OSEAS 2:15 - Biblia Guarani Tumpa Iñee

¹⁵ Jare joko pe amee yeta chupe iuvarupa, jare aipoepɨta ɨvɨtɨ päu Acor, oasa vaerä mbɨatɨtɨ güi yerovia pe. Joko pe otairarita cheve taɨrusu yave rami, ɨvɨ Egipto güi anoe yave rami.

OSEAS 2:15 ပူးပေါင်းရင်းမြစ်များ

1 REYES 16:31

echa omomoe Jeroboam, Nabat taɨ jeko oipoɨumbae reve. Jare Acab omenda Jezabel ndive, mburuvicha guasu Et-baal, Sidón pegua tayɨ ndive, jare omboɨpɨ omboete Baal.

SALMOS 106:12

Jayave, güɨrovia reta Tumpa iñee re, jare otairari reta mbaemboete chupe.

SALMOS 129:1

Tei añave opaete Israel iñemuña reta: “Chembopɨatɨtɨuka yae reta chetaɨrusu güive, ërei mbaetɨ chemoamɨri reta.

ISAÍAS 65:10

Jare ɨvɨpe kavi Sarón vecha reta ikarúa jendarä, ɨvɨpe kavi Acor guaka reta ikarúa jendarä, tëta chereeka vae güɨnoita imbaerä.

ISAÍAS 65:21

Oyapo retata o, jare joko pe yogüɨreko retata; oñotɨ retata uva jare jou retata iagüe.

JEREMÍAS 2:1

YandeYa jei cheve körai:

JEREMÍAS 2:2

“Ekua nemiari tëta guasu Jerusalén pe, ere: ‘¡Körai jei yandeYa! Chemaendúa ndetaɨrusu yave, reiko jupi rupi cheróvai vae re, cheraɨu, omenda ramo vae ime oaɨu yae rami, reguatase che ndive ñuu rupi, jókuae ɨvɨ mbaetɨ etei oñemaetɨa pe.’

JEREMÍAS 29:11

Echa che aikuaa yemongeta reta anoi pekotɨ vae: Yemongeta mbɨakatu pegua, mbaetɨ ikavimbae pegua, amee vaerä peve peäro peiko vae.

JEREMÍAS 3:4

¿Rereä pa añave cheve: ‘CheRu, chetaɨrusu güɨroata vae,

JEREMÍAS 32:15

Echa, yandeYa Imbaepuere yae ete vae Israel iTumpa jei: Kuae ɨvɨ pe pegua yeta kuri peyeupe o, ɨvɨ jare uvarupa.’

LAMENTACIONES 3:21

Ërei metei mbae añonota cheyeupe chepɨa pe, jaeño kuae aärota aï:

EZEQUIEL 16:22

Ërei opaete kuae ikavimbae vae jare aguasa reyapo vae, nemoakañɨ ndetaɨrusuasɨ vae güi, nenandi, mbaetɨ neñomaa jare ndepɨtávɨi távɨi nderugüɨ pe reiko vae güi.

EZEQUIEL 16:60

Ërei che chemaenduata jókuae morogüɨrökuavee päve ayapo nde ndive ndetaɨrusu yave vae re, jare ayapota nde ndive morogüɨrökuavee päve jekuae avei pegua.

EZEQUIEL 16:8

Aasa ye ndeɨpɨ rupi yave, roecha rekuakuaa ma jare reñemokuña ma; jare cheñeapevaka pe roñova nenandi reï vae; añererökuavee ndeve jare ayapo morogüɨrökuavee päve nde ndive, jökorai reiko chembaerä. Che ndeYa Tumpa jae.

EZEQUIEL 28:25

YandeYa Tumpa jei körai: “Amboatɨ ma Israel iñemuña reta tëtaguasu reta oñemoai ñogüɨnoia güi yave, opaete tëtaguasu reta oikuaata che ko iyoambae vae. Yogüɨreko yeta iɨvɨ ae pe, ɨvɨ che amee cherembiokuai Jacob pe vae pe.

EZEQUIEL 28:26

Joko pe yogüɨreko pɨagüiveta, oyapo retata jorä, güɨnoi retata uvarupa, yogüɨreko kavita. Che ajäa yave iyɨvɨrigua tëta reta omotareɨ Israel iñemuña reta vae. Jayave opaete vae oikuaata che ko jae peYa Israel iTumpa vae.”

OSEAS 11:1

Tëta Israel michi vɨteri yave, che aɨu; jare Egipto güi aru ye cheraɨ.

OSEAS 12:13

Metei ñeemombeúa rupi, yandeYa güɨnoe Israel iñemuña reta Egipto güi; ¡metei ñeemombeúa rupi oyangareko jese reta!

OSEAS 12:9

Ërei che ko jae peYa Tumpa, Egipto pe peiko yave güive, amee peiko vaerä o guakapi pegua rupi, ñuu rupi peikose yave rami, ara reta arete pegua pe.

OSEAS 13:4

YandeYa jei: “Che jae ko peYa Tumpa ɨvɨ Egipto güi peë güive, agüɨye perovia ïru tumpa re, jaeño cheré, agüɨye perovia oime ko ïru oporoepɨ vae, chereño perovia.

OSEAS 2:12

Amboaita iuvarupa jare iɨvarupa, echa kuae re jei: ‘Cheparavɨkɨ jepɨ ko, cheaguasa reta omee cheve vae ko.’ Aipoepɨta ñana tëɨ vae pe, jare mɨmba ñana rupigua jouta.

AMÓS 9:14

Jayave Israel tëta chembae vae aru yeta tembipɨɨ güi, jare omopüa pɨau reta yeta tëta oyemboai oï vae, jare yogüɨrekota pɨpe; oñotɨ retata uva, jare jou retata tɨgüegüe, ko oyapo retata jare jou retata jemitɨ iagüe.

ZACARÍAS 9:12

¡Tembipɨɨ reta peyerova ye peñepɨ̈roa pe, peäro peiko vae! Añave amombeu peve, pomopüa pɨauta oasa ye tenonde peiko vae güi.

NÚMEROS 21:17

Jayave ko Israel iñemuña reta otairari körai: “¡Oë ɨ ɨkua güi! ¡Petairari chupe!

San Juan 10:9

Che ko jae öke. Che rupi oike vae oyemboasaukata ko. Oiketa jare oëta jare oväeta mbae jou vaerä.

Hechos 14:27

Jare yogüeru oväe yave, Pablo jare Bernabé omboatɨ oporogüɨrovia vae reta, jare imiari chupe reta opaete Tumpa oyapo mbae tuichagüe jae reta ndive vae, jare kërai Tumpa omee judiombae vae reta pe oporogüɨrovia vaerä.

JOSUÉ 7:26

Jare omboatɨ reta jese jeta ita, jókuae oimeño añave rupi. Jökorai yandeYa iyarasɨ poi. Kuae jeko pegua jókuae ɨvɨtɨ päu jekuaeño jee Acor, añave rupi.

JUECES 8:34

Jare mbaetɨ imaendúa Israel iñemuña reta yandeYa Tumpa re, opaete jovaicho reta ipo güi oyora vae,