါင်းရင်းမြစ်များ

ÉXODO 17:3

Jökorai iɨuve reta joko pe, jare iñeenguru reta Moisés kotɨ, jei reta chupe: —¿Maera pa orerenoe Egipto güi? ¿Orereru oreyukauka vaerä ɨuve pe, ore, oreraɨ reta jare orerɨmba reta vi?

ISAÍAS 33:9

Ɨvɨ imbaerasɨ jare ipɨatɨtɨ oï, Líbano oñemomarai jare opa yɨpi oï, ɨvɨtɨ päu ipe kavi vae Sarón ipombae opɨta oï, ɨvɨ Basán jare ɨvɨtɨ Carmelo opaetei oyetɨvɨro opɨta.

ISAÍAS 47:3

toyekuaa nderete inandi, toyekuaa nderete renoti tëi reve. Ayepɨta, ngaraa kia ipuere cheopia.”

ISAÍAS 64:10

Tëta ndembae oñeñono tee vae ipombae oï, Sión ipoä oï, Jerusalén kïrii ngatu opɨta.

JEREMÍAS 12:10

Jeta tovaicho mburuvicha reta opa omboai cheuvarupa, opɨ̈ro reta ɨvɨ chembae re, opa omboai reta oeya, jókuae ɨvɨ aaɨu yae vae.

JEREMÍAS 13:22

Rere yave ndepɨa pe: ‘¿Maera ra körai aiko?’ Ndeyoa yae jeko pegua ko körai reiko; ¡jáeramo nemonandi reta jare oyuvanga reta nderé!

JEREMÍAS 13:26

Che opaeteita vi romonandi, romomaraiuka yaeta.

JEREMÍAS 14:3

Oikokatu vae reta omondo jembiokuai reta oeka ɨ; yogüɨraja ɨupa pe oväe yave, mbaetɨ oväe reta ɨ, oyerova reta ye iɨrɨru reta ipombaeño; imara yae reta, mbaetɨ oikuaa reta mbae jei vaerä, iñäkatindɨ reta imara güi.

JEREMÍAS 17:6

Ñuu pegua ñurati ramita ko, ngaraa oikuaa mbae ikavi vae outa vae re, oikota ɨvɨ otini yaea rupi, ɨvɨ yukɨ ipombaea rupi.

JEREMÍAS 2:31

Israel iñemuña reta añave pegua, peyeapɨsaka che peYa iñee re. ¿Ñuu pa ko che ndeve? ani, ¿metei ɨvɨ pɨtumimbi vae pa? Tëta chembae vae: ¿Maera pa rere: ‘Nderembipɨɨä ko ore; ngaraa ye ma royerova ndekotɨ’?

JEREMÍAS 2:6

Mbaetɨ oparandu reta: ‘¿Ketɨ pa oime oï yandeYa, jókuae ñanerenoe ɨvɨ Egipto güi vae, yandereroata ñuu ipombaea rupi vae, ɨvɨ otini vae rupi, ñamano rape katu jupi vae rupi, mbaetɨ ɨ vae rupi, ɨvɨ mbaetɨ kia ave oiko pɨpe vae rupi ani oguata yepe jupi vae rupi?’

JEREMÍAS 22:6

Echa yandeYa jei mburuvicha guasu Judá pegua jo kotɨ: “Nde ko chevegua nepöra yae ɨvɨtɨ Galaad rami, ɨvɨtɨ Líbano iyapɨte rami, ërei ngatu ropoepɨta ñuurä, ɨvɨ ipombae vaerä.

JEREMÍAS 4:26

Amae, jare aecha ɨvɨ kavi ipombae oï, jare opaete tëta guasu reta oyemboai. YandeYa iyarasɨ yavaetegüe opa omboai kuae reta.

JEREMÍAS 51:43

Jëta guasu reta opa oyemboai, ɨvɨ otini jare ipombae opɨta, mbaetɨta kia oiko pɨpe, mbaetɨta vi kia oasa jupi.

JEREMÍAS 51:5

echa yepe tëi Israel jare Judá iyoa chekotɨ, omotɨnɨe iɨvɨ mbaeyoa pe, ërei che, iYa Imbaepuere yae ete vae, iYoambae Israel pegua, mbaetɨ aeya reta.

EZEQUIEL 16:22

Ërei opaete kuae ikavimbae vae jare aguasa reyapo vae, nemoakañɨ ndetaɨrusuasɨ vae güi, nenandi, mbaetɨ neñomaa jare ndepɨtávɨi távɨi nderugüɨ pe reiko vae güi.

EZEQUIEL 19:13

Añave oñeotɨ ñuu pe, ɨvɨ otini jare ñäkɨmbaea pe.

OSEAS 13:15

Yepe tëi togüɨnoi jeta mbaembae jëtara reta ipɨte pe, outa ɨvɨtuakuvo, yandeYa iɨvɨtuai oyepeyu ñuu kotɨ güi vae, kuae omotinita jare omondɨpata ɨesaɨ reta. Tovaicho reta güɨrajata pembaembae jepɨ yae vae.

OSEAS 2:10

Iyaguasa reta jovake amonandita ¡Ngaraa kia oepɨ chegüi!

Apocalipsis 17:16

Jare jókuae payandepo jäti reecha mɨmba guasu re vae omotareɨta jókuae kuña iyaguasa vae, omombota oeya inandi reve; jouta kuña isoo jare oapɨ tata pe;

JUECES 15:18

Jare Sansón oyaporai yae ma ɨuve ramo, oenɨi yandeYa jare jei chupe: “¿Remaeñota pa cheyuka ɨuve kuae itumpa-raanga pota vae reta ipɨte pe, remee güire aporomoamɨri?”