OSEAS 2:21 - Biblia Guarani Tumpa Iñee

²¹ Che peYa jae körai: Jókuae ara rupi, che ayeapɨsakata ara re, jare ara oyeapɨsakata ɨvɨ re;

OSEAS 2:21 ပူးပေါင်းရင်းမြစ်များ

ISAÍAS 55:10

“Echa ama jare iroɨ oa ara güi rami, jare mbaetɨ ojo ye jokotɨ, jaeño omoäkɨ ɨvɨ, jare omojeñɨi temitɨ reta jare omboia, jare omee jäɨgüe omaetɨ vae pe, jare tembíu okaru vae pe,

ISAÍAS 62:4

Ngaraa ye ma ndembojee reta “Oyeeyagüe pe”, ngaraa ye ma jei reta ndeɨvɨ pe “Oyemboai vae”, ërei ndembojee retata Hefzi-bá pe jare ndeɨvɨ oyembojeeta Beula, echa yandeYa iporoaɨu oï nde ndive, jare jae oikota ndeve, ndeɨvɨ ndive omenda rami.

ISAÍAS 62:5

Echa kunumi omenda kuñatai, mbaetɨ kuimbae ndive oasa vae rami, jökorai Tumpa omendata nde ndive. Kuimbae oyerovia katu jembireko ndive rami, jökorai neTumpa oyerovia katuta nde ndive.

ISAÍAS 65:24

Jare ndei oyerure reta mbae re cheve mbove, che omboyevɨta ma; imiari vɨteri ñogüɨnoi ramboeve, che aenduta ma.

EZEQUIEL 36:29

Poepɨta opaete peyemongɨa pɨpe vae güi. Ambojetata trigo reta peve, mbaetɨta ma ambou karuai peve.

OSEAS 14:7

Israel yogüɨreko yeta cheporoangareko rupi; jayave okuakuaata trigo rami, ipotɨ retata uva ipotɨ rami, ipiche kavita ɨvɨtɨ Líbano pegua vino rami.

JOEL 2:19

jare jeita: “Ambouta peve tembíu, vino jare olivo iasaite, jare perïvɨatata jese; jare ngaraa ye ma amaeño ïru tëtaguasu reta oyuvanga peré.

ZACARÍAS 13:9

Jare jókuae jembɨregüe amoingeta tata pe, jare amondɨkuita, korepoti oyemondɨkui rami, jare ambokavita, oro oyembokavi rami. Jayave jae chereenɨita, jare che aenduta chupe, jare jaeta: ‘Tëta chembae’, jare jae jeita: ‘YandeYa ko jae cheTumpa.’ ”

ZACARÍAS 8:12

Echa mbɨakatu oimeta chupe reta: Uva iata, jare ɨvɨ omeeta mbaagüɨye, ara güi oata ɨsápɨi; kuae tëta güi jembɨregüe pe ayapota güɨnoi vaerä opaete kuae.

ZACARÍAS 8:8

jare aruta yogüɨreko ye Jerusalén pe; joko pe jae reta yogüɨrekota chembaerä, jare che aikota jae reta iTumparä añete pegua jare jupi rupi.”

MALAQUÍAS 3:10

Peru opaete pediezmo mbotarɨru pe, oime vaerä tembíu chero pe; jare peikuaa añave jokoropi, mbaetɨta ra aipea ara jöke ambou vaerä peve mborerekua oarasa regua. Jei yandeYa Imbaepuere yae ete vae.

MALAQUÍAS 3:11

“Jare temitɨ güɨrokomegua vae reta opata ambosɨrɨ pegüi, jare ngaraa ma güɨrokomegua pegüi peremitɨ ia, jare mbaetɨta ma peuva iambae.” Jei yandeYa Imbaepuere yae ete vae.

San Mateo 6:33

Jáeramo pembotenonde Tumpa iporookuaía jare imbaejupi. Jökorai yave, Tumpa omeeta peve opaete kuae mbaembae.

Romanos 8:32

Echa Tumpa mbaetɨ ñäteɨ omee Taɨ omano vaerä yanderé. Jáeramo jae ¿omee potaä pa opaete mbaembae Taɨ ndive yandeve?