OSEAS 2:1 - Biblia Guarani Tumpa Iñee

¹ YandeYa jei: Jayave pereta perɨkeɨ ani perɨvɨ pe: “Ammi”, jare pereindɨ pe: “Ruhama”.

OSEAS 2:1 ပူးပေါင်းရင်းမြစ်များ

GÉNESIS 22:17

añave añetete cheporerekuata nderé jare ambojetata neñemuña reta yasɨtata rami, jare ɨguasu jembeɨ rupi ɨvɨkuitï oï rami. Neñemuña reta opɨ̈rota jovaicho reta güi jëta.

JEREMÍAS 31:33

Ërei kuae ko jae morogüɨrökuavee päve ayapota tëta Israel ndive jókuae ara kuri vae: Añonota cheporookuai reta ipɨa pe, aikuatiata ipɨa re; jare aikota jae reta iTumparä jare jae reta yogüɨrekota chembaerä.

JEREMÍAS 32:38

Jare yogüɨrekota chembae retarä jare che aikota jae reta iTumparä.

JEREMÍAS 51:5

echa yepe tëi Israel jare Judá iyoa chekotɨ, omotɨnɨe iɨvɨ mbaeyoa pe, ërei che, iYa Imbaepuere yae ete vae, iYoambae Israel pegua, mbaetɨ aeya reta.

EZEQUIEL 11:20

Yogüɨreko reta vaerä cheporookuai reta rupi, jare oyapo retata mborookuai jei vae. Jae reta yogüɨrekota chembaerä jare che aikota iTumparä.

EZEQUIEL 36:11

Amoñemuñata jeta kuimbae reta jare mɨmba reta peré; oyembojeta yaeta; jeta yaeta kuae pe vae tenonde yave rupi rami, jare peiko kavi yaeta tenonde rupi vae güi. Jayave oikuaa retata che ko jae Tumpa vae.

EZEQUIEL 36:28

Peikota ɨvɨ amee peñemuñagüe reta pe vae pe, peikota chembaerä, jare che aikota peTumparä.

EZEQUIEL 37:27

Chero mbaemboetea pegua añonota jae reta ipɨte pe, che aikota iTumparä jare jae reta yogüɨrekota chembaerä.

OSEAS 2:2

YandeYa jei: “¡Pemboeta pesɨ pe, echa mbaetɨ ma ko roiko kavi jae ndive! ¡Agüɨye mo tiyaguasa pota toiko! ¡Tombosɨrɨ mo iyeugüi iyaguasa reta!

OSEAS 2:23

Añonota cheyeupe chembae reta jókuae ɨvɨ pe chembaeräño; anoita mboroparareko Lo-ruhama re; jaeta Lo-ammi pe: ‘Nde ko jae tëta chembae’, jare jae jeita: ‘¡CheTumpa ko nde!’ ”

ZACARÍAS 13:9

Jare jókuae jembɨregüe amoingeta tata pe, jare amondɨkuita, korepoti oyemondɨkui rami, jare ambokavita, oro oyembokavi rami. Jayave jae chereenɨita, jare che aenduta chupe, jare jaeta: ‘Tëta chembae’, jare jae jeita: ‘YandeYa ko jae cheTumpa.’ ”

2 Corintios 4:1

Jáeramo mbaetɨ orepɨtu. Echa Tumpa iporoparareko rupi omee oreve royeokuai vaerä chupe.

1 Timoteo 1:13

yepe tëi tenonde yave che jae mbae ikavimbae vae yandeYa kotɨ, ayapo ikavimbae vae yandeYa re güɨrovia vae reta pe, jare chereko pochɨ ikotɨ. Ërei yandeYa cheparareko, echa ayapo mbaetɨ aikuaa ramo jare mbaetɨ aporogüɨrovia ramo.

1 Pedro 2:10

Tenonde yave pe reta Tumpa imbae retaä ko, ërei añave peyeapo ma Tumpa imbae retarä; tenonde yave Tumpa mbaetɨ peparareko, ërei añave peparareko.