OSEAS 13:2 - Biblia Guarani Tumpa Iñee

² ¡Ërei jeseve jeieteño iyoa reta! Ikorepoti omondɨkui reta oyapo vaerä itumparä mbae iä, ipoki mbae oyapo vae oipota oyapo rami. Javoi jei reta: “¡Pemee mɨmba oyeyukagüe chupe!” Jare oovapɨte reta jókuae toro taɨrusu iä.

OSEAS 13:2 ပူးပေါင်းရင်းမြစ်များ

1 REYES 19:18

Jare che ayapota opɨta vaerä Israel pe siete mil, Baal jóvai mbaetɨ oyetavatɨka vae reta, jare mbaetɨ oovapɨte vae reta.”

2 CRÓNICAS 28:13

jare jei chupe reta: —Agüɨye peru kuae pe jókuae tembipɨɨ reta, echa jókuae rupi yandeyoata ko yandeYa kotɨ. Pe reta peipota pemoïru eteño yandeyoa jare yandereko, yandeYa iyarasɨ yaeta ko Israel kotɨ.

2 CRÓNICAS 33:23

Ërei mbaetɨi oñemomichi yandeYa jóvai, tu Manasés oñemomichi rami, echa jae jeieteño omoïru mbaeyoa.

SALMOS 2:12

Pemboete Taɨ, agüɨye vaerä iyarasɨ, jare opa pemano; echa aramoete pegua iyarasɨ. ¡Toyerovia katu opaete jese güɨrovia vae!

ISAÍAS 1:5

¿Maera pa jekuaeñoi peipota peiporara? ¿Jekuaeñota pa peyembopɨapochɨ? Opaetei peäka imbaerasɨ oï, jare opaetei pepɨa pe peiporara peï.

ISAÍAS 30:1

YandeYa jei: “¡Paravete, cheraɨ oyembosɨrɨ chegüi vae reta, oyemongeta reta mbae oyapo vaerä, oparandumbae reve cheve, oyupavo reta mbae oyapo vaerä, mbaetɨ reve che añono ipɨa pe, jökorai jeiete omoïru reta mbaeyoa iyeupe!

ISAÍAS 44:11

Opaete jókuae tumpa-raanga omboete vae reta imarata ko opɨta. Echa jókuae ipoki tumpa-raanga oyapo vae reta kuimbaeño ko. Opaete jae reta yogüeru ñejäa pe yave, ipɨakañɨta jare okɨɨye yae retata.

ISAÍAS 45:20

Peyomboatɨ jare peyu opaete tëtaguasu pegua reta jembɨregüe. Mbaetɨ ko iyarakuaa jókuae tumpa-raanga ɨvɨra pegua ovoɨ güɨroata vae reta, jare oyerure reta jókuae oporoepɨ rapembae vae pe vae reta.

ISAÍAS 46:6

Amogüe reta güɨnoe oro jɨru güi ani ojäa korepoti mbaejäaka pe, javoi oyókuai metei ipoki korepoti pegua mbaravɨkɨ oyapo vae, oyókuai oyapo vaerä itumparä; javoi oyetavatɨka omboete.

ISAÍAS 46:8

Iyoa vae reta, pemaendúa kuae re, agüɨye peyembotavɨ pe aeño, peyemongeta kavi jese;

JEREMÍAS 10:4

javoi omopöra korepoti pe jare oro pe, omotäta vaerä oikutu clavo pe martillo pe täta kavi oï vaerä.

JEREMÍAS 10:8

Opaete tumpa-raanga reta yarakuaambae ko, mbaetɨ etei ko yarakuaa reta. ¡Jókuae tumpa-raanga reta ɨvɨra pegua mbaetɨ ipuere pemboe!

JEREMÍAS 8:5

Jayave Israel, ¿maera pa mbaetɨ chemboete? Jerusalén, ¿maera pa reyembopɨapochɨ jekuae avei, jare mbaetɨ reipota reyerova ye chekotɨ?

OSEAS 10:1

Israel ko uvarupa ikavigüe rami, jeta ia iyeupeguaräño; ia jeta rami omopüa reta vi mɨmba oyeyuka oyeapɨ jese vae; iɨvɨ ikavi yae rami, ombokavi vi itumpa-raanga reta.

OSEAS 10:5

Guaka taɨrusu vae iä Bet-avén pegua oyemboai jeko pegua okɨɨyeta Samaria pegua reta. Jae reta jare isacerdote reta jäse retata toro taɨrusu vae iä oyemboai vae re, echa iyemboetea oyekou jese vae opata okañɨtei.

OSEAS 11:2

Ërei jeiete aenɨi yave, jeiete osɨrɨ reta chegüi. Baal reta pe omee mɨmba oyeyukagüe, tumpa-raanga reta pe oapɨ reta ikäti kavi incienso.

OSEAS 11:6

Outa ñeraro jëta guasu reta re, opata omboai tëta raɨ reta, oyemongeta reta ikavimbae oyapo vaerä jeko pegua.

OSEAS 14:3

Asiria pegua reta ngaraa ipuere orereroasayepe, ngaraa vi orepuere rotekuarai kavayu re. Ngaraa ye ma roe ‘oretumpa’, mbae iä royapo orepo pe vae pe, oreYa, ndeño reiparareko tɨ̈reɨ.”

OSEAS 2:8

Ërei jae mbaetɨ oikuaa che ko amee chupe trigo, vino jare olivo iasaite vae; che ko amoïru korepoti jare oro, pɨpe oyapo reta itumpa-raanga Baal vae.

OSEAS 4:17

¡Efraín pegua reta itumpa-raanga pota yae! ¡Peeya!

OSEAS 8:4

Pemboguapɨ peruvicha guasu retarä, ërei mbaetɨ che aiparavogüe; peñono peruvicha retarä, ërei che mbaetɨ aikuaa. Pekorepoti jare peoro peyapo petumpa-raangarä, pe reta aeño peñemokañɨtei.

OSEAS 8:5

¡Samaria pegua reta, pɨ̈chɨi yae ko cheve toro taɨrusu vae iä pemboete vae! Chearasɨ yae ikotɨ. ¿Kërai yave pa peyetɨota?

OSEAS 8:6

Echa Israel imbae vi ko kuae, ipoki vae jembiapoño ko, Tumpaä ko; jaeramo opata ko oyemonguruvi, jókuae toro taɨrusu vae iä Samaria itumpa.

NÚMEROS 32:14

Jare añave pe reta imbaeyoa vae iñemuña reta, pemomoe peru reta jeko, pemoïru vaerä yandeYa iyarasɨ Israel iñemuña reta kotɨ.

Romanos 11:4

Ërei Tumpa jei chupe körai: “Oimeño siete mil kuimbae che aiparavo vae reta. Mbaetɨ oyetavatɨka tumpa-raanga Baal jóvai vae reta.”

Romanos 2:5

Ërei ndepɨatäta jare mbaetɨ reeya ikavimbae vae ndepɨa pe oï vae rupi, remboatɨ ndeyeupe aeño Tumpa iyarasɨ, jae iporojäa jupi rupi vae iara oyekuaa yave.

2 Timoteo 3:13

ërei ikavimbae vae iyapoa reta jare oporombotavɨ vae reta, jeieteta ikavimbae oyapo. Jae reta oporombotavɨta jare oyembotavɨukata vi.

1 SAMUEL 10:1

Jayave Samuel oipɨɨ metei asaite jɨru jare opɨyere Saúl iñäka re, jare oovapɨte, jei reve chupe: —YandeYa ndeparavo imbae vae Israel iñemuña reta juvicha guasurä.