OSEAS 13:16 - Biblia Guarani Tumpa Iñee

¹⁶ Samaria oiporarata jeko re, echa oyembopɨapochɨ iTumpa kotɨ. Omano retata ñeraro pe, imichia reta oyererokuaukata ɨvɨ re, ikuña reta ipurúa ñogüɨnoi vae oipekata jɨe chugüi.

OSEAS 13:16 ပူးပေါင်းရင်းမြစ်များ

2 REYES 15:16

Jayave Manahem omboai tëta Tifsa, jare opaete joko pe yogüɨreko vae, jare vi opaete iyɨvɨrigua reta Tirsa güive opa omboai, echa mbaetɨ oipea reta chupe tëta guasu reta jöke reta. Jare oipeka opaete kuña reta ipurúa vae jɨe.

2 REYES 17:18

Jáeramo yandeYa iyarasɨ yae ete Israel pegua reta kotɨ, jare opa omombo iyeugüi; jare mbaetɨ etei opɨta vae, jaeño opɨta Judá pegua reta.

2 REYES 17:5

javoi mburuvicha guasu Asiria pegua oike isundaro reta ndive opaete ɨvɨ Israel pe, jare oñova tëta guasu Samaria, oïraro güɨreko mboapɨ año rupi.

2 REYES 17:6

Oseas chau año ma oiko mburuvicha guasurä yave, mburuvicha guasu Asiria pegua oike tëta guasu Samaria omoamɨri, jare güɨraja Israel pegua reta tembipɨɨrä Asiria pe, jare oñono Halah pe, Habor pe, ɨ̈aka Gozán iyɨ́vɨri, jare ɨvɨ Media pegua reta jëta guasu reta rupi.

2 REYES 8:12

jare Hazael oparandu chupe: —¿Maera pa reyaeo, cheya? Tumpa iñeemombeúa jei chupe: —Che aikuaa ikavimbae reyapota Israel iñemuña reta pe vae; reapɨta jëta guasu reta oñekëse kavi ñogüɨnoi vae, taɨrusu vae reta reyukata kɨsepuku pe, imichia reta rerokuaukata ɨvɨ re, jare reipekata kuña ipurúa vae reta jɨe.

ISAÍAS 13:16

Jovake reta etei imichia reta oyererokuaukata ɨvɨ re; jo güi opata oñerenoe mbaembae, jare jembireko ñavo re oyuvangata chugüi reta vae.

ISAÍAS 17:3

Efraín mbaetɨta ma güɨnoi tëta guasu oñekëse kavi vae, jökorai vi Damasco; Siria pegua jembɨregüe reta, Israel pegua reta ramiñota vi. Jökorai jei yandeYa Imbaepuere yae ete vae.

ISAÍAS 8:4

Echa kuae michia raɨ ndei oikatu ‘papa’ jare ‘mama’ jei mbove: Oñepɨ̈rota Damasco jare Samaria güi imbaembae ikavigüe; mburuvicha guasu Asiria pegua opata opɨ̈ro.”

OSEAS 10:2

Israel ipɨayoyavi, añave oiporarata iyoa re. YandeYa opata oyoka chugüi mɨmba oapɨ reta omee jese vae, jare omboaita itumpa-raanga reta.

OSEAS 11:6

Outa ñeraro jëta guasu reta re, opata omboai tëta raɨ reta, oyemongeta reta ikavimbae oyapo vaerä jeko pegua.

OSEAS 7:14

Jupa pe ñogüɨnoi yave mbaetɨ osapúkai ipɨa ndive, trigo jare vino oata yave osapúkai reta oyembopere reve. ¡Oyembopɨapochɨ reta chekotɨ!

AMÓS 1:13

YandeYa jei körai: “Amón iñemuña reta iyoa yae jeko pegua, mbaetɨta cheɨ̈ro chupe reta; echa oipota reta iɨvɨ ombotuicha jeko pegua, opa oipeka kuña Galaad pegua ipurúa vae reta jɨe.

AMÓS 3:9

Pemoërakua mburuvicha guasu jo kavi reta pe, tëta Asdod pe, jare mburuvicha guasu jo kavi reta pe, ɨvɨ Egipto pe, körai: “Peyu peyemboatɨ Samaria iɨvɨtɨ re; jare pemae teko kavimbae oyeapo pɨpe vae re jare tekorai jeta pɨpe vae re.”

AMÓS 9:1

Aecha yandeYa oï mɨmba oyeyuka oyeapɨ jese vae iárambo, jare jei: “Eitɨ okɨta reta jare tokana öke iguapɨka ave; jare o tosururu opaete vae iárambo; chugüi reta jembɨregüe ayukata kɨsepuku pe; mbaetɨta kia otekuarai jare ojoyepe vae.

MIQUEAS 1:4

Jare jókuae ɨvɨtɨ guasu reta opata tɨkui iraitɨ tata pe oï rami, jare ɨvɨtɨ päu ipe kavi vae reta opata oñemoɨ̈aka-soro, ɨ oa ɨ̈vavira rupi rami.

MIQUEAS 6:16

Echa peñovatu peyeupe Omri iporookuai reta, jare opaete Acab iñemuña reta jembiapo peyapo; jókuae reta iporomboarakuaa rupi peiko, opa vaerä che pomboai poñono jare peikota ñemomarai rupi. Jáeramo peñemotareɨukata peiko ïru tëta guasu pegua reta pe.”

NAHUM 3:10

Ërei ngatu Tebas, oyererajauka tembipɨɨrä, imichia reta opa vi oyererokuauka kaye ekina rupi, mburuvicha guasu iyɨvɨrigua reta re oyeapo suerte, jare imborɨa reta opa oyepokua.