OSEAS 14:3 - Biblia Guarani Tumpa Iñee

³ Asiria pegua reta ngaraa ipuere orereroasayepe, ngaraa vi orepuere rotekuarai kavayu re. Ngaraa ye ma roe ‘oretumpa’, mbae iä royapo orepo pe vae pe, oreYa, ndeño reiparareko tɨ̈reɨ.”

OSEAS 14:3 ပူးပေါင်းရင်းမြစ်များ

2 CRÓNICAS 16:7

Jókuae ara rupi ou mbae re oecha voi vae Hanani opou mburuvicha guasu Asa pɨri, jare jei chupe: “Mburuvicha guasu Siria pegua isundaro reta oasayepe ko ndegüi, echa reyeko mburuvicha guasu Siria pegua re, jare mbaetɨ reyeko yandeYa Tumpa re.

SALMOS 10:14

Nde reecha ko; echa remae jembiapo re jare iyuvanga katu re, ¡nde etei remee vaerä chupe jembiapo jekovia! Nderé oyemboya iyangarekoambae oiko vae. Nde ko jae tɨ̈reɨ omborɨ vae.

SALMOS 146:3

Agüɨye peyeko mburuvicha reta re, ani oipotagüe kuimbae re, ngaraa ko ipuere oporogüɨroasayepe.

SALMOS 146:9

YandeYa oyangareko ketɨgua reta re, tɨ̈reɨ re jare imemano vae re, ërei jupimbae reta ombojopa.

SALMOS 33:17

kavayu mbaetɨ ipuere oporogüɨroasayepe; yepe tëi ipɨ̈rata yae.

SALMOS 68:5

Tumpa, oiko jo oñeñono tee vae pe vae, jae ko tɨ̈reɨ reta tu jare imemano vae reta jepɨa vae.

ISAÍAS 1:29

Jayave pemarata ɨvɨra encina jee vae reta güi jare ko raɨ reta güi, jókuae pemomora yae igüɨ rupi pemboete tumpa-raanga reta vae.

ISAÍAS 2:20

Jókuae ara kuimbae reta omombota itumpa-raanga reta korepoti pegua jare oro pegua anguya reta pe jare andɨra reta pe. Jókuae itumpa-raanga reta oyapo reta omboete reta vaerä vae,

ISAÍAS 27:9

Jare Jacob iñemuña reta pe iñɨ̈rota iyoa reta re, oiporu chupe reta vae oyapo yave, jae ko: Opa vaerä omonguruvi ita reta, itumpa reta pe mbota omee jese vae, tövati oyemonguruvi vae rami, agüɨye vaerä ma oyapo reta Asera iä, ani kuaraɨ iä reta yepe.

ISAÍAS 30:16

jaeño pere: “Ani, rotekuaraita ko kavayu re.” Petekuaraita ko jökorai, añete. Pere vi: “Ropota kavayu reta iñäkua vae re.” Ërei peraɨkuemoña vae reta iñäkua yaeta vi ko.

ISAÍAS 30:2

Iyandeko reve yogüɨraja reta Egipto kotɨ, jare mbaetɨ oparandu reta cheve; oeka reta yemborɨ Faraón güi, oyerovia reta Egipto re.

ISAÍAS 31:1

¡Paravete, opa yogüɨraja Egipto kotɨ oeka yemborɨ vae reta, kavayu reta re oyerovia vae reta, oyeko reta käretou jeta ko vae re, jare kavayu regua reta, echa jëia yae reta, jare mbaetɨ omae reta Iyoambae Israel pegua re, mbaetɨ oeka reta yandeYa!

ISAÍAS 31:3

Egiptoɨgua reta kuimbaeño ko, Tumpaä ko; ikavayu reta, kavayu tumpaä ko. Jayave yandeYa omopüa ipo oinupa reta vaerä yave, opata ko ñamɨri oporomborɨ vae jare oyemborɨuka vae vi, opaete voita omano reta.

ISAÍAS 36:8

Romoñera añave, remomɨari vaerä ndeyeupe cheruvicha guasu Asiria pegua, jare che ameeta ndeve dos mil kavayu, nde ndepuereta remee opo vaerä jese vae reta yave.

