OSEAS 2:2 - Biblia Guarani Tumpa Iñee

² YandeYa jei: “¡Pemboeta pesɨ pe, echa mbaetɨ ma ko roiko kavi jae ndive! ¡Agüɨye mo tiyaguasa pota toiko! ¡Tombosɨrɨ mo iyeugüi iyaguasa reta!

OSEAS 2:2 ပူးပေါင်းရင်းမြစ်များ

ISAÍAS 11:12

Omopüata bandera opaete tëtaguasu reta peguarä, omboatɨta peɨvɨ Israel güi oyemombogüe reta, omboatɨta Judá pegua reta opa oñemoai ñogüɨnoi mombɨrɨ ara igüɨ kotɨ rupi vae.

ISAÍAS 50:1

YandeYa jei körai: “¿Ayapouka pa tupapire yomombo pegua pesɨ Israel peguarä, ani pomee pa chepia chupe vae reta pe, chepia re? Peyoa reta jeko pegua ko opa peñemeeuka, pepɨapochɨ jeko pegua ko pesɨ Israel oyemombouka.

ISAÍAS 58:1

YandeYa jei cheve: “Esapúkai täta, reipoɨumbae reve, neñeeäta mimbɨguasu iñee rami; emboeta chembae vae reta Jacob iñemuña reta pe, ipɨapochɨ re jare iyoa re.

JEREMÍAS 19:3

Ere körai: ‘Judá pegua mburuvicha guasu reta jare Jerusalén pe peiko vae reta, peyeapɨsaka kuae ñee yandeYa Imbaepuere yae ete vae Israel iTumpa jei vae re: Aruta susere ikavimbae yae vae kuae ɨvɨ re, jare kia nunga vae oendu yave oipɨayuka eteita.

JEREMÍAS 2:2

“Ekua nemiari tëta guasu Jerusalén pe, ere: ‘¡Körai jei yandeYa! Chemaendúa ndetaɨrusu yave, reiko jupi rupi cheróvai vae re, cheraɨu, omenda ramo vae ime oaɨu yae rami, reguatase che ndive ñuu rupi, jókuae ɨvɨ mbaetɨ etei oñemaetɨa pe.’

JEREMÍAS 3:1

YandeYa jei: “Metei kuimbae omombo yave jembireko, javoi jókuae kuña ojo omenda ïru kuimbae ndive yave, tenondegua ime ngaraa ma güɨreko ye. ¡Jókuae nunga, ikavimbae yae ko kuae tëtaguasu peguarä! Ërei ngatu nde, Israel, jeta yae ko ndeaguasa, ërei ¡añave peyerova ye chekotɨ! Che ndeYa jae kuae.

JEREMÍAS 3:13

Jaeño emombeu teko renoi vae, echa neäteɨ reyapo ndeYa Tumpa iporookuai, reeka reyemboaguasa vaerä ketɨgua reta ndive, opaete ɨvɨra iküaraɨa kavi vae igüɨ rupi, jare mbaetɨ reyapo cheporookuai. Che ndeYa jae kuae ndeve.’ ”

JEREMÍAS 3:18

Jókuae ara oväe ma yave, Judá oñemometeita Israel ndive, jare oyerova päveta ɨvɨtuguasu kotɨgua tëtaguasu kotɨ güi, che ɨvɨ amee iñemuñagüe reta pe vae pe.

EZEQUIEL 16:20

Reipɨɨ vi nemembɨ cheve vae michia reta, jare remee netumpa-raanga reta pe ókai vaerä. ¿Jaekaviño maä pa ndeve aguasa reyapogüe,

EZEQUIEL 16:25

Opaete tape oyoasaa ñavo rupi remopüa mbaemboete renda, nepöra yae vae remopɨ̈chɨi, reñemee opaete oasa jokoropi vae pe, jökorai rembojeiete aguasa reyapo vae.

EZEQUIEL 20:4

Nde kuimbae, ere chupe reta maratuta vae, jare eikuaauka chupe reta iñemuñagüe reta pɨ̈chɨi yae oyapo vae.

EZEQUIEL 23:43

Jare che jae itɨ̈aro ma aguasa pe vae reta kotɨ: ‘¿Kuae kuimbae reta yogüɨrekota ra aguasa pe kuae kuña reta ndive?

EZEQUIEL 23:45

Jáeramo kuimbae jupi vae reta ojäata mborookuai menda re oyuvanga vae pegua rupi jare mborookuai mboroyuka pegua rupi. Echa jae reta oyuvanga menda re jare oporoyuka reta.”

OSEAS 1:2

YandeYa omboɨpɨ imiari Oseas rupi, körai jei chupe: “Ekua, ereko metei kuña iyaguasa pota vae, jare toime nderaɨ reta jae ndive; jökorai jae reta toyogüɨreko iyaguasa pota vae imembɨrä; echa kuae tëta iyaguasa pota rami chegüi.”

OSEAS 2:1

YandeYa jei: Jayave pereta perɨkeɨ ani perɨvɨ pe: “Ammi”, jare pereindɨ pe: “Ruhama”.

OSEAS 2:5

Iyaguasa pota oyeapo ichɨ; mbaetɨ oyemboeteuka jei yave: ‘Taja taeka cheaguasa reta; tembíu jare ɨ, vecharaagüe jare lino, olivo iasaite jare kägüi omee cheve vae reta.’

OSEAS 4:5

Jáeramo ara pe ani pɨ̈tu yave peata ñeemombeúa oata vi pe ndive, jare ndesɨ amokañɨteita.

MIQUEAS 2:13

Tape oipea vae, ojota jae reta jenonde; jare jae reta yogüɨrajata jaɨkue; jare oë retata tëta guasu jöke rupi. YandeYa, jae reta juvicha guasu ojota opaete vae jenonde.

2 Corintios 5:16

Jáeramo añave güive ngaraa yandepɨa pe yayemongeta ïru vae re jae ko ɨvɨ peguaño. Yepe tëi Cristo re ñamae yepi kuae ɨvɨ peguaño ko vae, ërei añave mbaetɨ ma yayemongeta jese jökorai.