OSEAS 2:13 - Biblia Guarani Tumpa Iñee

¹³ Aiporaraukata chupe ara reta oasagüe re oapɨ ikäti kavi vae incienso baal reta pe vae re, oñemopöra yave moäka-vera pe jare mboɨ pe, ojo iyaguasa reta jupíe jare ñakañɨ chegüi. Jei yandeYa.

OSEAS 2:13 ပူးပေါင်းရင်းမြစ်များ

2 REYES 1:2

Ocozías mburuvicha guasu Israel pegua, oa jo iventana güi Samaria pe. Jayave omondo ñee jerajaa reta, jei chupe reta: Pekua peparandu Baal-zebub tumpa Ecrón pegua pe, akuerata ra ko kuae chembaerasɨ güi vae.

2 REYES 10:28

Jökorai Jehú omboai Israel güi Baal.

2 REYES 21:3

Echa omopüa pɨau ye mbaemboete renda ɨvɨtɨ rupigua reta tu Ezequías opa omboaigüe, jare omopüa mɨmba oyeyuka oyeapɨ jese vae reta Baal pe jare oyapo metei Asera iä, Acab, mburuvicha guasu Israel pegua oyapo rami, jare omboete opaete ara ipo reta,

JOB 8:13

Jökorai ko opaete iñakañɨ Tumpa güi vae reta, iyoa vae reta oäro tëi vae okañɨta ko.

SALMOS 106:13

Ërei ɨmambae pegua ñakañɨ reta Tumpa oyapogüe güi, mbaetɨ oäro reta oikuaa vaerä jae iyemongeta.

SALMOS 106:21

Ñakañɨ reta jeroasayepea Tumpa güi, jókuae jeta mɨakañɨ tuichagüe oyapo Egipto pe vae güi,

SALMOS 78:11

iñakañɨ reta jae oyapogüe güi, jókuae mɨakañɨ oechauka chupe reta vae güi.

ÉXODO 32:34

Añave, ekua eraja opaete vae reta, che jae ndevea pe, chearaɨgua ojota nderenonde; ërei ñenupa ara oväe yave, che aiporaraukata chupe reta iyoa re.

ISAÍAS 17:10

echa neakañɨ Tumpa ndereepɨ vae güi, mbaetɨ nemaendúa jae ko neñepɨ̈roa vae, ërei jaeño reñotɨ temitɨ ikavigüe, temitɨ matɨ güi oyererugüe,

ISAÍAS 65:7

iyoa reta ae re jare iñemuña reta iyoa re. Jae reta oapɨ yepi ikäti kavi vae incienso, ɨvɨtɨ guasu re, jare ɨvɨtɨ re oyapo reta yepi chekotɨ ikavimbae. Jáeramo, che ajäata chupe reta iyoa jepɨ, aiporaraukata chupe reta.” Jei yandeYa.

JEREMÍAS 11:13

Echa nde Judá, jeta yae tumpa-raanga renoi, tëta guasu reta jeta yae renoi rami; jare Jerusalén ikaye jeta yae rami, pemopüa jeta mbota renda Baal peguarä, peapɨ vaerä chupe ikäti kavi vae incienso.

JEREMÍAS 18:15

Ërei tëta chembae iñakañɨ chegüi, oapɨ ikäti kavi vae incienso tumpa-raanga reta pe. Opia jape ñɨma vae güi, jare oguata jókuae tape oikuaambaea rupi.

JEREMÍAS 2:32

¿Ipuere pa metei kuñatai iñakañɨ oñemopöra pɨpe vae güi, ani jemimonde imenda pegua güi? Ërei tëta chembae vae ɨma yae ma iñakañɨ chegüi.

JEREMÍAS 23:2

Jáeramo körai jei yandeYa Israel iTumpa, cherëta re oyangareko vae reta pe: “Pe reta opa pemoai moai jare peiämondo chevecha reta jare mbaetɨ peyangareko jese. Mase, añave aiporaraukata peve perembiapo kavimbae re. Che ndeYa ko jae kuae.

JEREMÍAS 7:34

Amokañɨta Judá pegua tëta guasu reta güi jare kaye reta Jerusalén pegua güi, tairari yerovia katu arete pegua reta, jare tairari menda pegua reta; opaete kuae ɨvɨ oyemboaita opɨta.”

JEREMÍAS 7:9

Pemaeñomi, peporoyuka, peyuvanga menda re, peñererökuavee jaanga, peapɨ ikäti kavi vae incienso Baal pe, jare pemboete tumpa ambuae mbaetɨ peikuaa vae reta.

LAMENTACIONES 1:4

¡Sión kotɨ tape reta ojo vae kïrii ngatu mbɨatɨtɨ jeko pegua! ¡Mbaetɨ etei kia ou arete reta mbaemboete pegua pe vae! Tëta guasu öke reta opaetei oyemboai, isacerdote reta oyaeo, ikuñatai reta ipɨatɨtɨ, jare Jerusalén ipɨatɨtɨ yae vi.

LAMENTACIONES 5:14

Tenondegua reta mbaetɨ yé ma oyekuaa tëta guasu jöke rupi; taɨrusu vae reta itairari mbaetɨ ma oyeendu.

EZEQUIEL 16:12

añono moäka-veraecha vae netï re, jare namicha nenambi re jare äka-regua ipöra vae neäka re.

