OSEAS 13:9 - Biblia Guarani Tumpa Iñee

⁹ Romokañɨteita Israel, ngaraa kia oasayepe chegüi.

OSEAS 13:9 ပူးပေါင်းရင်းမြစ်များ

2 CRÓNICAS 28:23

echa omee mɨmba oyeyukagüe Damasco pegua reta itumpa reta pe, omoamɨriuka vae reta pe. Echa oyemongeta Siria pegua mburuvicha guasu itumpa reta omborɨ ko vae, jáeramo jae oyemongeta omborɨta vi ko jae omee chupe yave mɨmba oyeyukagüe. Ërei kuae oyapo jeko pegua ko jae ou iñamɨri jare opaete Israel iñemuña reta.

SALMOS 146:5

Oyerovia ko jókuae, Jacob iTumpa iporomborɨ güɨnoi vae, iporoäro güɨnoi yandeYa, Jacob iTumpa re vae,

SALMOS 33:20

Ore royeko yandeYa re; ¡jae oremborɨ jare oreangareko!

SALMOS 46:1

Tumpa ko ñepɨ̈roa jare yeepɨka, mbɨatɨtɨ iara pe yandemborɨ jarembae voi vae.

PROVERBIOS 6:32

¡Menda re oyuvanga vae mbaetɨ ko iyarakuaa! ¡Jökorai oiko vae, jae aeño ko oñemokañɨtei!

PROVERBIOS 8:36

ërei chekotɨ iyoa vae, jae aeño ko oñererokomegua, ¡opaete chereröɨro vae reta, mano ko oaɨu!”

ISAÍAS 3:11

¡Paravete iyoa vae! Ngaraa ojo kavi, echa iyoa reta oï rupi jekoviata chupe.

ISAÍAS 3:9

Ikañɨmaa reta; echa Sodoma rami omoërakua reta iyoa, mbaetɨ oikuaku reta. ¡Paravete! Jae reta aeño oyapo ñogüɨnoi iyeupe ikavimbae oiporara vaerä.

JEREMÍAS 2:17

Körai ko reasa, chereeya vae jeko pegua, che, ndeYa Tumpa rogüɨroatase vae.

JEREMÍAS 2:19

Ikavimbae reyapo vae oiporaraukata ndeve, jupimbae reyapo vae nejäata. Eyemongeta jare reikuaata, ikavimbae yae ko reyapo chereeya jare mbaetɨ chemboete vae jeko pegua, che ndeYa Imbaepuere yae ete vae jae.

JEREMÍAS 4:18

Ndereko jare nderembiapo jeko pegua ko kuae ou ndeve; jae ko kuae ikavimbae reyapo vae jekovia, ndepɨa pe jasɨ yaeta vae.’

JEREMÍAS 5:25

Ërei pembaeyoa reta oyopia opaete kuaekuae reta pegüi, jare mbaetɨ peyekou jese.

OSEAS 13:4

YandeYa jei: “Che jae ko peYa Tumpa ɨvɨ Egipto güi peë güive, agüɨye perovia ïru tumpa re, jaeño cheré, agüɨye perovia oime ko ïru oporoepɨ vae, chereño perovia.

OSEAS 14:1

¡Israel, eyerova ye ndeYa Tumpa kotɨ, echa ndeyoa jeko pegua regüɨapi ma!

OSEAS 7:14

Jupa pe ñogüɨnoi yave mbaetɨ osapúkai ipɨa ndive, trigo jare vino oata yave osapúkai reta oyembopere reve. ¡Oyembopɨapochɨ reta chekotɨ!

OSEAS 7:15

Yepe tëi che amboe reta amee mbaepuere chupe reta, ërei jae reta oyemongeta oyapo vaerä ikavimbae cheve.

MALAQUÍAS 1:12

Jare pe reta pemboeteä ko pere yave: “Mɨmba oyeyuka oyeapɨ jese vae yandeYa imbae ikɨa yae jare tembíu oï joko pe vae yandemboyuguaru.”

MALAQUÍAS 1:13

Jare pere ye: “¡Orembogüérai yae ma kuaekuae!” Jare chereröɨro; peru mbotarä peñomigüe, iköchogüe, imbaerasɨgüe. ¿Aipɨɨta pa jókuae nunga pegüi?

MALAQUÍAS 1:9

Añave peyerure Tumpa ipɨakavi re yandeparareko vaerä. Ërei, ¿kërai pa pepuere pembopɨakatu, kuae nunga mbota reta peru reve? Jei yandeYa Imbaepuere yae ete vae.

DEUTERONOMIO 33:26

Mbaetɨ kia omboyovake Jesurún iTumpa, jae oguata ɨvate rupi pemborɨ vaerä jare amapɨtu reta re imbaepuere reve.

DEUTERONOMIO 33:29

Peyerovia pe Israel iñemuña reta, ¿kia pa ipuereta oyemboyovake pe ndive? YandeYa etei ko pereroasayepe; jae ko peangareko jare pemborɨ. ¡Jae ko pekɨsepuku peporomoamɨri vaerä! Perovaicho reta oñemomichita peve, jare pe pemboaita jae reta iyemboetea.”