OSEAS 13:7 - Biblia Guarani Tumpa Iñee

⁷ Jáeramo, che aïta chupe reta yaguapope rami, yagua rami tape pe akätɨrota.

OSEAS 13:7 ပူးပေါင်းရင်းမြစ်များ

JOB 10:16

Añemopüa ye yave, nde yaguapope rami reyuta cheve, jare reyapo yeta chekotɨ mɨakañɨ.

ISAÍAS 42:13

YandeYa oëta, metei jëia yae ñeraro regua vae rami, jare oñerarota, ñeraro regua yavaetegüe rami; osapúkai pukaita jare omoamɨrita jovaicho reta.

JEREMÍAS 25:38

Oë, yaguapope raɨ jaitɨ oeya rami, echa ɨvɨ oyemboai opɨta, tovaicho reta iyarasɨ rupi, yandeYa iyarasɨ ramo.

JEREMÍAS 5:6

Jáeramo yaguapope oëta kaa güi jare oyuka retata, aguarayaɨmba ñuu rupigua opata ombojaɨ jaɨ reta, yaguapara oporepeñata tëta guasu reta re jare kia oë yave ombojaɨ jaɨta; echa jeiete yae pɨapochɨ reta, jare mbaetɨ jupi reta.

LAMENTACIONES 3:10

Jae chevegua, metei yaguapope chepïaro oï vae rami ko, metei oso jaema cherepeñata oï vae rami.

OSEAS 5:14

Echa che aïta yaguapope rami Efraín pe; jare yaguapope raɨ rami Judá pe; che apɨ̈rota araja, jare ngaraa kia ipuere opɨ̈ro ye chepo güi.

AMÓS 1:2

Amós jei: YandeYa iñeeäta yave ɨvɨtɨ Sión güi, jae ko Jerusalén, kapii jenda opa ipiru jare ɨvɨtɨ Carmelo jee vae pe ñana opa vi ipiru.

AMÓS 3:4

¿Yaguapope oñeeta pa kaa tëɨ vae rupi, mbaetɨ reve jembia? ¿Yaguapope raɨ oñeeta pa, mbaetɨ reve oï jembia ndive ikua pe?

AMÓS 3:8

Yaguapope oñee yave, ¿kia pa mbaetɨta okɨɨye? YandeYa Tumpa omoë iñee yave, ¿kia pa mbaetɨta imiari jese?

Apocalipsis 13:2

Jare jókuae mbaemɨmba guasu aecha vae metei yaguaparaecha, jare ipɨ oso ipɨecha, jare iyuru yaguapope iyuruecha. Jare mbaeporou guasu tenonde aecha vae omee chupe imbaepuere jare iguapɨa mburuvicha pegua.