OSEAS 2:22 - Biblia Guarani Tumpa Iñee

²² jare ɨvɨ omeeta trigo, vino jare olivo iasaite, jare jae reta oyeapɨsakata Jezreel re.

OSEAS 2:22 ပူးပေါင်းရင်းမြစ်များ

ISAÍAS 62:4

Ngaraa ye ma ndembojee reta “Oyeeyagüe pe”, ngaraa ye ma jei reta ndeɨvɨ pe “Oyemboai vae”, ërei ndembojee retata Hefzi-bá pe jare ndeɨvɨ oyembojeeta Beula, echa yandeYa iporoaɨu oï nde ndive, jare jae oikota ndeve, ndeɨvɨ ndive omenda rami.

JEREMÍAS 24:7

Ameeta chupe reta kɨ̈reɨ ngatu, chekuaa reta vaerä che ko jae iYa, jare yogüɨrekota chembae retarä, jare che aikota iTumparä, echa oyerova reta yeta chekotɨ opaete ipɨa ndive.

JEREMÍAS 31:12

Otairari retata jare oyeroviata yogüeru ɨvɨtɨ Sión re, oyekou retata yandeYa omborɨgüe re, jae ko: Trigo, vino jare olivo iasaite, vecha reta jare guaka reta. Kó raɨ oyemboɨu kavi yae vae ramita, jare ngaraa ye ma ipɨtu reta.

OSEAS 1:11

Jayave oyomboatɨta Judá jare Israel pegua reta, jare oiparavo retata meteiño mburuvicha, jare ketɨ ketɨ güi oyerova reta yeta iɨvɨ pe. ¡Echa Jezreel iara ikavi yaeta ko!

OSEAS 1:4

Jare yandeYa jei chupe: “Embojee Jezreel, echa jokoño ma aiporarauka Jehú iñemuña reta pe, Jezreel pe oporoyuka vae jeko pegua, amboapɨta mborookuaía Israel pe.

OSEAS 14:7

Israel yogüɨreko yeta cheporoangareko rupi; jayave okuakuaata trigo rami, ipotɨ retata uva ipotɨ rami, ipiche kavita ɨvɨtɨ Líbano pegua vino rami.

JOEL 2:19

jare jeita: “Ambouta peve tembíu, vino jare olivo iasaite, jare perïvɨatata jese; jare ngaraa ye ma amaeño ïru tëtaguasu reta oyuvanga peré.

ZACARÍAS 8:8

jare aruta yogüɨreko ye Jerusalén pe; joko pe jae reta yogüɨrekota chembaerä, jare che aikota jae reta iTumparä añete pegua jare jupi rupi.”