OSEAS 2:12 - Biblia Guarani Tumpa Iñee

¹² Amboaita iuvarupa jare iɨvarupa, echa kuae re jei: ‘Cheparavɨkɨ jepɨ ko, cheaguasa reta omee cheve vae ko.’ Aipoepɨta ñana tëɨ vae pe, jare mɨmba ñana rupigua jouta.

OSEAS 2:12 ပူးပေါင်းရင်းမြစ်များ

SALMOS 80:12

¿Maera pa ikësea opa remboai, jare remaeño oipoo iagüe, jokoropi oasa vae reta?

ISAÍAS 29:17

Líbano, oyepoepɨta ete ma ɨvɨ kavirä, jare ɨvɨ kavi oyepoepɨta kaarä.

ISAÍAS 5:5

Tamombeu peve, mbae ko ayapota cheuvarupa pe vae: Opata aekɨ chugüi ikësea, opa vaerä okañɨtei; opata ayoka chugüi ikësea, opa vaerä opɨ̈ro jese vae;

ISAÍAS 7:23

Jókuae ara rupi, tenonde yave uvarupa güɨnoi yepi mil temitɨ uva iyɨpɨ vae, jare jepɨ yepi mil reare korepoti pegua vae, opɨtata yuu reta jendaräño.

JEREMÍAS 13:26

Che opaeteita vi romonandi, romomaraiuka yaeta.

JEREMÍAS 26:18

“Miqueas, Moreset pegua omoërakua Tumpa iñee, Ezequías oiko mburuvicha guasurä Judá pe yave, imiari opaete Judá pegua reta pe, jei: ‘Körai jei yandeYa Imbaepuere yae ete vae: Sión opɨtata, metei ko pe ɨvɨ opa oyemongúi vae rami, Jerusalén opɨtata jendagüeño, jare ɨvɨtɨ tupao jendagüe pe okuakuaata ɨvɨra.’

JEREMÍAS 5:17

Neremitɨ jare nderembíu jou retata, nemichia reta ave jou retata ndegüi. Ndevecha jare ndeguaka reta, ndeuva jare ndeɨva reta. Jembiporu ñeraro pegua pe omboaita tëta guasu oñekëse kavi vae, reyerovia jese vae.”

JEREMÍAS 8:13

YandeYa jei: “Tëta chembae vae ayasɨata trigo opa oyeasɨa rami. Ngaraa opɨta uva ave uva jäka re, ɨva ave mbaetɨta ɨva jäka re. Jaeño opɨtata joo ipirugüe.”

OSEAS 13:8

Aëta tape pe aövaiti metei oso kuña imembɨ oñepɨ̈ro chugüi vae rami, amopächata. Yaguapope oporou rami opata jau, mbaeporou oporoapo rami opata ambojaɨ jaɨ.

OSEAS 2:5

Iyaguasa pota oyeapo ichɨ; mbaetɨ oyemboeteuka jei yave: ‘Taja taeka cheaguasa reta; tembíu jare ɨ, vecharaagüe jare lino, olivo iasaite jare kägüi omee cheve vae reta.’

OSEAS 5:14

Echa che aïta yaguapope rami Efraín pe; jare yaguapope raɨ rami Judá pe; che apɨ̈rota araja, jare ngaraa kia ipuere opɨ̈ro ye chepo güi.

OSEAS 9:1

Israel pegua reta, agüɨye peyerovia; agüɨye pechäguariko peyerovia güi ïru tëta pegua reta rami, echa peyembosɨrɨ Tumpa güi vae, kuña imegua rami ko, ipöra yae peve trigo oyembopiriría rupi aguasa peyapo vae jepɨ peve vae.

MIQUEAS 3:12

Jáeramo, Jerusalén tëta guasu ɨvɨtɨ Sión pegua, pereko pegua opata oyeara ko rami, opaeteita oikomegua megua, jare tupao iɨvɨtɨ re okuakuaata ɨvɨra.