EZEQUIEL 16:17

Reipɨɨ vi reñemopöra pɨpe vae ndembaembae, oro jare korepoti pegua che amee ndeve vae, jare reyapo kuimbae iä reta, reyapo vaerä aguasa.

EZEQUIEL 22:12

Nderapɨpe yogüɨreko vae reta oipɨɨ vɨari korepoti oyuka vaerä ïru vae; oiporuka korepoti oasa ete okovara ye vaerä jese, oyuvanga katu japicha re jare iñakañɨ reta chegüi. Che peYa jae.

EZEQUIEL 23:35

Jáeramo, che ndeYa Tumpa jae körai: Neakañɨ chegüi jare reyerova chegüi ramo, reiporarata ndekuimbae pota vae jare ndeaguasa pota vae re.”

OSEAS 11:2

Ërei jeiete aenɨi yave, jeiete osɨrɨ reta chegüi. Baal reta pe omee mɨmba oyeyukagüe, tumpa-raanga reta pe oapɨ reta ikäti kavi incienso.

OSEAS 13:1

Efraín pegua reta imiari yave, ïru ñemuña Israel pegua reta okɨɨye; ërei opa okañɨtei reta Baal omboete jeko pegua.

OSEAS 13:6

Ërei pe reta jeta tembíu penoi yave, peyembotuicha jare peakañɨ chegüi.

OSEAS 2:5

Iyaguasa pota oyeapo ichɨ; mbaetɨ oyemboeteuka jei yave: ‘Taja taeka cheaguasa reta; tembíu jare ɨ, vecharaagüe jare lino, olivo iasaite jare kägüi omee cheve vae reta.’

OSEAS 2:7

Ojota iyaguasa reta jaɨkue, ërei ngaraa oupitɨ; oeka tëita, ërei ngaraa oväe chupe. Jayave jeita: ‘Taja ye tenondegua cheme pɨri, echa jókuae ndive ikavi aiko añave vae güi.’

OSEAS 4:13

Ɨvɨtɨ reta iyapɨte re jare ɨvɨra reta encina, álamo jare olmo jee vae iküaraɨa igüɨ rupi; jokoropi omee reta mɨmba oyeyukagüe jare oapɨ reta ikäti kavi vae incienso. Jáeramo tayɨ reta iyaguasa pota jare taɨtatɨ reta oyuvanga menda re.

OSEAS 4:6

Chembae vae reta opa okañɨtei, mbaetɨ ramo oipota chekuaa. Nde sacerdote reröɨro yemboarakuaa amee ndeve vae jeko pegua, che rogüɨnoeta sacerdote pegua mbaravɨkɨ güi. Neakañɨ neTumpa iporookuai güi jeko pegua, che cheakañɨta vi neñemuña reta güi.

OSEAS 8:14

Israel oyapo o reta ikavigüe, ërei ñakañɨ iYapoa Tumpa güi, Judá omopüa jeta tëta guasu reta jëguambae, ërei che opata amboai tata pe jókuae tëta guasu reta, jare mburuvicha guasu jo reta opata oyemboai.”

OSEAS 9:7

¡Oväe ma tembiporara iara reta! ¡Oväe ma jeko vae reta oiporara vaerä jeko ae re! ¡Israel oikuaata kuae re! Pe reta pere: “Ñeemombeúa mbaetɨ ko yarakuaa, kuae oporomboarakuaa vae imbokere vae ko.” Kuae pere, ikavimbae yae peyapo jeko pegua, peporomotareɨ yae jeko pegua.

AMÓS 8:10

Aipoepɨta pearete reta mbɨatɨtɨ pe, jare aipoepɨta petairari reta yaeo pe; jare amondeukata temimonde mbɨatɨtɨ pegua opaete vae pe, jare opaete vae ia oñapita; jókuae ara opaete vae oyaeota membɨrɨpɨ re rami, jare ojoita iyapɨ mbɨatɨtɨ tuicha vae ndive.

DEUTERONOMIO 32:18

Ita guasu rami vae, jae peapo vae güi peakañɨ; peakañɨ Tumpa peapoa güi.

DEUTERONOMIO 6:12

peyeandu agüɨye vaerä peakañɨ yandeYa güi, perenoe ɨvɨ Egipto güi vae, yeokuaiasɨ katu güi.

JUECES 10:6

Jare Israel iñemuña reta jekuae oyapo ye ikavimbae yandeYa jesa róvai, jare omboete reta Baal jare Astarot, jökoraiño vi tumpa ambuae reta Siria pegua, Sidón pegua, Moab pegua, Amón iñemuña reta itumpa jare filisteo reta itumpa reta pe; jare oeya reta yandeYa, mbaetɨ oyeokuai reta chupe.

JUECES 3:7

Jare Israel iñemuña reta oyapo ikavimbae yandeYa jesa róvai, ñakañɨ reta iYa Tumpa güi, jare omboete reta baal reta, jare Asera iä reta.

1 SAMUEL 12:9

Ërei jae reta iñakañɨ iYa Tumpa güi, jare jae omee sundaro ruvicha Sísara Hazor pegua ipo pe, filisteo reta ipo pe, jare mburuvicha guasu Moab pegua ipo pe; kuae reta oñeraro jae reta ndive.