OSEAS 14:4 - Biblia Guarani Tumpa Iñee

⁴ YandeYa jei: “Aipoano retata ipɨapochɨ güi; aaɨu retata, yepe tëi mbaetɨ jupi yogüɨreko, echa osɨrɨ ma chugüi reta chearasɨ.

OSEAS 14:4 ပူးပေါင်းရင်းမြစ်များ

SALMOS 10:14

Nde reecha ko; echa remae jembiapo re jare iyuvanga katu re, ¡nde etei remee vaerä chupe jembiapo jekovia! Nderé oyemboya iyangarekoambae oiko vae. Nde ko jae tɨ̈reɨ omborɨ vae.

SALMOS 20:8

Jae reta ipɨtu jare oyepɨaka, ërei ore jekuaeñoi orepɨ̈rata royemboɨ roï.

SALMOS 78:38

Ërei jae ko iporoparareko vae, iñɨ̈ro mbaeyoa re jare mbaetɨ oporomokañɨtei vae; ombosɨrɨ avei iyarasɨ, mbaetɨ omboyekuaa opaetei iyarasɨ.

ÉXODO 15:26

jei körai: “Peendu kavi yave che peYa Tumpa iñee, jare peyapo yave jupi vae cheresa róvai, peendu jare peyapo yave opaete cheporookuai, ngaraa ambou peve metei ave mbaerasɨ reta Egiptoɨgua reta pe ambou vae; echa che ko jae peYa pepoanoa.”

ISAÍAS 12:1

Jókuae ara rupi retairarita körai: “Yasoropai amee ndeve cheYa, echa yepe tëi ndearasɨ chekotɨ, ërei oasa ma ndearasɨ chembopɨakatu ye ma.

ISAÍAS 55:1

Opaete iɨuve vae reta: Peyu peɨu; jare mbaetɨ ikorepoti vae reta, peyu jare pekaru. Peyu, peraja pekorepotimbae reve jare jepɨmbae reve, vino jare neche.

ISAÍAS 57:18

Aecha jeko reta, ërei aipoanota jare ayangarekota jese reta. Che ambopɨakatuta ipɨatɨtɨ vae reta;

JEREMÍAS 14:7

¡CheYa, yepe tëi oreyoa oremboeko, eyapo oreve nderee reaɨu vae jeko pegua! Echa jeta yae orepɨapochɨ ndekotɨ, oreyoa ko ndekotɨ.

JEREMÍAS 17:14

Chepoano cheYa Tumpa, jare takuera; chereepɨ cheYa, jare taasayepe, echa ndeño ko romboete.

JEREMÍAS 3:22

Peyerova ye chekotɨ, cheraɨ ipɨapochɨ vae reta, jare che popoanota pepɨapochɨ güi.” “Ko royu ndekotɨ, echa nde jae ko oreYa Tumpa.

JEREMÍAS 31:20

Tëta Efraín, jae ko cheraɨ aaɨu yae vae, jae ko cheraɨ chepɨa oyerovia yae jese vae. Añeengata chupe tëi reve, mbaetɨi cheakañɨ chugüi; chepɨa pe chemaendúa avei jese jare aiparareko yae. Che ndeYa ko jae kuae.

JEREMÍAS 33:6

Ërei aipoano retata, oikovekatuta jare ameeta chupe reta mbɨakatu jare oiko pɨagüive reta vaerä.

JEREMÍAS 5:6

Jáeramo yaguapope oëta kaa güi jare oyuka retata, aguarayaɨmba ñuu rupigua opata ombojaɨ jaɨ reta, yaguapara oporepeñata tëta guasu reta re jare kia oë yave ombojaɨ jaɨta; echa jeiete yae pɨapochɨ reta, jare mbaetɨ jupi reta.

JEREMÍAS 8:22

¿Mbaetɨ ra mbae nunga moa yepe Galaad pe? ¿Mbaetɨ ra kia oporopoano vae joko pe? Jayave, ¿maera pa mbaetɨ okuera cherëtaɨgua reta?

EZEQUIEL 33:14

Che jae yave iyoa vae pe, ¡remanota!; ërei jae oyepoepɨ yave jeko kavimbae güi, jare oyapo ikavi vae jupi rupi,

EZEQUIEL 36:36

Jayave ïru tëtaguasu reta peɨ́vɨri yogüɨreko vae reta oikuaata che ko amopüa ye opa oyemboai oï vae, jare amaetɨ ɨvɨ opa oyemboai oï vae pe. Che peYa ko jae kuae jare ayapota ko.

OSEAS 11:7

Chembae vae reta jekuaeño oyembopɨapochɨ chekotɨ. Yepe tëi chereenɨi reta Tuichagüe yae ete vae pe; ërei mbaetɨ etei metei ave chembotuicha.

OSEAS 2:19

Jare pogüɨrekota cheyeupe jekuae avei pegua; pogüɨrekota cheyeupe, jupi rupi, morojäa añete vae rupi, mbɨakavi rupi jare mboroparareko rupi.

OSEAS 6:1

Peyu jare yayerova ye yandeYa kotɨ; echa jae yandemboai, ërei jae ñaneñono kavi yeta, jae yandembopere, ërei jae ñanepoanota.

SOFONÍAS 3:17

YandeYa oime oï nde ndive; ¡imbaepuere yae vae ko, jae ndereroasayepeta! Oyerovia katuta ndekotɨ. Iporoaɨu jeko pegua omeeta ndeve tekove pɨau otairari reve.

NÚMEROS 25:11

—Finees Eleazar taɨ, sacerdote Aarón jɨmɨmino omombɨta chearasɨ Israel iñemuña reta kotɨ, echa jae jägüɨro vi che rami jese reta. Jáeramo, cherägüɨro rupi mbaetɨ opa amboai Israel iñemuña reta.

NÚMEROS 25:4

jare jei Moisés pe: —Emboatɨ opaete mburuvicha reta tëta pegua, jare eyuvɨ cheróvai ara pe etei mburuvicha itumpa-raanga pota vae reta, jayave chearasɨ poita ikotɨ reta.

Romanos 3:24

Ërei Tumpa ipɨakavi rupi oporombojupi jepɨmbaeño, echa yandereepɨ ma Cristo Jesús rupi;

Efesios 1:6

ipɨakavi yae oyemboete vaerä, jókuae rupi yandeapo taɨrä, Taɨ oaɨu vae rupi;

2 Timoteo 1:9

Jae yandemboasa jare yandeparavo ñaneñono tee vaerä iyeupeguarä. Mbaetɨ ko yandeparavo mbae ikavi vae yande yayapo vae rupi. Yandeparavo ko jae iyemongeta rupi jare ipɨakavi yandeve Cristo Jesús rupi ndei ɨvɨ oyeapo güive.

Tito 3:4

ërei oyekuaa yave Tumpa iporoparareko jare iporoaɨu opaete vae pe,