JEREMÍAS 49:11

‘Peeya cheve tɨ̈reɨ reta, ayangareko jese vaerä. Imemano vae reta ipuere vi oyerovia chereño.’ ”

EZEQUIEL 36:25

Poyoeta ɨ ikɨambae vae yetɨo pegua pe rami, jare ikɨambae pepɨtata cheróvai opaete peyemongɨa pɨpe vae güi; potɨota opaete petumpa-raanga reta güi.

EZEQUIEL 37:23

Ngaraa ye ma oyemongɨa reta tumpa-raanga reta omboete vae rupi, pɨ̈chɨi Tumpa pe vae rupi jare oyembopɨapochɨ reta Tumpa kotɨ vae rupi. Aepɨta opaete oyembopɨapochɨ reve oyapo vae rupi iyoa vae güi, jare aitɨota; yogüɨrekota chembaerä jare che aikota jae reta iTumparä.

OSEAS 12:1

Efraín iñemuña reta oyemongaru ɨvɨtu pe rami; ara ñavo yogüɨraja ɨvɨtuakuvo jaɨkue rami. Omoïru iyapu reta jare jekorai oyapo reta morogüɨrökuavee päve Asiria pegua reta ndive, jare güɨraja reta olivo iasaite pe ombopota Egipto.”

OSEAS 13:2

¡Ërei jeseve jeieteño iyoa reta! Ikorepoti omondɨkui reta oyapo vaerä itumparä mbae iä, ipoki mbae oyapo vae oipota oyapo rami. Javoi jei reta: “¡Pemee mɨmba oyeyukagüe chupe!” Jare oovapɨte reta jókuae toro taɨrusu iä.

OSEAS 14:8

Efraín jeita: ‘Ngaraa ye ma aeka tumpa-raanga reta.’ ¡Che ayeapɨsakata jare ayangarekota chembae vae reta re! Che ko jae metei ɨvɨra jokɨ katu avei vae rami, cheré toväe chembae vae reta mbae ikavi vae.”

OSEAS 2:17

Echa aekɨta peyuru güi baal reta jee, jare ngaraa ye ma oyeendu jókuae tee reta.

OSEAS 4:12

Chembae vae reta oparandu itumpa-raanga reta ɨvɨra pegua pe; jare jókuae ɨvɨra omboyevɨ suerte rupi. Echa ipɨa jese reteiño vae oyavɨuka chupe reta; jare oeya reta iTumpa oyapo vaerä ikavimbae.

OSEAS 5:13

Efraín oecha ma yave imbaerasɨ, jare Judá ipere okuerambae yave, Efraín ojota Asiria pe oiporu yemborɨ mburuvicha guasu pe, ërei jae ngaraa ipuere ombogüera ngaraa vi ipuere oipoano ipere.

OSEAS 7:11

Pɨkasu mbaetɨ arakuaa güɨnoi rami ko Efraín, oiporu yemborɨ Egipto pe, javoi oyemboya Asiria re.

OSEAS 8:6

Echa Israel imbae vi ko kuae, ipoki vae jembiapoño ko, Tumpaä ko; jaeramo opata ko oyemonguruvi, jókuae toro taɨrusu vae iä Samaria itumpa.

OSEAS 8:9

echa pe reta peo Asiria pe mburika imasombae rami. Efraín pegua reta omee mbota, iyaguasa pe oyeaɨuka vaerä.

JONÁS 2:10

Jare yandeYa omondo jevae ɨ rupigua ɨ jembeɨ kotɨ jare joko pe ogüëe, jare omoë Jonás ɨ jembeɨ pe.

ZACARÍAS 13:2

YandeYa Imbaepuere yae ete vae jei: Jókuae ara amboaita tumpa-raanga reta jee, jare ngaraa ye ma kia imaendúa jese. Amboaita vi ɨvɨ güi ñeemombeúa reta jare espíritu ikavimbae pegua.

San Juan 14:18

Che ngaraa poeya tɨ̈reɨ. Ayu yeta ko pépɨri.

DEUTERONOMIO 17:16

Ërei jókuae mburuvicha guasu agüɨye tomoñemuña iyeupe jeta kavayu, agüɨye vi tomondo togüeruruka iyeupe Egipto kotɨ güi omoïru vaerä ikavayu, echa yandeYa jei peve: ‘Agüɨye ye peyu kuae tape rupi.’